ខេត្តសៀមរាប ៖ កម្លាំងនគរបាលអន្ដរាគមន៍ខេត្ត និងនគរបាលសេដ្ឋកិច្ចប្រឆាំងបទល្មើសនៃស្នងការដ្ឋាននគរបាលខេត្តបានធ្វើការល្បាតចាប់ឃាត់រឹបអូសរថយន្ដនីសាន់ដឹកឈើប្រណិតប្រភេទបេង,ធ្នង់ល្មើសច្បាប់១គ្រឿងយ៉ាងពេញប្រគល់ឲ្យជំនាញរដ្ឋបាលព្រៃឈើខេត្តចាត់ការ បន្ដ។ហេតុការណ៍តាមប្រមាញ់ចាប់បានរថយន្ដនីសាន់ដឹកឈើប្រណិតនេះដែរធ្វើឡើងនៅវេលា
ខេត្តសៀមរាប ៖ កម្លាំងនគរបាលអន្ដរាគមន៍ខេត្ត និងនគរបាលសេដ្ឋកិច្ចប្រឆាំងបទល្មើសនៃស្នងការដ្ឋាននគរបាលខេត្តបានធ្វើការល្បាតចាប់ឃាត់រឹបអូសរថយន្ដនីសាន់ដឹកឈើប្រណីតប្រភេទបេង,ធ្នង់ល្មើសច្បាប់១គ្រឿងយ៉ាងពេញប្រគល់ឲ្យជំនាញរដ្ឋបាលព្រៃឈើខេត្តចាត់ការ បន្ដ។ហេតុការណ៍តាមប្រមាញ់ចាប់បានរថយន្ដនីសាន់ដឹកឈើប្រណិតនេះដែរធ្វើឡើងនៅវេលាម៉ោង២២និង០០នាទីយប់ ថ្ងៃទី ២៣ ខែ មេសា ឆ្នាំ២០១៤ ក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ខណះពេលដែលរថយន្ដល្មើសច្បាប់ នោះរត់ទៅពួនក្នុងដីឡូត៍មួយកន្លែង ។
តាមប្រភពពីសមត្ថកិច្ចសូមមិនបញ្ចេញឈ្មោះបានបង្ហើបឲ្យដឹងថាម្ចាស់ឈើមានឈ្មោះ យាយហួយមុខរបររកស៊ីឈើដុះស្លែរនៅក្នុងស្រុកជីក្រែងពេលសមត្ថកិច្ចល្បាតឃើញមានរថយន្ត២គ្រឿងតែបង្កា្របបានតែ១គ្រឿងប៉ុណ្ណោះ។ សមត្ថកិច្ចបានបន្តផងដែរថាឃើញមានលោកអនុសេនីយត្រី ស៊ុន គឹមហុងជាមន្ត្រីប៉េអឹមក្រុងទទូលបន្ទុកសេដ្ឋកិច្ចក្រុងសៀមរាបជាអ្នករត់ការដើម្បីសម្របសម្រួលឲ្យខាងមេព្រៃដោះលែង តែសមត្ថកិច្ចមិនយល់ព្រមក៏ឆ្លើយតបវិញថាលោកបានរាយការទៅថ្នាក់លើអស់ហើយបើចង់ដោះស្រាយបញ្ចប់ទៅជួបថ្នាក់ទៅពីព្រោះឈ្មោះ ហុងនេះធ្លាប់មានរឿងអាស្រូវប៉ុន្មានខែមុនដែលត្រូវបានសមត្ថកិច្ចចុះឆែកឆេររកឃើញគំនរឈើគ្រញូងនៅព្រៃក្នុងស្រុកបន្ទាយស្រីម្តងរួចមកហើយ។
ប្រភពឲ្យដឹងពីលោកវរៈសេនីយ៍ឯក អ៊ុំ អមរា ស្នងការរងនគរបាលខេត្តជាប្រធានការិយាល័យនគរបាលប្រឆាំងបទល្មើសខេត្ត បានមានប្រសាសន៍តាមទូរស័ព្ទនៅរសៀលនេះថាដោយទទួលបានបទបញ្ជាពីលោកស្នងការខេត្ត ឲ្យល្បាតនៅតាមដងផ្លូវនានានោះកម្លាំងរបស់លោកក៏បានប្រទះឃើញរថយន្ដដឹកឈើល្មើសច្បាប់ចំនួន២គ្រឿងតែរត់រួច១គ្រឿងម៉ាកនីសាន់១បាំងកន្លះរួចបានសុំគោលការណ៍ពីលោកស្នងការនិងលោកព្រះរាជអជ្ញាធ្វើការតាមប្រមាញ់ពីក្រោយរហូតចាប់បានរថយន្ដល្មើសច្បាប់នោះនៅកន្លែងកើតហេតុខាងលើយកទៅ រក្សាទុកនៅស្នងការខេត្តទាំងយប់ រីឯម្ចាស់គេចខ្លួនបាត់។ លោកស្នងការរងបានបន្ដទៀតថាបច្ចុប្បន្ននេះលោកបានប្រគល់ទាំងរថយន្ដ ទាំងឈើទៅឲ្យេជំនាញ រដ្ឋបាលព្រៃឈើខេត្តដើម្បីចាត់ការបន្ដទៅតាមផ្លូវច្បាប់ ។
បើតាមការឲ្យដឹងពីលោកម៉ែន វុទ្ធីមន្ដ្រីខ័ណ្ឌរដ្ឋបាលព្រៃឈើខេត្តសៀមរាបបានប្រាប់តាមទូរស័ព្ទនៅរសៀលនេះដែរថាឈើល្មើសច្បាប់នោះប្រភេទបេង,ធ្នង់មានចំនួន៣៣ដុំស្មើនឹង ១,៣០៥ម៉ែត្រគូប ។ទាំងឈើ ទាំងរថយន្ដត្រូវបានអូសមករក្សាទុកនៅថ្នាលបណ្ដុះកូនឈើកំព្រំ ស្រុកបន្ទាយស្រី ដើម្បីរង់ចាំម្ចាស់រថយន្ដចូលខ្លូនមកបង់,ផាកពិន័យទៅតាមច្បាប់ ។
ចែករំលែកព័តមាននេះ