ខេត្តកំពង់ឆ្នាំង ៖ ព្រះគ្រូចៅអធិការវត្តស្រះកែវ ស្ថិតក្នុងភូមិស្រះកែវ ឃុំមេលំ ស្រុកបរិបូរណ៌ បានចាញ់បោកអ្នកដើរលក់ធុងបាស់មិនស្គាល់អត្តសញ្ញាណម្នាក់អស់ប្រាក់ជិត៤០០ដុល្លារ កាលពីវេលាម៉ោង១២ថ្ងៃត្រង់ ថ្ងៃទី២១ មេសា ២០១៤ ដោយសារតែឆាន់ភេសជ្ជៈខារ៉ាបាវរបស់ជនឆបោកនោះអស់១កំប៉ុងងងុយសឹង ត្រូវបុរសនោះលួចលុយអស់ពីក្នុងថង់យាម។
ខេត្តកំពង់ឆ្នាំង ៖ ព្រះគ្រូចៅអធិការវត្តស្រះកែវ ស្ថិតក្នុងភូមិស្រះកែវ ឃុំមេលំ ស្រុកបរិបូរណ៌ បានចាញ់បោកអ្នកដើរលក់ធុងបាស់មិនស្គាល់អត្តសញ្ញាណម្នាក់អស់ប្រាក់ជិត៤០០ដុល្លារ កាលពីវេលាម៉ោង១២ថ្ងៃត្រង់ ថ្ងៃទី២១ មេសា ២០១៤ ដោយសារតែឆាន់ភេសជ្ជៈខារ៉ាបាវរបស់ជនឆបោកនោះអស់១កំប៉ុងងងុយសឹង ត្រូវបុរសនោះលួចលុយអស់ពីក្នុងថង់យាម។
សមត្ថកិច្ចមូលដ្ឋានបានឱ្យដឹងថា ព្រះគ្រូចៅអធិការវត្តស្រះកែវដែលចាញ់បោកគេព្រះនាម ហែន ទ្រូ មានព្រះជន្ម៥៨ព្រះវស្សា ជាជនជាតិខ្មែរកម្ពុជាក្រោមទើបមកបួសជាសង្ឃបាន១វស្សានៅវត្តខាងលើ។
សមត្ថកិច្ចបានឱ្យដឹងទៀតថា មុនពេលកើតហេតុ ខណៈព្រះអង្គកំពុងរាប់លុយវត្តនៅលើកុដិ ស្រាប់តែមានបុរសមិនស្គាល់អត្តសញ្ញាណម្នាក់ជិះម៉ូតូឌុបធុងបាស់តូចៗពីក្រោយដើរលក់តាមភូមិ។ នៅពេលឃើញព្រះអង្គកំពុងរាប់លុយដូច្នេះ បុរសរូបនោះក៏បានយកក្រដាស់១០ដុល្លារមកដូរយកលុយខ្មែរពីព្រះអង្គ បន្ទាប់មកគេក៏បានទិញខារ៉ាបាវមួយកំប៉ុងប្រគេនលោកឆាន់។
ក្រោយពីព្រះអង្គឆាន់រួចក៏ងោកងុយ ហើយក៏បានសឹងលក់ទៅ ពេលនោះបុរសមិនស្គាល់អត្តសញ្ញាណបានលួចយកលុយពីថង់យាមរបស់ព្រះអង្គទាំងអស់ សរុបមានប្រាក់ដុល្លារចំនួន៣៥៥ដុល្លារ និងលុយខ្មែរចំនួន១៦ម៉ឺនរៀល ដែលជាលុយរបស់វត្តសម្រាប់ទិញដែក និងស៊ីម៉ង់ត៍ទុកកសាងព្រះវិហារ ហើយជិះម៉ូតូគេចខ្លួនបាត់តែម្តង។
ក្រោយពីដឹងព្រះកាយវិញរកលុយមិនឃើញទើបព្រះអង្គដឹងថា ចាញ់បោកបុរសកំហូចនោះ ដែលលោកសង្ស័យថា គេបានដាក់ថ្នាំងងុយដេកនៅក្នុងទុយោបឺតដើម្បីធ្វើសកម្មភាពនេះ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ