ខេត្តកំពង់ធំ ៖ មន្ត្រីអាវុធហត្ថមួយក្រុម ដឹកនាំដោយលោកវរៈសេនីយ៏ត្រី សេង ប៊ុនតេង ចាប់រថយន្តតូរីសដឹកឈើប្រណិត១គ្រឿងពណ៌ស្លែ ពាក់ស្លាកលេខព្រះវិហារ 2A.0159 យកទៅលាក់ទុក ជំរិតទាប្រាក់ លុះត្រួវបែកធ្លាយរឿងទើបបញ្ជូនឲ្យសមត្ថកិច្ចជំនាញ។សកម្មភាពនេះបានកើតឡើងកាលពីល្ងាចថ្ងៃទី២២ ខែមេសា ឆ្នាំ២០១៤ នៅលើដងផ្លូវជាតិលេខ៧១ត្រង់
ខេត្តកំពង់ធំ ៖ មន្ត្រីអាវុធហត្ថមួយក្រុម ដឹកនាំដោយលោកវរៈសេនីយ៏ត្រី សេង ប៊ុនតេង ចាប់រថយន្តតូរីសដឹកឈើប្រណិត១គ្រឿងពណ៌ស្លែ ពាក់ស្លាកលេខព្រះវិហារ 2A.0159 យកទៅលាក់ទុក ជំរិតទាប្រាក់ លុះត្រួវបែកធ្លាយរឿងទើបបញ្ជូនឲ្យសមត្ថកិច្ចជំនាញ។សកម្មភាពនេះបានកើតឡើងកាលពីល្ងាចថ្ងៃទី២២ ខែមេសា ឆ្នាំ២០១៤ នៅលើដងផ្លូវជាតិលេខ៧១ត្រង់ ចំនុចភូមិតាប្រុក ឃុំឈូកខ្សាច់ ស្រុកបារាយណ៏ ខេត្តកំពង់ធំ។
តាមប្រភពព័ត៌មានពីម្ចាស់ឈើឈ្មោះ ធី សុភ័ក្រ បានប្រាប់អ្នកសារព័ត៌មានឲ្យបានដឹងច្បាស់ថា រថយន្តតូរីសដឹកឈើប្រណិតប្រភេទធ្នង់ខាងលើនេះ ត្រូវបានកម្លាំងអាវុធហត្ថដឹកនាំដោយលោក សេង ប៊ុនតេង បានចាប់រួចនាំយកត្រឡប់មកក្រោយវិញ ហើយយកទៅលាក់ទុកនៅក្នុងព្រៃ១កន្លែងជិតកន្លែងកិនថ្ម ខាងក្រោយរោងចក្រត្រពាំងប្រហុកចូលពីផ្លូវជាតិលេខ៧១ប្រហែល៥០០ម៉ែត្រ ដោយបានទាប្រាក់ចំនួន១០០០$(មួយពាន់ដុល្លា)តែខាងម្ចាស់ឈើសម្រួលឲ្យត្រឹម៦០០ដុល្លារ ដោយមានការ ចចារតថ្លៃគ្នាអស់រយៈពេលជិតពីរម៉ោងនៅខណៈពេលនោះធ្លាយបែករឿងផ្អើលដល់សមត្ថកិច្ចផ្សេងៗទៀតទើបបញ្ជូនរថយន្តដឹកឈើនោះមកអោយផ្នែករដ្ឋបាលព្រៃឈើកំពង់ថ្មពាក់ព័ន្ធនិងករណីខាងលើនេះ។
លោក សេងប៊ុនតេង បានប្រាប់តាមទូរស័ព្ទថារឿងចាប់រថយន្តដឹកឈើខាងលើនេះគឺកូនចៅរបស់លោកទេជាអ្នកចាប់បានរួចបញ្ជូនឲ្យសមត្ថកិច្ចជំនាញ មិនបានជំរិតទាលុយ១០០ដុល្លារពីម្ចាស់ដែលដឹកឈើនោះទេ។
លោក សុទ្ធម៉ារី នាយផ្នែករដ្ឋបាលព្រៃឈើកំពង់ថ្មបានឲ្យដឹងដែរថាកាលពីល្ងាចថ្ងៃទី២២ ខែមេសា ឆ្នាំ២០១៤ លោក សេងប៊ុនតេង ចាប់បានរថយន្តតូរីសដឹកឈើប្រណិតខាងលើនេះពណ៌ស្លែពាក់ស្លាកលេខព្រះវិហារ2A.01.59 ប្រគល់ឲ្យផ្នែកជំនាញរបស់លោកចំណែករឿងអ្វីទៀតនោះលោកពុំបានដឹងទេ ក្រោយពីធ្វើការវាស់វែងរួច ឈើធ្នង់នៅក្នុងរថយន្តមានចំនួន២៦ដុំ ស្មើនឹង១;៣៥០ម៉ែត្រគីប សមត្ថកិច្ចជំនាញចាត់ការទៅតាមនិតិវិធី។
ប្រជាពលរដ្ឋនិយាយរិះគន់ថា អ្នកណាមិនស្គាល់បុរសជើងខ្លាំងសេង ប៊ុនតេង នេះនោះ ធាតុពិតគឺជាមេឈ្មួញរកស៊ីឈើក្រញូង និងឈើប្រណិតយ៉ាងសកម្ម ដៃម្ខាងចាប់រីឯដៃម្ខាងទៀតទាប្រាក់នោះមានតែអ្នកដែលពុំធ្លាប់រកស៊ីដឹកឈើទេដែលមិនស្គាល់ឈ្មោះជើងខ្លាំង សេង ប៊ុនតេង ចំណែកអ្នកធ្លាប់រកស៊ីដឹកឈើខុសច្បាប់វិញ គ្រាន់តែឮរហ័សនាមលោក សេង ប៊ុនតេង អ្នកណាក៏ញាក់សាច់ដែរ។
ចែករំលែកព័តមាននេះ