រាជធានីភ្នំពេញ ៖ វេទិការជជែកដេញដោលថ្នាក់តំបន់ស្តីពី «សិទ្ធការងារនិងការត្រៀមខ្លួន សម្រាប់សហគមន៏អាស៊ានឆ្នាំ ២០១៥ » កាលពីព្រឹកថ្ងៃទី ២៨ មីនា ២០១៤ នៅសណ្ឋាគារអ៊ឹមផឹរៀលហ្គាដិនវីឡានិងអូតែលដោយមានកិច្ចសហការជាមួយCCIM Asia Calling ដែលឧបត្ថម្ភដោយUSAID ។
រាជធានីភ្នំពេញ ៖ វេទិការជជែកដេញដោលថ្នាក់តំបន់ស្តីពី «សិទ្ធការងារនិងការត្រៀមខ្លួន សម្រាប់សហគមន៏អាស៊ានឆ្នាំ ២០១៥ » កាលពីព្រឹកថ្ងៃទី ២៨ មីនា ២០១៤ នៅសណ្ឋាគារអ៊ឹមផឹរៀលហ្គាដិនវីឡានិងអូតែលដោយមានកិច្ចសហការជាមួយCCIM Asia Calling ដែលឧបត្ថម្ភដោយUSAID ។
លោកប៉ា ងួនទៀង នាយកប្រតិបត្តិនៃមជ្ឈមណ្ឌលកម្ពុជា ដើម្បីប្រព័ន្ធផ្សពផ្សាយឯករាជ្យ ( CCIM ) បានគូសបញ្ជាក់ឲ្យដឹងថា សមាជិកប្រជាតិអាស៊ីអាគ្នេយ៏ហៅកាត់ថាអាស៊ាន ជាលំនៅឋានរបស់ ប្រជាជន ៦០០ លាននាក់ ដែលកំពុងតែរួមចំនែកសំខាន់ ក្នុងការអភិវឌ្ឈន៏សេដ្ឋកិច្ច ពោលគឺមិនមែន ត្រឹមតែថ្នាក់តំបន់តែរហូតដល់ថ្នាក់សកល ។ រូបលោកគិតថា ប្រហែលជាយើងគ្រប់គ្នា មានសេចក្តីរំភើបលើទិដ្ឋភាព នៃការអភិវឌ្ឈន៏សេដ្ឋកិច្ចបែបទំនើប ដោយមានតឹកតាងជាក់ស្តែងដូចជាបច្ចេកវិ ទ្យាថ្មីៗ សំណង់អាគារ និងរបស់ប្លែកៗ ផ្សេងៗទៀត ។
លោកប៉ា ងួនទៀង នាយកប្រតិបត្តិCCIM បានបន្តថា រូបលោកសូមស្វាគមន៏ ចំពោះលទ្ធផលនៃវេទិការអាស៊ាន អំពីពលកម្ម ចំណាកស្រុក ដែលបានប្រារព្វឡើង នៅខេត្តសៀមរាប កាលពីខែតុលាមុនេះ ដែលលទ្ធផលបានចេញជាសេចក្តីស្នើ ៥ចំនុចរួមាន៖ ១-ការជំរុញឲ្យអនុវត្តន៏នូវសិទ្ធសកលនិងគោលការណ៏សិទ្ធការងារជាមូលដ្ឋាន ២- ការជំរុញឲ្យមានតម្លាភាព គណនេយ្យភាពនិងលទ្ធភាព៣-ការជំរុញឲ្យមានការចែករំលែកព័ត៌មាន និងចំណាប់អារម្មណ៏សាធារណៈ ៤ -ការជម្រុញឲ្យមានការត្រួតពិនិត្យឲ្យមានប្រសិទ្ធភាព និងយន្តការដោះស្រាយពាក្យបណ្តឹង ៥- ការជំរុញឲ្យមានការចូលរួមឲ្យបានសកម្មពីសំណាក់អ្នកពាក់ព័ន្ធ ។
លោកយ៉ា ណាវុធ នាយកប្រតិបត្តិអង្គការ CARAM បានគូសបញ្ជាក់ថា ក្នុងនាមប្រជាពលរដ្ឋកម្ពុជាក៏ដូចជាវិស័យពាក់ព័ន្ធបានត្រៀមខ្លួន ការធ្វើសមារណកម្មអាស៊ាននេះ ប្រទេសកម្ពុជាជាប្រទេសកសិកម្ម ក្នុងនោះប្រជាជនភាគច្រើនជាកសិករ ។ ប្រសិនណាបើជួយដល់វិស័យកសិកម្ម ឲ្យបានច្រើនហើយកែច្នៃនូវផលិតផលកសិកម្ម ទៅជាកសិឧស្សាហកម្មនាំចេញទៅកាន់ បណ្តាប្រទេសអាស៊ាន។ឫទៅកាន់ប្រទេសផ្សេងៗទៀត លើកលែងការរួចព័ន្ធនិងរបាំងផ្សេងៗទៀត កត្តានេះនឹងធ្វើឲ្យប្រទេសកម្ពុជាទាញយកសក្តានុពល ពីវិស័យកសិកម្ម។ ការធ្វើសមារណកម្មអាស៊ាននេះ និងមានលំហូរទេសចរណ៏ផ្សេងៗ មកកាន់ប្រទេសកម្ពុជា កាន់តែច្រើនឡើងៗ ពិសេសនៅខេត្តសៀមរាប និងបណ្តាខេត្តផ្សេងៗទៀតយើងនឹងពង្រីកសក្តានុពល ទេសចរណ៏ទាញយកចំណូល ពីវិស័យទេសចរណ៏នៅក្នុងអាស៊ាននិងប្រជាពលរដ្ឋផ្សេងៗ ដែលចង់ដឹងពីវប្បធម៌របស់កម្ពុជា ។
លោកស្រីបណ្ឌិត SO Phonnary អនុប្រធានក្រុមប្រតិបត្តិការធនាគារអេស៊ីលីដា មានប្រសាសន៏ឲ្យដឹងដែរថា អាស៊ាននេះ ត្រូវបានកើតឡើងតាំងពីឆ្នាំ ១៩៦៧ ក្នុងពេលនោះមានតែ៥ប្រទេសប៉ុណ្ណោះដោយបានធ្វើការរួមគ្នាតែមួយ ។ ហើយក្រោយមកនៅឆ្នាំ ១៩៩៩ ប្រទេសកម្ពុជាយើងបានចូលជាសមាជិកអាស៊ាន ដោយយល់ថាជាផ្លូវមួយល្អ ត្រូវតែចូលរៀនពីគ្នាដូចជាយើង ត្រូវតែរៀនសូត្រជាមុន ។
លោកស្រីបណ្ឌិត SO Phonnary អនុប្រធានក្រុមប្រតិបត្តិការធានាគារអេស៊ីលីដា បានរំលឹកថានៅក្រោយចប់សង្រ្គាមលោកលើកទី២ មកប្រទេសជប៉ុន កូនចៅគេទៅរៀននៅសាលាជួនហូបមើមដំឡូងដើម្បីចំអែតក្រពះ មិនបាច់ចាយលុយនោះទេ ។ ឪកាសក្នុងអាស៊ាននេះ តាមការប្រមើលមើលឃើញថាជាផ្លូវល្អ ជាមួយនោះយើងត្រូវរៀនសូត្រពីប្រទេសជឿនលឿន ដែលមានតាំងពីឆ្នាំ ១៩៦៧យកមកចែករំលែកបទពិសោធន៏ ។ ដើម្បីឲ្យប្រទេសជាតិមានការអភិវឌ្ឈន៏នោះ ត្រូវទៅរៀននៅប្រទេសសាំងហ្គាពួរ ម៉ាឡេស៊ី យកចំណេះដឹងទាំងផ្នែកជំនួញ មកអនុវត្តន៏ក្នុងប្រទេស លោកស្រីបណ្ឌិតបានលើកឡើងថារាល់ថ្ងៃនេះ ប្រទេសថៃនិងវៀតណាមដើរជឿនលឿន ជាងកម្ពុជាយើង ។
ចែករំលែកព័តមាននេះ