ខេត្តកណ្តាល​ ៖ នៅសាលាដំបូង​ខេត្តកណ្តាល ​នារសៀលថ្ងៃទី២១ ​មេសា ​២០១៤ ​មានរៀបចំពិធី​ប្រកាសចូលកាន់​មុខតំណែង និងផ្ទេរភារកិច្ច​ប្រធានសាលាដំបូងខេត្ត​ ដោយលោក ​ហុក វ៉ាន់ធីណា អនុប្រធាន​សាលាដំបូងខេត្ត​ នឹងឡើងកាន់តំណែង​ជាប្រធាន​សាលាដំបូងខេត្តកណ្តាល​ ជំនួសលោក​ អ៊ិន វ៉ាន់វិបុល​ ដែលត្រូវផ្ទេរភារកិច្ច​ទៅបម្រើការងារ​ជាចៅក្រម​សាលា​ឧទ្ឋរណ៏​ ។

បើតាមភ្នាក់ងារ​យកព័ត៌មាន​កោះសន្តិភាព​បានបញ្ជាក់ឲ្យដឹងទៀតថា ​ពិធីនេះបា្ររព្ឋធ្វើ​ក្រោមអធិបតីភាព​ លោក អង្គវង្ស វឌ្ឍនា ​រដ្ឋមន្រ្តី​ក្រសួងយុត្តិធ៌ម​ និង​មានការចូលរួម​ពីថ្នាក់ដឹកនំា​ក្រសួង ​អាជ្ញាធរខេត្ត និង ​អស់លោក ​លោកស្រី​តំណាងឲ្យមន្ទីរជុំវិញខេត្ត​ និង ​អង្គភាព​ពាក់ព័ន្ឋ​ជាច្រើនរូបទៀត ៕