រាជធានីភ្នំពេញ ៖ មជ្ឈមណ្ឌលជាតិប្រយុទ្ធនឹជំងឺគ្រុនចាញ់ប៉ារ៉ាស៊ីតសាស្ត្រ និងបាណកសាស្ត្របានបង្ហាញនូវរបាយការណ៍ប្រកបដោយមោទនភាពមួយ ដែលកម្ពុជាសម្រេចបានគោលដៅសហវត្សក្នុងរយៈពេល៤ឆ្នាំ មុនកាលកំណត់ទាក់ទងនឹងអត្រាឈឺស្លា.ប់ដោយជំងឺគ្រុនចាញ់ ។
រាជធានីភ្នំពេញ ៖ មជ្ឈមណ្ឌលជាតិប្រយុទ្ធនឹជំងឺគ្រុនចាញ់ប៉ារ៉ាស៊ីតសាស្ត្រ និងបាណកសាស្ត្របានបង្ហាញនូវរបាយការណ៍ប្រកបដោយមោទនភាពមួយ ដែលកម្ពុជាសម្រេចបានគោលដៅសហវត្សក្នុងរយៈពេល៤ឆ្នាំ មុនកាលកំណត់ទាក់ទងនឹងអត្រាឈឺស្លាប់ដោយជំងឺគ្រុនចាញ់ ។
យោងតាមរបាយការណ៍ប្រចាំឆ្នាំ២០១៣ របស់មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្ត្រ និងបាណកសាស្ត្របានបញ្ជាក់ថា ស្ថានភាពនៃជំងឺគ្រុនចាញ់នៅកម្ពុជា ត្រូវបានកាត់បន្ថយជាបន្តបន្ទាប់តាំងពីឆ្នាំ២០០០មកម្ល៉េះ គ្រាដែលកម្ពុជាទទួលការអនុវត្តគោលដៅសហវត្សនៃការលុបបំបាត់ជំងឺគ្រុនចាញ់ឆ្នាំ២០២៥ ។
របាយការណ៍ដដែលបានបង្ហាញថា អត្រាស្លាប់ដោយជំងឺគ្រុនចាញ់ក្នុងទសវត្សឆ្នាំ២០០០-២០១០ ត្រូវបានកាត់បន្ថយប្រមាណតែ៧,៧% ប៉ុណ្ណោះ ក្នុងមួយឆ្នាំៗគិតជាមធ្យម ប៉ុន្តែឆ្នាំបន្តបន្ទាប់សំខាន់ក្នុងរយៈពេល៣ឆ្នាំដំបូងនៃការអនុវត្តផែនការយុទ្ធសាស្ត្រជាតិលុបបំបាត់ជំងឺគ្រុនចាញ់ឆ្នាំ២០១១-២០២៥ របស់រាជរដ្ឋាភិបាល អត្រាស្លាប់ដោយជំងឺគ្រុនចាញ់ត្រូវបានកាត់បន្ថយកាន់តែលឿនជាងមុន ពោលគឺកាត់បន្ថយអស់៤០% ក្នុងឆ្នាំ២០១១ និង៥១% ក្នុងឆ្នាំ២០១២ ហើយនៅឆ្នាំ២០១៣ ថយចុះរហូតដល់៧៤%ឯណោះ ។
តាមរបាយការណ៍នោះ ចំនួនអ្នកស្លាប់ដោយជំងឺគ្រុនចាញ់ឆ្នាំ២០១១ មានចំនួន៩៣នាក់, ឆ្នាំ២០១២ មានចំនួន៤៦នាក់និងឆ្នាំ២០១៣ មានចំនួន១២នាក់ ។ តាមអត្រាថយចុះនោះ គឺយើងអាចមើលឃើញថា មានល្បឿនស្មើនឹងគោលដៅដាក់ចុះឆ្នាំ២០១៥។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ