រាជធានីភ្នំពេញ ៖ ស្រ្តីអ្នកសុំទានម្នាក់ មានជំងឺរំាុរ៉ៃប្រចាំកាយ បានដេកស្លា.ប់ចោលប្តីនិងកូនចំនួនបួននាក់ (ស្រី២នាក់-ប្រុស២នាក់)ឱ្យនៅកណ្តោច កណ្តែង ដូចសម្បុកអត់មេ ដែលបង្កឱ្យមានការភ្ញាក់ ផ្អើលនៅវេលាម៉ោង ៨យប់ថ្ងៃទី ០១មេសា ២០១៤ក្នុងដីឡូផ្ទះជួលមួយកន្លែង ស្ថិតនៅក្នុងក្រុមទី២ ភូមិដីថ្មី សង្កាត់ភ្នំពេញថ្មី ខណ្ឌសែនសុខ ។
រាជធានីភ្នំពេញ ៖ ស្រ្តីអ្នកសុំទានម្នាក់ មានជំងឺរំាុរ៉ៃប្រចាំកាយ បានដេកស្លាប់ចោលប្តីនិងកូនចំនួនបួននាក់ (ស្រី២នាក់-ប្រុស២នាក់)ឱ្យនៅកណ្តោច កណ្តែង ដែលបង្កឱ្យមានការភ្ញាក់ ផ្អើលនៅវេលាម៉ោង ៨យប់ថ្ងៃទី ០១មេសា ២០១៤ក្នុងដីឡូផ្ទះជួលមួយកន្លែង ស្ថិតនៅក្នុងក្រុមទី២ ភូមិដីថ្មី សង្កាត់ភ្នំពេញថ្មី ខណ្ឌសែនសុខ ។
ទាក់ទងទៅនិងហេតុការណ៏ភ្ញាក់ផ្អើលនេះ បុរសជាប្តីបានរៀបរាប់ប្រាប់អ្នកយកព័ត៌មានក្នុងទឹកមុខក្រៀមក្រំថា គាត់មានឈ្មោះ លន់លាភ ត្រូវជាប្តីស្រ្តីដែលបានដេកស្លាប់ ដោយរូបគាត់និងប្រពន្ធកាលពីនៅរស់គឺ តែងតែប្រកបរបរដើរសុំទានគេដើម្បីចិញ្ចឹមកូនតូចៗ ចំនួន ០៤នាក់ ។ប្រពន្ធរបស់គាត់គឺមានជំងឺ របេង៣ឆ្នាំហើយ ហើយទើបតែចាប់ផ្តើមធ្លាក់ខ្លួន ឈឺខ្លាំងរយះពេល០៦ខែចុងក្រោយនេះ។
លោកបានបន្តថា ដោយសារតែគាត់ជាអ្នកក្រខ្វះខាតផ្នែកជីវភាព រកបានព្រឹក ខ្វះល្ងាច ដោយដើរសុំទានគេ ទីជិតឆ្ងាយ ពេលខ្លះបាន ពេលខ្លះក៏អត់ ដូច្នេះគ្មានប្រាក់សល់ សម្រាប់ទិញថ្នាំព្យាបាល ជំងឺប្រពន្ធទេ រហួតដល់ពេលនេះប្រពន្ធគាត់ បានដេកស្លាប់ ចោលគាត់និងកូនតូចៗ ចំនួន ០៤នាក់ ឱ្យរស់នៅកំព្រាម្តាយ ។
អ្វីដែលកាន់តែអាណិត ចំពោះគ្រួសារក្រីក្រមួយនេះ គឺនៅពេលដែល ប្រពន្ធស្លាប់ហើយនោះ គឺប្តី គ្មានប្រាក់ មួយកាក់ មូយសេន សម្រាប់ធ្វើបុណ្យឱ្យប្រពន្ធនោះទេ ។បច្ចុប្បន្នសពបានតំកល់ទុកនៅក្នុងផ្ទះជូលដែលគ្រួសារមួយនេះជួលស្នាក់នៅ។
ជាចុងក្រោយបុរស ជាប្តី និងកូនតូចៗ ទាំង៤នាក់ មានតែលើកដៃសំពះ ដល់សប្បុរសជនទាំងឡាយ ដែលមានចិត្តសប្បុរសធម៌ មេត្តាជួយបរិច្ចាគ ជាថវិការជួយដល់ក្រុមគ្រួសាររបស់គាត់ ដែលកំពុង ជួបនៅទុក្ខលំបាក ដើម្បីបានថវិការខ្លះមកធ្វើបុណ្យជូនប្រពន្ធរបស់គាត់ ។
ចែករំលែកព័តមាននេះ