ខេត្តព្រះសីហនុ ​៖ នៅសាលប្រជុំ​សាលាខេត្តព្រះសីហនុ ​នារសៀលថ្ងៃទី២៥​ មេសា​ ២០១៤ ​មានរៀបចំពិធី​ប្រកាសផ្ទេរភារកិច្ច និង តែងតំាង​ព្រះរាជអាជ្ញាអម​សាលាដំបូង​ខេត្តព្រះសីហនុ ​ដោយលោកស្រី​ ចាត សូររស្មី ​អតីតព្រះរាជ​អាជ្ញាអមសាលា​ដំបូងខេត្តក្រចេះ ​ត្រូវបានផ្ទេរ ​និងតែងតំាង​ជាព្រះរាជអាជ្ញា​អមសាលាដំបូង​ខេត្តព្រះសីហនុ​ ជំនួសលោក​ ប៊ូ ប៊ុនហាង​ ដែលត្រូវផ្ទេរភារកិច្ច​ទៅធ្វើ​ជា​ព្រះរាជ​អាជ្ញា​អមសាលាដំបូង​ខេត្តកោះកុង ។

បើតាមអ្នកឆ្លើយឆ្លង​ព័ត៌មាន​កោះសន្តិភាព​បានបញ្ជាក់ឲ្យដឹងដែរថា​ ពិធីប្រព្រឹត្តទៅ​ក្រោមអធិបតីភាព ​លោក អង្គវង្ស វឌ្ឍនា ​រដ្ឋមន្រ្តីក្រសួងយុត្តិធ៌ម​ និង​មានការចូលរួម​ពីថ្នាក់ដឹកនំា​ក្រសួងយុត្តិធ៌ម ​តំណាង​អាជ្ញាធរខេត្ត​ ស្ថាប័ន​-អង្គភាពពាក់ព័ន្ឋ ​និង ​មន្រ្តីរាជការ​ក្រោមឱវាទ​សាលាខេត្តជា​ច្រើន​រូបទៀត ៕