នាងវេនីស វីលៀម បានក្លាយជាកីឡាការិនីវាយកូនបាល់ដ៏ជាទីចូលចិត្តបំផុតពីសំណាក់អ្នកគាំទ្រម្ចាស់ស្រុកអាមេរិក បន្ទាប់ពីនាងដណ្តើមបានជោគជ័យក្នុងជុំទី១ កម្មវិធី WTA Family Circle Cup នៅក្រុង Charleston រដ្ឋសៅការ៉ូរីណា សហរដ្ឋអាមេរិក កាលពីថ្ងៃអង្គារ ទី២ ខែមេសាម្សិលមិញ ។
នាងវេនីស វីលៀម បានក្លាយជាកីឡាការិនីវាយកូនបាល់ដ៏ជាទីចូលចិត្តបំផុតពីសំណាក់អ្នកគាំទ្រម្ចាស់ស្រុកអាមេរិក បន្ទាប់ពីនាងដណ្តើមបានជោគជ័យក្នុងជុំទី១ កម្មវិធី WTA Family Circle Cup នៅក្រុង Charleston រដ្ឋសៅការ៉ូរីណា សហរដ្ឋអាមេរិក កាលពីថ្ងៃអង្គារ ទី២ ខែមេសាម្សិលមិញ ។
ដោយស្ថិតក្នុងវ័យ៣៣ឆ្នាំហើយនោះ ដូច្នេះកីឡាការិនីអាមេរិករូបនេះបានប្រើពេលដល់ទៅ២ម៉ោងនិង១៥នាទីទើបអាចបំបាក់បានគូប្រកួតសញ្ជាតិឆែក Barbora Záhlavová-Strýcová ក្នុងលទ្ធផល៦-៣, ០-៦ និង៧-៥ ។ វាជាការប្រកួតលើកដំបូងរបស់នាងហើយនៅទីនេះ បើគិតពីពេលដែលនាងមានជំងឺផ្អាកការប្រកួតកាលពី២ឆ្នាំមុន ។ជ័យជម្នះពានជើងឯកលើកដំបូងរបស់នាងសម្រាប់ឆ្នាំនេះ គឺនៅទីក្រុង Auckland ប្រទេសនូវែលសេឡង់ក្នុងកម្មវិធី ASB Classic ។
កាលពីសប្តាហ៍កន្លងទៅ នៅទីក្រុងម៉ៃអាមី នាងបានឈានចូលដល់ជុំទី៤ កម្មវិធី Sony Open ហើយនោះគឺជាការត្រៀមខ្លួនយ៉ាងល្អរបស់នាងសម្រាប់ដណ្តើមយកជ័យជម្នះក្នុងកម្មវិធីនេះ ។ ដោយឡែក សម្រាប់នាងស៊េរីណា ដែលជាប្អូនស្រីបានរងនូវការខកចិត្តយ៉ាងខ្លាំងបន្ទាប់ពីបរាជ័យក្រោមថ្វីដៃកីឡាការិនីស្លូវ៉ាគី Jana Cepelova ក្នុងលទ្ធផល៦-៤ និង៦-៤ ។ គ្រាន់តែការប្រកួតកន្លងទៅបាន១៨នាទីប៉ុណ្ណោះ ស៊េរីណា ត្រូវបានដៃគូនាំមុខដល់ទៅ៥-០ បាត់ទៅហើយ ។
នាងបានថ្លែងថា ៖ «ខ្ញុំហាក់ដូចជាមនុស្សស្លាប់នៅក្នុងការប្រកួតលើកនេះ ។ ខ្ញុំគិតថា គួរឈប់សម្រាកហើយគិតឡើងវិញនូវចំណុចអវិជ្ជមាន» ។ ចំណែកលទ្ធផលគូផ្សេងទៀត កីឡាការិនីឆែក Lucie Safarova យកឈ្នះកីឡាការិនីបារាំង Virginie Razzano ក្នុងលទ្ធផល២-៦, ៦-៤ និង៦-៤ ខណៈកីឡាការិនីម្ចាស់ផ្ទះ Vania King យកឈ្នះកីឡាការិនី Julia Glushko ក្នុងលទ្ធផល៤-៦ , ៧-៥ និង៦-៣ ៕
ចែករំលែកព័តមាននេះ