រាជធានីភ្នពេញ ៖ នៅវេលា​ម៉ោង ៣និង ៣០នាទី​ទាបភ្លឺថ្ងៃទី២៦ មីនា ២០១៤ មានករណី រថយន្ត​បុក រថយន្តដែល ចតចោល បន្តកន្ទុយគ្នា នៅចំណុចផ្លូវ លេខ ១៥២​ ស្ថិតក្នុងសង្កាត់បឹងកក់៣ ខណ្ឌទួលគោក។

បើតាមអ្នកឆ្លើយឆ្លង ព័ត៌មានកោះសន្តិភាព ឱ្យ​ដឹងថា មុនពេលកើតហេតុ គេឃើញបុរសម្នាក់ ដែលទើបចេញពីច្រៀង​ខារ៉ាអូ​ខេ ហើយក៏ឡើងជិះរថយន្តម៉ាក កាម៉ារី បាឡែន ពណ៌គ្រាប់អំពិល ពាក់ស្លាកលេខភ្នំពេញ 2Q-3783 ដោយ​​រ៉ួសម្លេងរថយន្តឡើងខ្លាំង ហើយធ្វើដំណើរតាមផ្លូវ១៨២ ក្នុងទិសដៅពីលិចទៅកើត និងបានជាន់​ហ្គឺរស្មាន​តែជាន់​ហ្វ្រាំង ក៏បានជ្រុលទៅបុកគូថរថយន្ត CRVពណ៌ទឹកប្រាក់ ពាក់ស្លាកលេខភ្នំពេញ 2F-2858 បណ្តាលឱ្យខូចកាង និង​របកថ្នាំ​ ។ បន្ទាប់មក រថយន្ត CRV ក៏រុញទៅបុកគូថរថយន្ត លុចស៊ីសRX-330 ពាក់ស្លាកលេខ ភ្នំពេញ 2Q-0869ខូចខាត និងរបកឆ្នាំតិចតួច ៕