ខេត្តកំពង់ស្ពឺ ៖ ម៉ូតូម៉ាកហ្សូ៊ម័រអុិចមួយគ្រឿងដែលចោរលួចពីភ្នំពេញ យកមកលក់នៅខេត្តកំពង់ស្ពឺ បានត្រូវម្ចាស់និងសមត្ថកិច្ចរកឃើញតាមរយៈប្រព័ន្ធជីភីអេស ព្រមទាំងឃាត់ខ្លួនជនសង្ស័យនិងអ្នកទទួលផលចោរកម្មបានមួយសម្បុកដកហូតម៉ូតូ៦គឿង និងសម្ភារមួយចំនួនធំដែលសង្ស័យពីបទចោរកម្មយកម៉ូតូខ្លះមកកាប់សាច់និងដោះដូរ ។ ការឃាត់ខ្លួននេះ ធ្វើឡើងកាលពីរសៀលថ្ងៃទី៧…
ខេត្តកំពង់ស្ពឺ ៖ ម៉ូតូម៉ាកហ្សូ៊ម័រអុិចមួយគ្រឿងដែលចោរលួចពីភ្នំពេញ យកមកលក់នៅខេត្តកំពង់ស្ពឺ បានត្រូវម្ចាស់និងសមត្ថកិច្ចរកឃើញតាមរយៈប្រព័ន្ធជីភីអេស ព្រមទាំងឃាត់ខ្លួនជនសង្ស័យនិងអ្នកទទួលផលចោរកម្មបានមួយសម្បុកដកហូតម៉ូតូ៦គឿង និងសម្ភារមួយចំនួនធំដែលសង្ស័យពីបទចោរកម្មយកម៉ូតូខ្លះមកកាប់សាច់និងដោះដូរ ។
ការឃាត់ខ្លួននេះ ធ្វើឡើងកាលពីរសៀលថ្ងៃទី៧ ខែតុលា នៅភូមិកែវឧត្តម ឃុំត្រពាំងគងស្រុកសំរោងទង ។ ជនសង្ស័យមានចំនួន៦នាក់រួមមាន ៖
១-ឈ្មោះ ពៅ ចយ ភេទប្រុស អាយុ៦៤ឆ្នាំ ជាម្ចាស់ផ្ទះ
២-ឈ្មោះ ជុន ម៉ាលីន ភេទប្រុស អាយុ៤២ឆ្នាំ
៣-ឈ្មោះ យឿន សោភ័ណ ភេទស្រី អាយុ៤០ឆ្នាំ ត្រូវជាកូនប្រសារបស់ឈ្មោះពៅ ចយ និងស្នាក់នៅជាមួយគ្នា
៤-ឈ្មោះ ជា ណារ៉ាប់ ភេទប្រុស អាយុ២៩ឆ្នាំ ត្រូវជាប្តីរបស់ឈ្មោះ យឿន សោភ័ណ
៥-ឈ្មោះ ជា ចាន់រ៉ា ភេទប្រុស អាយុ២៧ឆ្នាំជាកូនរបស់ឈ្មោះ ពៅ ចយ មានសតិមិនប្រក្រតី។ ទាំង៥នាក់រស់នៅក្នុងភូមិកែវឧត្តម ឃុំត្រពាំងគង ស្រុកសំរោងទង និង៦-ឈ្មោះ ជុំ ចាន់ណា ភេទប្រុស អាយុ៣៣ឆ្នាំ រស់នៅភូមិឈើទាលលើ ឃុំរលាំងគ្រើល ស្រុកសំរោងទង ខេត្តកំពង់ស្ពឺ ។
ប្រភពព័ត៌មានបានឲ្យដឹងថា កាលពីថ្ងៃទី៦ ខែតុលា ឈ្មោះ ជូ លីហុង ភេទស្រី អាយុ៣៥ឆ្នាំ រស់ផ្ទះលេខ៣១A ផ្លូវលំ ភូមិព្រែកតាគង់២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ បានបាត់ម៉ូតូមួយគ្រឿងម៉ាកហ្សូម័រអុិចស៊េរីឆ្នាំ២០១៧ ពណ៌លឿងលាយខៀវ ពាក់ផ្លាកលេខ ភ្នំពេញ ១DJ-០៩០០ ដោយត្រូវជនសង្ស័យ២នាក់កាច់សោ.កយកពីមុខផ្ទះ បើករត់គេចមកតាមផ្លូវជាតិលេខ៤ ។ ពេលនោះម្ចាស់បានតាមរកតាមប្រព័ន្ធ GPS ឃើញម៉ូតូនេះនៅផ្ទះមួយ ស្ថិតក្នុងចំណុចខាងលើ ។
ប្រភពព័ត៌មានបន្តថា ក្រោយពីដឹងទីតាំងច្បាស់ហើយ នគរបាលក្រុងសហការជាមួយនគរបាលខេត្ត បានធ្វើការឡោមព័ទ្ឋផ្ទះខាងលើ និងស្រាវជ្រាវដឹងថាជាផ្ទះរបស់ឈ្មោះ ពៅ ចយ ភេទប្រុស អាយុ៦៤ឆ្នាំ នៅភូមិកែវឧត្តម ឃុំត្រពាំងគង ស្រុកសំរោងទង ។ បន្ទាប់ពីស្រាវជ្រាវ និងរកឃើញម៉ូតូរបស់ស្ត្រីឈ្មោះ ជូ លីហុង រួចមក សមត្ថកិច្ចក៏រកឃើញម៉ូតូចំនួន៥គ្រឿងផ្សេងទៀត ព្រមទាំងគ្រឿងបន្លាស់ម៉ូតូជាច្រើនផងដែរ។
សម្ភារដែលសមត្ថកិច្ចដកហូតរួមមាន ម៉ូតូចំនួន៦គ្រឿងរួមមាន ម៉ាកហ្សូ៊ម័រអុិចរបស់ជនរងគ្រោះ ម៉ាកស៊ុយហ្សុ៊យគីឡេតពណ៌ទឹកប្រាក់ សេ១២៥ចំនួន៣គ្រឿង និងម៉ាកស្មាសស៊េរីចាស់ ព្រមទាំងបន្ទះផ្លាកលេខម៉ូតូចំនួន៨ កន្ទុយម៉ូតូ៥ ក្បាលម៉ូតូ៦ ក្បាំង៤ កង់ម៉ូតូ៨ យកមកស្នងការដ្ឋាននគរបាលខេត្តចាត់ការតាមនីតិវិធី ។នៅរសៀលថ្ងៃទី៨ ខែតុលា សមត្ថកិច្ចធ្វើការសាកសួរក្រុមជនសង្ស័យ ដើម្បីកសាងសំណុំរឿងបញ្ជូនទៅកាន់អយ្យការចាត់ការតាមផ្លូវច្បាប់ ៕
ចែករំលែកព័តមាននេះ