ខេត្តក្រចេះ ៖ សិក្ខាកាមជានគរបាលមកពីតាមបណ្តាប៉ុស្តិ៍រដ្ឋបាលអធិការស្រុក-ក្រុង និងការិយាល័យជំនាញចំនួនជាង៦០រូបទទួលបានវគ្គបណ្តុះបណ្តាលជំនាញកុំព្យូទ័រលើការធ្វើអត្តសញ្ញាណប័ណ្ណសញ្ជាតិខ្មែរគម្រូថ្មីជំហានទី២ រយៈពេល៣ថ្ងៃនៅស្នងការដ្ឋាន។
ខេត្តក្រចេះ ៖ សិក្ខាកាមជានគរបាលមកពីតាមបណ្តាប៉ុស្តិ៍រដ្ឋបាលអធិការស្រុក-ក្រុង និងការិយាល័យជំនាញចំនួនជាង៦០រូបទទួលបានវគ្គបណ្តុះបណ្តាលជំនាញកុំព្យូទ័រលើការធ្វើអត្តសញ្ញាណប័ណ្ណសញ្ជាតិខ្មែរគម្រូថ្មីជំហានទី២ រយៈពេល៣ថ្ងៃនៅស្នងការដ្ឋាន។
មានប្រសាសន៍ទៅកាន់សិក្ខាកាម និងគ្រូឧទ្ទេសក្នុងពិធីបើកវគ្គនាព្រឹកថ្ងៃទី២៤ មេសា ២០១៤ នៅសាលប្រជុំស្នងការដ្ឋាន លោកឧត្តមសេនីយ៍ត្រី ជួង ស៊ាងហាក់ ស្នងការនគរបាលខេត្តបានជម្រុញឱ្យសិក្ខាកាមទាំងអស់យកចិត្តទុកដាក់លើការសិក្សាដើម្បីយកចំណេះដឹងទាំងនេះទៅបំពេញកាតព្វកិច្ច តួនាទីសម្រាប់បម្រើពលរដ្ឋទៅតាមតម្រូវការរបស់រាជរដ្ឋាភិបាល។
លោកវរសេនីយ៍ឯក ច្រឹង ផល្លី ស្នងការរងកណ្តាលស្ថិតិ និងអគ្គិភ័យបានមានប្រសាសន៍ថា វគ្គបណ្តុះបណ្តាលនេះ មានរយៈពេល៣ថ្ងៃជាប់ៗគ្នា គិតចាប់ពីថ្ងៃទី២៤ មេសា ដល់ថ្ងៃទី២៧ មេសា ក្រោមការសម្របសម្រួលពីគ្រូឧទ្ទេសមកពីនាយកដ្ឋាន។ ជាមួយគ្នានេះគ្រប់បណ្តាអធិការដ្ឋានស្រុក-ក្រុងក៏ទទួលបានកុំព្យូទ័រ៣គ្រឿង និងម៉ាស៊ីនភ្លើង២គ្រឿង សម្រាប់យកទៅបម្រើការងារលើអត្តសញ្ញាណប័ណ្ណជូនប្រជាពលរដ្ឋបន្ទាប់ពីចប់វគ្គបណ្តុះបណ្តាលរួច៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ