រាជធានីភ្នំពេញ ៖ ក្រោមប្រធានបទ «កំចាត់ដង្កូវទឹក និងមូសខ្លា ដើម្បីការពារជីវិតអ្នក និងគ្រួសារអ្នក» ទិវាជាតិប្រយុទ្ធនឹងជំងឺគ្រុនឈាមឆ្នាំនេះ ត្រូវបានប្រារព្ធធ្វើឡើងនៅសាលាបឋមសិក្សាភ្នំពេញថ្មី ខណ្ឌសែនជ័យ រាជធានីភ្នំពេញ កាលពីព្រឹកថ្ងៃទី២៤ មេសា ២០១៤ ក្រោមអធិបតីភាពលោកម៉ម ប៊ុនហេង រដ្ឋមន្ត្រីក្រសួងសុខាភិបាល និងលោកច ម៉េងចួ ប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្ត្រ និងបាណនសាស្ត្រ ។
ថ្លែងពីគោលបំណងនៃការប្រារព្ធទិវាដ៏មានសារសំខាន់នេះ លោកច ម៉េងចួ បញ្ជាក់ថា ទិវានេះមិនគ្រាន់តែផ្សព្វផ្សាយរំលឹកដល់សាធារណជនអំពីស្វ័យការពារចំពោះជំងឺគ្រុនឈាម និងធានានិរន្តភាពនៃយុទ្ធនាការយល់ដឹងពីជំងឺគ្រុនឈាមប៉ុណ្ណោះទេ ប៉ុន្តែគឺជាការពង្រឹងសហប្រតិបត្តិការអន្តរវិស័យកាន់តែជិតស្និទ្ធិរវាងស្ថាប័នពាក់ព័ន្ធក្នុងការប្រយុទ្ធនឹងជំងឺគ្រុនឈាមនៅកម្ពុជា ។
លោកបានបន្តថា នៅឆ្នាំ២០១៣កន្លងទៅនេះ ជំងឺគ្រុនឈាមបានសម្លាប់ជីវិតមនុស្សចំនួន៥៩នាក់ ថយចុះប្រមាណ៦៩% ប្រៀបធៀបរយៈពេលដូចគ្នានៃឆ្នាំ២០១២ ។ ចំណែកករណីឈឺមានចំនួន១៧.៥៣៣នាក់ ថយចុះ៥៩% ប្រៀបធៀបរយៈពេលដូចគ្នាឆ្នាំ២០១២ ។ ដោយឡែកនៅ១៥សប្តាហ៍ ដើមឆ្នាំ២០១៤នេះ ករណីគ្រុនឈាមមាន២៦៩ករណី ក្នុងនោះស្លាប់ម្នាក់គឺថយចុះ៨៥% ប្រៀបធៀបរយៈពេលដូចគ្នានៃឆ្នាំ២០១៣ផងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ