វីដេអូមួយត្រូវបានបង្ហោះធ្វើឱ្យមានការចាប់អារម្មណ៍ខ្លាំងលើបណ្តាញសង្គម នារសៀលថ្ងៃទី២៤ កញ្ញា នេះ ដោយបុរសជាប្តីបានថតពីសកម្មភាពខ្លួន តាំងពីនៅព្រលានយន្តហោះប្រទេសកូរ៉េ រហូតមកដល់ស្រុកខ្មែរ ។ ប៉ុន្តែការត្រឡប់របស់ប្តីរូបនេះ គឺគាត់មិនបានប្រាប់ប្រពន្ធដែលនៅក្រុងសួងដឹងមុននោះទេ ដោយគាត់បន្លំខ្លួនធ្វើជាអ្នកកុម្មង់ទិញឡេពីប្រពន្ធចំនួន៣ឈុតយកមកឱ្យខ្លួន ។
យោងវីដេអូ បុរសប្តីបានរាប់រៀបថា «មិនដឹងខ្ញុំសាប្រាយគាត់ ឬគាត់ត្រូវសាប្រាយខ្ញុំទេ» ព្រោះមិនបានឆ្លើយឆ្លងជាមួយប្រពន្ធ១ថ្ងៃហើយ ហើយធ្វើឱ្យនាងខឹងចោទថា «មានស្រី» ។ល។ …
បុរសប្តីបានឱ្យសាច់ញាតិនិយាយទូរស័ព្ទទៅកាន់ប្រពន្ធថា យកឡេមកឱ្យលឿន ព្រោះខ្លាចរថយន្តចេញចោល ។ ក្រោយមក បានឃើញប្រពន្ធពរកូនតូចយកឡេទៅឱ្យប្តី ដែលមានពាក់មួកសុវត្ថិភាព និងម៉ាស់ ជិតឈឹង ដោយនាងមិនបានដឹងថា ជាប្តីនោះទេ ។
នៅក្នុងវីដេអូនោះ ប្តីបានហុចលុយថ្លៃឡេ និងបានច្បិចថ្ពាល់កូនក្តីនឹករលឹក ។ ក្រោយមក ប្តីបានដោះមួក និងម៉ាស់ចេញ ទើបប្រពន្ធដឹងនិងភ្ញាក់ផ្អើលអោបប្តីទាំងស្រក់ទឹកភ្នែក រហូតនិយាយលែងចេញតែម្តង ។ តោះចង់ដឹងច្បាស់យ៉ាងណានោះ សូមទស្សនាវីដេអូទាំងអស់គ្នា ៖ (សម្រួលដោយ៖ ស្រីណា)
ចែករំលែកព័តមាននេះ