រាជធានីភ្នំពេញ ៖ សន្តិសុខឯកជន VIP ២នាក់នៅព្រឹកថ្ងៃទី១ មេសា ២០១៤ ត្រូវនគរបាលខណ្ឌសែនសុខចាប់បញ្ជូនទៅកាន់សាលាដំបូងរាជធានីភ្នំពេញ ពីបទជាប់ពាក់ព័ន្ធថាបានបើកដៃឱ្យចោរចូលលួចកុំព្យូទ័រក្នុងក្រុមហ៊ុនអស់ចំនួន២គ្រឿង។
រាជធានីភ្នំពេញ ៖ សន្តិសុខឯកជន VIP ២នាក់នៅព្រឹកថ្ងៃទី១ មេសា ២០១៤ ត្រូវនគរបាលខណ្ឌសែនសុខចាប់បញ្ជូនទៅកាន់សាលាដំបូងរាជធានីភ្នំពេញ ពីបទជាប់ពាក់ព័ន្ធថាបានបើកដៃឱ្យចោរចូលលួចកុំព្យូទ័រក្នុងក្រុមហ៊ុនអស់ចំនួន២គ្រឿង។
សន្តិសុខទាំង២នាក់នោះ ម្នាក់ឈ្មោះឈាង ហេង ភេទប្រុស អាយុ៤៥ឆ្នាំ ស្នាក់នៅផ្ទះជួលសង្កាត់ដង្កោ ខណ្ឌដង្កោ និងម្នាក់ទៀតឈ្មោះឯក ឆើត ភេទប្រុស អាយុ២១ឆ្នាំ ស្នាក់នៅផ្ទះជួលភូមិក្បាលដំរី សង្កាត់កាកាប ខណ្ឌពោធិ៍សែនជ័យ។
ជនសង្ស័យទាំង២នាក់ត្រូវសមត្ថកិច្ចចាប់ខ្លួនតាមពាក្យបណ្តឹងរបស់អ្នកស្រី ផុន ឆាយហុង អាយុ២៨ឆ្នាំ ជាពាណិជ្ជករ មានទីលំនៅផ្ទះលេខ៦១ ផ្លូវ២A ភូមិទឹកថ្លា សង្កាត់ទឹកថ្លា ខណ្ឌសែនសុខ។
ក្នុងពាក្យបណ្តឹងរបស់អ្នកស្រីបានបញ្ជាក់ថា កាលពីថ្ងៃទី៣០ មីនា ក្រុមហ៊ុនបានបាត់កុំព្យូរទ័រ២គ្រឿង ភ្លាមនោះក្រុមហ៊ុនបានឆែកកាមេរ៉ាសុវត្ថិភាពមើលឃើញចោរចូលលួច ហើយក៏បានឃើញរូបភាពសន្តិសុខ២នាក់ខាងលើឈរក្បែរនោះដែរ ហាក់ដូចជាឈរមើលផ្លូវ ឬបើកដៃឱ្យចោរលួច។
ក្រោយពីម្ចាស់ក្រុមហ៊ុនបានឆែកក្នុងកាមេរ៉ាឃើញជាក់ស្តែងហើយនោះក៏បាននាំខ្លួនសន្តិសុខទាំង២នាក់ប្រគល់ឱ្យសមត្ថកិច្ចចាត់ការតាមផ្លូវច្បាប់៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ