រាជធានីភ្នំពេញ ៖ សម្ព័ន្ធគណនេយ្យភាពសង្គមអាស៊ីបូព៌ា និងបាស៊ីហ្វិក(ANSA-EAP) សម្ព័ន្ធដើម្បីសុចរិតភាព និងគណនេយ្យសង្គម(CISA)និងវិទ្យាស្ថានខ្មែរសម្រាប់អភិវឌ្ឍន៍ជាតិ (KIND)បានសម្ដែងនូវការសាទរចំពោះប្រសាសន៍របស់លោក ឱម យិុនទៀង ប្រធានអង្គភាពប្រឆាំងអំពើពុករលួយដែលស្វាគមន៍និងផ្តល់ឱកាសដល់អង្គការសង្គមស៊ីវិល
រាជធានីភ្នំពេញ ៖ សម្ព័ន្ធគណនេយ្យភាពសង្គមអាស៊ីបូព៌ា និងបាស៊ីហ្វិក(ANSA-EAP) សម្ព័ន្ធដើម្បីសុចរិតភាព និងគណនេយ្យសង្គម(CISA)និងវិទ្យាស្ថានខ្មែរសម្រាប់អភិវឌ្ឍន៍ជាតិ (KIND)បានសម្ដែងនូវការសាទរចំពោះប្រសាសន៍របស់លោក ឱម យិុនទៀង ប្រធានអង្គភាពប្រឆាំងអំពើពុករលួយដែលស្វាគមន៍និងផ្តល់ឱកាសដល់អង្គការសង្គមស៊ីវិល និងវិស័យឯកជនឱ្យចូលរួមសង្កេតមើលភាពមិនប្រក្រតី(អំពើពុករលួយ)ក្នុងពេលប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)ក្នុងឆ្នាំ២០១៤ នេះ ។
សេចក្ដីថ្លែងការណ៍របស់អង្គការសង្គមសីុវិលខាងលើ ចុះថ្ងៃទី២៤ មីនា ឆ្នាំ២០១៤ បានលើកឡើងទៀតថា ក្នុងនាមអង្គការសង្គមសីុវិល ដែលបំពេញការងារលើកកម្ពស់អភិបាលកិច្ចល្អ និងប្រឆាំងអំពើពុករលួយ សូមសម្ដែងនូវជំហរគាំទ្រ និងចូលរួមជាមួយអង្គភាពប្រឆាំងអំពើពុករលួយ និងក្រសួងអប់រំយុវជន និងកីឡា ដើម្បីបង្កើននូវតម្លាភាពនិងគុណភាពនៅក្នុងវិស័យនេះ ។ អង្គការសង្គមសីុវិលដែលធ្វើការពាក់ព័ន្ធវិស័យខាងលើ សូមសម្ដែងនូវការកោតសរសើរដល់ការខិតខំប្រឹងប្រែងរបស់អង្គភាពនេះក្នុងការប្រយុទ្ធប្រឆាំងអំពើពុករលួយកន្លងមក ។ ទោះជាយ៉ាណាក៏ដោយ តាមការសង្កេតរបស់យើងឃើញថា ការចាត់វិធានការទៅលើអំពើពុករលួយដែលពាក់ព័ន្ធអ្នកមានអំណាចថ្នាក់ខ្ពស់ និងក្រុមគ្រួសារហាក់មិនទាន់មានផ្លែផ្កា ហើយនិងក៏មិនទាន់ទទួលបាននូវការទាក់ទាញការចាប់អារម្មណ៍ពីសាធារណជននៅឡើយ ។
ក្រុមអង្គការសង្គមសីុវិលទាំងនេះ បានស្នើដោយទទូចដល់អង្គភាពប្រឆាំងអំពើពុករលួយមិនត្រឹមតែផ្តោតការយកចិត្តទុកដាក់ទៅលើវិស័យអប់រំតែមួយមុខប៉ុណ្ណោះទេ គឺគួរតែដាក់ចេញនូវគោលការណ៍បន្ថែមដោយអនុញ្ញាតឲ្យអង្គការសង្គមស៊ីវិលអាចចូលរួមតាមដានការអនុវត្តគម្រោងនានារបស់រដ្ឋ រួមមាន គម្រោង កសាងហេដ្ឋារចនាសម្ព័ន្ធធំៗ គម្រោងផ្តល់សេវាសុខភាព ការផ្តល់សម្បទានធនធានធម្មជាតិ និង ការផ្តល់សេវារដ្ឋបាលសាធារណៈជាដើម ព្រោះថា វត្តមាននៃការតាមដានរបស់អង្គការសង្គមស៊ីវិលអាចរួមចំណែកជាប្រយោជន៍ដើម្បីជំរុញឲ្យសេវាទាំងនោះមានតម្លាភាព គណនេយ្យភាព ប្រសិទ្ធភាព និងលើកកម្ពស់ផលប្រយោជន៍សាធារណៈ និងយុត្តិធម៌សង្គម ៕
ចែករំលែកព័តមាននេះ