រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា រថយន្តស៊ីនទ្រីដឹកសំរាមមួយគ្រឿងត្រូវរថយន្តដឹកទឹកកកបើកបុក ខណៈពេលកំពុងបើកឆ្លងស្តុប បណ្តាលឲ្យបុកជាប់តៃកុងក្នុងកាប៊ីនរងរបួសស្រាល ចំណែករយន្តដឹកទឹកកកខ្ទេចមួយកំណាត់មុខយ៉ាងធ្ងន់ធ្ងរ បង្កឲ្យមានការភ្ញាក់ផ្អើល កាលពីវេលាម៉ោង២និង៤០នាទីរំលងអធ្រាត្រ ឈានចូលថ្ងៃទី១១…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា រថយន្តស៊ីនទ្រីដឹកសំរាមមួយគ្រឿងត្រូវរថយន្តដឹកទឹកកកបើកបុក ខណៈពេលកំពុងបើកឆ្លងស្តុប បណ្តាលឲ្យបុកជាប់តៃកុងក្នុងកាប៊ីនរងរបួសស្រាល ចំណែករយន្តដឹកទឹកកកខ្ទេចមួយកំណាត់មុខយ៉ាងធ្ងន់ធ្ងរ បង្កឲ្យមានការភ្ញាក់ផ្អើល កាលពីវេលាម៉ោង២និង៤០នាទីរំលងអធ្រាត្រ ឈានចូលថ្ងៃទី១១ ខែតុលានេះ នៅតាមបណ្ដោយផ្លូវវេងស្រេង ចំណុចស្តុប៣០ម៉ែត្រ ហៅស្តុបសេះមាស ដែលស្ថិតនៅ ភូមិដំណាក់ធំបី សង្កាត់ស្ទឹងមានជ័យ៣ ខណ្ឌមានជ័យ ។
រថយន្តដឹកសំរាមម៉ាកម៉ lSUZU ពណ៌លឿង អត់មានស្លាកលេខកំពុងបើកឆ្លងស្តប់ ពណ៌ខៀវ ក្នុងទិសដៅពីជើងទៅត្បូង ។ ចំណែករថយន្តដឹកទឹកកកជារថយន្ត កូរ៉េពណ៌ខៀវ អត់មានស្លាកលេខបើកដោយបុរសម្នាក់ក្នុងទិសដៅពីកើតទៅលិចរងការខូចខាតខូចខ្ទេចមួយកំណាត់មុខ ។
តាមប្រភពព័ត៌មានពីប្រជាពលរដ្ឋបានឲ្យដឹងថា នៅមុនពេលកើតហេតុគេឃើញរថយន្ត ដឹកសំរាមកំពុងបើកឆ្លងស្តប់ ពណ៌ខៀវ ខណៈពេលកំពុងបើកឆ្លងបានបន្តិចក៏ស្រាប់តែ មានរថយន្តមួយគ្រឿងទៀតជារថយន្តដឹកទឹកកកដែលបើកបរក្នុងទិសដៅពីកើតទៅលិច ក្នុងល្បឿនយ៉ាងលឿនបានជាន់ហ្វ្រាំងមិនជាប់បានបុករថយន្តដឹកសំរាមពេញទំហឹងបណ្តាលឲ្យចំកន្លែងធុងប្រេងធ្វើឲ្យដាច់ធុងប្រេង ចំណែកឯរថយន្តដឹកទឹកកកវិញរួញមួយកំណាត់មុខនឹងគៀបជាប់តៃកុងក្នុងកាប៊ីនផងដែរ តែត្រូវបានសមត្ថកិច្ចព្រមទាំងប្រជាពលរដ្ឋបាននាំគ្នាគាស់យកជនរងគ្រោះបានភ្លាមៗផងដែរ ពេលភ្លាមៗនោះដែរតៃកុងរថយន្តដឹកទឹកកកខាងលើបានដើរចេញពីកន្លែងកើតហេតុបាត់ ។
ក្រោយពេលកើតហេតុកម្លាំងនគរបាលប៉ុស្តិ៍បានទាក់ទងទៅផ្នែកជំនាញនៃការិយាល័យចរាចរណ៍ផ្លូវគោករាជធានីភ្នំពេញ ដើម្បីវាស់វែងនិងស្ទូចយករថយន្តដឹកទឹកកកព្រមទាំងយករថយន្តដឹកសំរាមយកទៅរក្សាទុករង់ចាំការដោះស្រាយថ្ងៃក្រោយ ៕ កែសម្រួលដោយ ៖ សុឃាក់
ចែករំលែកព័តមាននេះ