រាជធានីភ្នំពេញ ៖ ការដោះដូរ ឬហៅថា លក់មន្ទីរពេទ្យសម្ភពក្រុងមួយ ដោះស្រាយមិនទាន់ចប់ផង មានរឿងថ្មីមួយទៀតចង់ផ្ទុះឡើង គឺរឿងដោះដូរទៀតហើយ មណ្ឌលសុខភាព ផ្សារដើមថ្កូវ មានទីតាំងចំរង្វង់មូលផ្សារដើមថ្កូវ ។
រាជធានីភ្នំពេញ ៖ ការដោះដូរ ឬហៅថា លក់មន្ទីរពេទ្យសម្ភពក្រុងមួយ ដោះស្រាយមិនទាន់ចប់ផង មានរឿងថ្មីមួយទៀតចង់ផ្ទុះឡើង គឺរឿងដោះដូរទៀតហើយ មណ្ឌលសុខភាព ផ្សារដើមថ្កូវ មានទីតាំងចំរង្វង់មូលផ្សារដើមថ្កូវ ។
ប្រភពពីអ្នកគ្រប់គ្រងមន្ទីរសុខាភិបាលប្រាប់ថា ការចង់ដោះដូរនេះ មកពីអគារមណ្ឌលសុខភាពនេះ ចាស់ទ្រុឌទ្រោម ។
ក្រុមអ្នកវិភាគនានានិយាយថា «ពាក្យចាស់ទ្រុឌទ្រោម» នេះវាអស់មន្ទីរពេទ្យសម្ភពក្រុងមួយទៅហើយ ដែលជាទីតាំងត្រូវប៉ាន់ ។ ឥឡូវមេរោគនេះ វាឆ្ងាញ់ខាងចម្លងលឿនណាស់ ឆ្លងដល់មណ្ឌលសុខភាពផ្សារដើមថ្កូវមួយទៀត ដែលទំនងនៅមិនយូរទេ ស្លាប់តៃហោងឆាប់មិនខានឡើយ ។
មេរោគ «ចាស់ទ្រុឌទ្រោម» កាចសាហាវណាស់ ។ រួចចុះទីតាំងរថយន្តពន្លត់អគ្គិភ័យនៅទួលស្លែងកណ្តាលរាជធានី តើវាចាស់ទ្រុឌទ្រោមដែរឬអត់ បានជាចង់ដូរដែរ? ប្រសិនទីតាំងឡានទឹកត្រូវដូរដែរ គេនឹងយកវាទៅចោលនៅតំបន់គោកឃ្លៀងយ៉ាងពិតប្រាកដ ។
ពេលឆេះកណ្តាលក្រុងភ្នំពេញ មុខជារកឡានទឹកឱ្យជួយ អត់ទាន់មិនខានឡើយ ។ រឿងទ្រុឌទ្រោមនេះ ជះក្លិនមិនសូវស្រួលហិតទេ សម្រាប់មន្ទីរសុខាភិបាលរាជធានីភ្នំពេញ ។
ចែករំលែកព័តមាននេះ