ខេត្តស្វាយរៀង ៖ បុរសម្នាក់ត្រូវគេប្រទះឃើញចងករសម្លា.ប់ខ្លួន នៅលើដើមជ្រៃកំពស់ ១០ម៉ែត្រទាំងព្រលឹម សង្ស័យថាតូចចិត្តព្រោះប្រពន្ធជាទីស្រលាញ់រត់ចោល ។ ហេតុការណ៍នេះបានកើតឡើងកាលពីថ្ងៃទី២ ខែមេសា ឆ្នាំ២០១៤ ស្ថិតក្នុងភូមិព្រៃស្ទៀង ឃុំស្វាយតាយាន ស្រុកកំពង់រោទន៍ ខេត្តស្វាយរៀង ។
ខេត្តស្វាយរៀង ៖ បុរសម្នាក់ត្រូវគេប្រទះឃើញចងករសម្លាប់ខ្លួន នៅលើដើមជ្រៃកំពស់ ១០ម៉ែត្រទាំងព្រលឹម សង្ស័យថាតូចចិត្តព្រោះប្រពន្ធជាទីស្រលាញ់រត់ចោល ។ ហេតុការណ៍នេះបានកើតឡើងកាលពីថ្ងៃទី២ ខែមេសា ឆ្នាំ២០១៤ ស្ថិតក្នុងភូមិព្រៃស្ទៀង ឃុំស្វាយតាយាន ស្រុកកំពង់រោទន៍ ខេត្តស្វាយរៀង ។
បើតាមសម្តីមន្ត្រីនគរបាលប៉ុស្តិ៍ឃុំស្វាយតាយានបានឱ្យដឹងថា បុរសចំណាស់ដែលគិតខ្លីខាងលើមានឈ្មោះថា សំ សឿន អាយុ ៧៣ឆ្នាំ មុខរបរកសិករ មានទីលំនៅក្នុងភូមិឃុំក្បែរកន្លែងកើតហេតុ និងធ្លាប់មានប្រពន្ធ២នាក់ ដែលប្រពន្ធទី១ បានរៀបការនឹងរស់នៅជាមួយគ្នាអស់រយៈពេល ៣ឆ្នាំ ដោយមានភាពរកាំរកូស និងមិនចុះសម្រុងនិងគ្នាផងនោះ ប្រពន្ធរបស់គាត់ក៏បានរត់ចោល និងបន្សល់ទុកចំណងដៃនូវកូនប្រាំនាក់ ហើយមិនយូរប៉ុន្មានគាត់ក៏មានប្រពន្ធទី២ទៀត ប៉ុន្តែគ្មានកូននោះទេ ។
ប្រភពដដែលបានបន្តទៀតថា ក្រោយការរួមរស់ជាមួយស្ត្រីជាប្រពន្ធទី២នេះក៏មិនខុសគ្នានឹងប្រពន្ធទី១ដែល ដោយត្រូវប្រពន្ធរត់ចោលទៀត ។ បន្ទាប់ពីត្រូវប្រពន្ធរត់ចោលបុរសដែលរងគ្រោះបានទៅរស់នៅជាមួយកូនស្រីរបស់គាត់ម្នាក់ ហើយបានដើរផឹកជារៀងរាល់ថ្ងៃ ។
ដោយឡែកបើតាមសម្តីស្រ្តីដែលជាកូនស្រីរបស់ជនរងគ្រោះខាងលើបានឱ្យដឹងថា មុនពេលកើតហេតុរូបនាងបានលើកបាយម្ហូបទៅជូនឪពុករបស់នាងនៅក្នុងផ្ទះដូចធម្មតា តែមិនបានឃើញគាត់ឡើយ នាងក៏បានដើររកប្រហែលជាមួយម៉ោង ស្រាប់តែមានអ្នកភូមិរត់មកប្រាប់ថា គេឃើញសពឪពុករបស់នាងចងករសម្លាប់ខ្លួននៅក្រោមដើមជ្រៃបាត់ទៅហើយ ។ នាងបានបន្តទៀតថា កាលពីប៉ុន្មានថ្ងៃមុនឪពុកស្រវឹងបាននិយាយថានឹកម្តាយនាងខ្លាំងណាស់ និងចង់ទៅតាមម្តាយនាងឱ្យត្រឡប់មកវិញ រួចមកគាត់ក៏ចូលទៅសម្រានក្នុងផ្ទះបាត់ទៅ ហើយបន្ទាប់ពីនោះមកមិនបានប៉ុន្មានថ្ងៃក៏កើតមានហេតុការណ៍បែបនេះតែម្តងទៅ ។
គួរបញ្ជាក់ថាក្រោយពីកើតហេតុមន្រី្តនគរបាលប៉ុស្តិ៍សហការណ៍ជាមួយមន្រ្តីជំនាញបានចុះមកពិនិត្យ និងធ្វើកោសល្យវិច័យលើសាកសព រួចធ្វើការសន្និដ្ឋានការជនរងគ្រោះពិតជាបានធ្វើអត្តឃាតដោយខ្លួនឯង ព្រោះគ្មានស្លាកស្នាមសំគាល់ថាជាអំពើឃាតកម្មនោះឡើយ ។ ក្រោយពីធ្វើការពិនិត្យរួចរាល់សមត្ថកិច្ចក៏បានប្រគល់សាកសពជនរងគ្រោះទៅឱ្យក្រុមគ្រួសារយកទៅធ្វើបុណ្យតាមប្រពៃណី ។
ចែករំលែកព័តមាននេះ