រាជធានីភ្នំពេញ ៖ អតីតមន្ត្រីយោធាម្នាក់នៅកងពលតូចលេខ៤១ ដែលកាលពីមុនឈរជើងប្រចាំការនៅតំបន់ទិសប្រាសាទតាមាន់ បានចង.កសម្លាប់ខ្លួននៅក្រោមស្ពានផ្លូវរថភ្លើងបណ្តាលឱ្យស្លាប់បាត់បង់ជីវិត ។ ស្ត្រីម្នាក់ដែលត្រូវប្អូនស្រីបង្កើត បានអះអាងថា បងប្រុសរបស់គាត់តូចចិត្តប្រពន្ធលែងលះ ក៏ក្លាយទៅជាមនុស្សម្នាក់មានជំងឺសរសៃប្រសាទ ជាង៦ខែកន្លងមកហើយ ។
ហេតុការណ៍ចង.កសម្លាប់ខ្លួននេះ បានបង្កឱ្យមានការភ្ញាក់ផ្អើលទ្បើងកាលពីវេលាម៉ោង៦និង២៥នាទីព្រឹក ថ្ងៃទី២៨ មីនា ឆ្នាំ២០១៤ នៅត្រង់ចំណុចក្រោមស្ពានផ្លូវរថភ្លើងដែលគេហៅថា កោះគុយ ស្ថិតក្នុងភូមិជ័យជំនះ សង្កាត់ឪទ្បោក ខណ្ឌពោធិ៍សែនជ័យ ។ បុរសខាងលើនោះ ឈ្មោះ ធឹម ថា អាយុ៣០ឆ្នាំ ជាអតីតយោធា មានទីលំនៅក្នុងភូមិទួលលៀប សង្កាត់ស្នោ ខណ្ឌពោធិ៍សែនជ័យ ។ បុរសនោះមានប្រពន្ធ និងកូនប្រុសម្នាក់ ប៉ុន្តែបានលែងលះគ្នាជាង១ឆ្នាំកន្លងមកហើយ ដែលពេលនេះស្ត្រីជាអតីតប្រពន្ធបានមានប្តីទៀត និងមានកូនម្នាក់ទៀតហើយដែរ ។
តាមប្រភពព័ត៌មានបានឱ្យដឹងថា បុរសនោះបានក្លាយទៅជាមនុស្សសរសៃប្រសាទរយៈពេលជាង៦ខែកន្លងមកហើយ ដោយសារតែគាត់ពិបាកចិត្តនិងតូចចិត្ត ព្រោះប្រពន្ធលែង ហើយបន្ទាប់មកគាត់ចេះតែដើរតែលតោល និងបានឈប់ពីការងារយោធាទៀតផង ។ ប្រភពដដែលបន្តថា មុនពេលប្រទះឃើញសព គឺបុរសនោះបានចេញបាត់ពីផ្ទះនៅវេលាម៉ោង៨យប់ថ្ងៃទី២៧ មីនា ហើយក្រុមគ្រួសារបានតាមរកដែរ ប៉ុន្តែមិនបានប្រទះឃើញទ្បើយ រហូតដល់វេលាម៉ោង៦និង២៥នាទីព្រឹកថ្ងៃទី២៨ មីនា ទើបត្រូវបានគេប្រទះឃើញចង.កសម្លាប់ខ្លួន នៅក្រោមស្ពានកោះគុយនោះស្លាប់បាត់ទៅហើយ ។ សពត្រូវបានក្រុមគ្រួសារនាំយកទៅធ្វើបុណ្យតាមប្រពៃណីនៅឯផ្ទះ ហើយគ្រួសារបុរសនោះមានជីវភាពទីទ័លក្រខ្លាំងណាស់ ៕
ចែករំលែកព័តមាននេះ