ឃាត់ខ្លួនស្ត្រីម្ចាស់ហាងទាំង២…ដកហូតសាច់សត្វទម្ងន់ជាង១៧២គីឡូក្រាម
- ពោធិ៍សាត់
ខេត្តពោធិ៍សាត់ ៖ កាលពីថ្ងៃទី១២ កញ្ញា អង្គការសម្ព័ន្ធមិត្តសត្វព្រៃ ( Wildlife Alliance ) សហការជាមួយកម្លាំងកងរាជអាវុធហត្ថផ្ទៃប្រទេស,…
ខេត្តពោធិ៍សាត់ ៖ កាលពីថ្ងៃទី១២ កញ្ញា អង្គការសម្ព័ន្ធមិត្តសត្វព្រៃ ( Wildlife Alliance ) សហការជាមួយកម្លាំងកងរាជអាវុធហត្ថផ្ទៃប្រទេស,…
ខេត្តពោធិ៍សាត់ ៖ កាលពីថ្ងៃទី១២ កញ្ញា អង្គការសម្ព័ន្ធមិត្តសត្វព្រៃ ( Wildlife Alliance ) សហការជាមួយកម្លាំងកងរាជអាវុធហត្ថផ្ទៃប្រទេស, កម្លាំងមូលដ្ឋានកងរាជអាវុធហត្ថស្រុកវាលវែង និងមន្ត្រីឧទ្យាននុរក្សដែនជម្រកសត្វព្រៃភ្នំសំកុសបានចុះបង្ក្រាបអាហារដ្ឋាន២កន្លែង ក្នុងភូមិប្រមោយឃុំប្រមោយស្រុកវាលវែង ខេត្តពោធិ៍សាត់ ។
សមត្ថកិច្ចឲ្យដឹងថា ការឆ្មក់ចូលឆែកឆេរទីតាំងអាហារដ្ឋានទាំង២កន្លែងនេះ ធ្វើឡើងតាមការសម្រប សម្រួលពីលោកព្រះរាជអាជ្ញាអមសាលាដំបូងខេត្ត បន្ទាប់ពីស៊ើបអង្គេតដឹងថាអាហារដ្ឋានទាំងពីរកន្លែងនេះលួចលក់សាច់សត្វព្រៃដុះស្លែជាយូរមកហើយ។
ក្នុងប្រតិបត្តិការនេះ កម្លាំងសមត្ថកិច្ចបានឃាត់ខ្លួនជនសង្ស័យជាស្ត្រីនិងជាម្ចាស់ហាងចំនួន២នាក់ ១- ឈ្មោះកាង ហេវ (ហៅយាយហេវ) និង២-ឈ្មោះ កាង ឡា អាយុជាង៤០ឆ្នាំ រស់នៅភូមិឃុំខាងលើ។ សមត្ថកិច្ចបានដកហូតវត្ថុតាងសាច់សត្វព្រៃចម្រុះទាំងពីរកន្លែងសរុបជាង១៧២គីឡូក្រាម ដែលដាក់
ក្លាស្សេក្នុងធុងទឹកកកក្នុងនោះមាន៖ សាច់សត្វកាំប្រម៉ា៥៧គីឡូក្រាម, សាច់ជ្រូកព្រៃ ៦៨គីឡូក្រាម,
សាច់ឈ្លូស ២៨គីឡូក្រាម, សាច់តេះ ០៩គីឡូក្រាម, សាច់កន្ទាយ ០៨គីឡូក្រាម និងសាច់ត្រកួត ២,៥
គីឡូក្រាម។
សមត្ថកិច្ចឲ្យដឹងថា សត្វព្រៃខាងលើ រាជរដ្ឋាភិបាលបានហាមឃាត់ដាច់ខាតនិងខិតខំអភិរក្សព្រោះវាជាសត្វជិតផុតពូជនិងមានដោយកម្រ ពិសេសសត្វកាំប្រមា សត្វពង្រូល សត្វតេះ សត្វខ្លា ដំរី រមាំង ប្រើស ទន្សោង គោព្រៃ និងសត្វខ្ទីងជាដើម។
ជនសង្ស័យដែលជាម្ចាស់ហាងទាំង២នាក់ រួមទាំងវត្ថុតាង សមត្ថកិច្ចបានបញ្ជូនទៅស្នាក់ការអង្គការសម្ព័ន្ធមិត្តសត្វព្រៃ( Wildlife Alliance ) ដើម្បីរៀបចំឯកសារបញ្ជូនទៅតុលាការចាត់ការបន្តតាមនីតិវិធី៕ (សម្រួលដោយ៖ ស្រីណា)
ចែករំលែកព័តមាននេះ