ខេត្តកំពង់ឆ្នាំង ៖ ឈើអារជាគ្រឿងផ្ទះចំនួន៧ម៉ែត្រគូប ត្រូវបានសមត្ថកិច្ចចម្រុះចាប់ឃាត់ និងដកហូតទាំងចម្រូងចម្រាស ព្រោះម្តងចាប់ហើយលែងវិញក្រោយមកចាប់ទៀត ។ ការចាប់ដកហូត និងធ្វើកំណត់ហេតុនេះ បានធ្វើឡើងនៅព្រឹកថ្ងៃទី២៩ មីនា នៅក្នុងភូមិជ្រលងឃុំដា ស្រុកកំពង់លែង បន្ទាប់ពីឈើនេះបានដោះលែងកាលពីយប់ថ្ងៃទី២៨ មីនា មួយសារហើយនោះ ។
ខេត្តកំពង់ឆ្នាំង ៖ ឈើអារជាគ្រឿងផ្ទះចំនួន៧ម៉ែត្រគូប ត្រូវបានសមត្ថកិច្ចចម្រុះចាប់ឃាត់ និងដកហូតទាំងចម្រូងចម្រាស ព្រោះម្តងចាប់ហើយលែងវិញក្រោយមកចាប់ទៀត ។ ការចាប់ដកហូត និងធ្វើកំណត់ហេតុនេះ បានធ្វើឡើងនៅព្រឹកថ្ងៃទី២៩ មីនា នៅក្នុងភូមិជ្រលងឃុំដា ស្រុកកំពង់លែង បន្ទាប់ពីឈើនេះបានដោះលែងកាលពីយប់ថ្ងៃទី២៨ មីនា មួយសារហើយនោះ ។
លោកនាយរងផ្នែករដ្ឋបាលព្រៃឈើកំពង់ឆ្នាំងឱ្យដឹងថា កិច្ចប្រតិបត្តិការបង្ក្រាបនេះសមត្ថកិច្ចចម្រុះសហការគ្នារួមមាន ផ្នែករដ្ឋបាលព្រៃឈើកំពង់ឆ្នាំង លោកប្រធានការិយាល័យទី២យោធភូមិភាគពិសេសប្រចាំទិសកំពង់ឆ្នាំង នគរបាលមូលដ្ឋាន អាជ្ញាធរមូលដ្ឋាន និងមន្រ្តីកងអនុសេធំឯករាជ្យខេត្ត ។
ប្រភពដដែលបានរៀបរាប់ពីដំណើររឿងឈើជាង៧ម៉ែត្រគូបនេះថា មុនពេលបង្ក្រាបនៅម៉ោង១១យប់ថ្ងៃទី២៨ មីនា លោក ផៅ ស្រៀង អភិបាលរងស្រុកកំពង់លែង បានឱ្យមន្រ្តីកងអនុសេនាធំឯករាជ្យខេត្តប្រចាំស្រុកឃាត់រថយន្តកែច្នៃ១គ្រឿងដឹកឈើអារទាំងនេះ ដែលម្ចាស់ដេប៉ូឈើឈ្មោះស៊ូ ឆិ អាយុ៤២ឆ្នាំ រស់នៅភូមិធ្លក ឃុំច្រណូក ដឹកយកមកលក់ឱ្យឈ្មោះអៀង ធី អាយុ៣៨ឆ្នាំ ជាប្តី និងប្រពន្ធឈ្មោះចែវ ស អាយុ៣៥ឆ្នាំ ជាប្រជាពលរដ្ឋរស់នៅក្នុងភូមិជ្រលង មានតម្លៃ១៤៥ម៉ឺនរៀលក្នុង១ម៉ែត្រគូបសម្រាប់ធ្វើផ្ទះ ។
ពេលចាប់ឃាត់នោះលោក កែវ អុល មន្រ្តីកងអនុសេនាធំឯករាជ្យខេត្តប្រចាំស្រុក ដែលជាអ្នកទទួលបញ្ជាពីលោកអភិបាលរងស្រុកបាននិយាយឱ្យដឹងថា ក្រោយពីបានឃាត់រថយន្តកែច្នៃដឹកឈើនេះ ស្រាប់តែលោក មាន់ អ៊ានលី អភិបាលស្រុកបានអន្តរាគមន៍បញ្ជាឱ្យលោកដោះលែងវិញអភិបាលស្រុកប្រាប់ថា ចាប់គេធ្វើអីឈើនេះប្រជាពលរដ្ឋទិញយកមកធ្វើផ្ទះទេ ។ ពេលនោះលោកក៏មិនហ៊ានរឹងទទឹងនិងបញ្ជារបស់លោកអភិបាលស្រុកដែរ ព្រោះគាត់ជាគណៈបញ្ជាការឯកភាពស្រុក ហើយអ្នកបើករថយន្តបានទម្លាក់ឈើនោះឱ្យអ្នកទិញបើករថយន្តគេចទៅខេត្តកំពង់ធំវិញបាត់ទៅ ។
ក្រោយពីឆ្លងយោបល់លោកព្រះរាជអាជ្ញាអមសាលាដំបូងខេត្ត សមត្ថកិច្ចចម្រុះក៏បានសហការគ្នាតាមបញ្ជាលោកនាយខណ្ឌរដ្ឋបាលព្រៃឈើកំពង់ឆ្នាំងចុះទៅពិនិត្យឈើខាងលើនោះជាក់ស្តែងនៅក្នុងផ្ទះឈ្មោះអៀង ធី ដែលជាអ្នកទិញឈើពីឈ្មោះស៊ូ ឆិ នៅព្រឹកថ្ងៃទី២៩ មីនា ។ នៅព្រឹកនោះដែរ ម្ចាស់ដេប៉ូឈើឈ្មោះស៊ូ ឆិ មិនបានសហការជាមួយសមត្ថកិច្ចចម្រុះបង្ហាញឯកសារដឹកជញ្ជូនឈើខាងលើនោះឡើយ ពេលសមត្ថកិច្ចចម្រុះហៅគឺបានគេចខ្លួនជាមួយប្រពន្ធបាត់ និងនិយាយយ៉ាងក្រអឺតថា ចង់ជួបគេគឺទៅជួបជាមួយអភិបាលស្រុកកំពង់លែងទៅ ហើយចំពោះឈើនោះចង់ចាប់យកទៅណាក៏យកទៅគេមិនខ្លាចទេ ។
ដោយម្ចាស់ដេប៉ូឈើមិនសហការបែបនេះតាមបញ្ជាថ្នាក់លើសមត្ថកិច្ចចម្រុះបានធ្វើកំណត់ហេតុតាមនីតិវិធីដកហូតឈើនេះមួយរយៈ និងប្រគល់ឱ្យក្រុមប្រឹក្សាឃុំដា និងលោកនាយប៉ុស្តិ៍ឃុំដា រក្សាទុកឈើជាវត្ថុតាងនេះនៅផ្ទះឈ្មោះអៀង ធី ដដែល ដើម្បីកសាងសំណុំរឿងតាមនីតិវិធីចាត់ការជាបន្តទៀត ព្រោះសមត្ថកិច្ចយល់ថា បើគេមានច្បាប់ដឹកជញ្ជូនផល-អនុផលព្រៃឈើត្រឹមត្រូវ គេពិតជាបង្ហាញហើយ មិនមែនគេចខ្លួនបែបនេះឡើយ។
ជុំវិញករណីនេះលោក មាន់ អ៊ានលី អភិបាលស្រុកកំពង់លែង បានឱ្យដឹងថា លោកបានឱ្យគេលែងរថយន្តខាងលើពិតមែនព្រោះថា ឈើទាំងនេះប្រជាពលរដ្ឋបានទិញពីដេប៉ូលក់ឈើស្របច្បាប់ដែលទទួលស្គាល់ដោយរដ្ឋបាលព្រៃឈើ ហើយឈើនេះម្ចាស់ដេប៉ូក៏ទិញមកពីម្ចាស់ដេប៉ូស្របច្បាប់នៅខេត្តកំពង់ធំ យកមកលក់ឱ្យប្រជាពលរដ្ឋធ្វើផ្ទះក្នុងស្រុកភូមិ មិនមែនដឹកយកទៅលក់នៅក្រៅប្រទេសឱ្យចិន យួននោះទេ។ ការចោទប្រកាន់ថាលោកមានភាគហ៊ុនជាមួយម្ចាស់ដេប៉ូឈើគឺជាការមួលបង្កាច់លោកទាំងស្រុង ។
ករណីនេះ នៅថ្ងៃចន្ទ ទី៣១ មីនា លោកនឹងឆ្លងយោបល់សុំលោកអភិបាលខេត្តជួយដោះស្រាយឈើនេះជូនប្រជាពលរដ្ឋរបស់លោកវិញ ៕
ចែករំលែកព័តមាននេះ