រាជធានីភ្នំពេញ ៖ កាលពីព្រឹកថ្ងៃទី២៦ មីនា នៅសាលប្រជុំសាលាខណ្ឌដូនពេញ មានរៀបចំបើកវគ្គអប់រំផ្សព្វផ្សាយយុទ្ធនាការ «ព្រះរាជាណាចក្រអច្ឆរិយៈ» និងចលនាប្រឡងប្រណាំងទីក្រុងស្អាត រមណីយដ្ឋានស្អាត សេវាល្អ ក្រោមអធិបតីភាពលោកសុខ ពេញវុធ អភិបាលរងខណ្ឌដូនពេញ លោកយស់ យុទ្ធី អភិបាលរងខណ្ឌដូនពេញ លោកតាំង សុចិត្តគ្រីស្នា ប្រធានមន្ទីរទេសចរណ៍រាជធានីភ្នំពេញ និងចៅសង្កាត់ នគរបាល ព្រមទាំងមានការចូលពីម្ចាស់សណ្ឋាគារ ផ្ទះសំណាក់ ភោជនីយដ្ឋាន។
លោកតាំង សុចិត្តគ្រីស្នា ប្រធានមន្ទីរទេសចរណ៍រាជធានីភ្នំពេញបាននិយាយថា ការប្រឡងប្រណាំងទីក្រុងស្អាតនេះជាការរៀបចំឡើងជាលើកដំបូងបង្អស់ក្នុងប្រវត្តិសាស្ត្រសំរាប់ព្រះរាជាណាចក្រកម្ពុជាក្នុងគោលដៅធ្វើយ៉ាងណាឲ្យបណ្តាទីក្រុងទាំងអស់ក្លាយជាកន្លែងដែលផ្តល់នូវភាពកក់ក្តៅយ៉ាងពិតប្រាកដក្នុងការរស់នៅ ប្រកបកិច្ចការងារ ធ្វើអាជីវកម្មពាណិជ្ជកម្ម ការកម្សាន្តនិងធ្វើឲ្យកម្ពុជាក្លាយជាគោលដៅបៃតង ប្រកបដោយគុណភាពស្តង់ដារអន្តរជាតិ ពិសេសឆ្ពោះទៅរកការកសាងសេដ្ឋកិច្ចបៃតងនៅកម្ពុជា។ គំនិតផ្តួចផ្តើមរបស់កម្ពុជាថ្មីនេះត្រូវបានទទួលស្វាគមន៍ដោយបណ្តាប្រទេសអាស៊ាន ហើយសង្ឃឹមថា នាថ្ងៃអនាគតស្តង់ដារទីក្រុងស្អាតនេះនឹងក្លាយជាស្តង់ដាររួមមួយអាចអនុវត្តបានក្នុងក្របខណ្ឌអាស៊ានដោយក្លាយជាស្តង់ដារទីក្រុងស្អាតអាស៊ាន។
ចែករំលែកព័តមាននេះ