ខេត្តកំពត ៖ អ្នកដឹកបង្គាក្រៀមខឹងគយចល័តត្រៀមចាំចាប់រថយន្តរបស់ខ្លួនយកម៉ូតូបិតផ្លូវរយៈពេលខ្លី ដោយពលរដ្ឋប្រមាណជា៤០នាក់ សុទ្ធតែជាអ្នកដឹកបង្គាក្រៀម មឹកក្រៀមនៅភូមិកោះត្រាច ឃុំស្វាយទងខាងត្បូង ស្រុកកំពង់ត្រាច កាលពីព្រឹក ថ្ងៃទី១៦…
ខេត្តកំពត ៖ អ្នកដឹកបង្គាក្រៀមខឹងគយចល័តត្រៀមចាំចាប់រថយន្តរបស់ខ្លួនយកម៉ូតូបិតផ្លូវរយៈពេលខ្លី ដោយពលរដ្ឋប្រមាណជា៤០នាក់ សុទ្ធតែជាអ្នកដឹកបង្គាក្រៀម មឹកក្រៀមនៅភូមិកោះត្រាច ឃុំស្វាយទងខាងត្បូង ស្រុកកំពង់ត្រាច កាលពីព្រឹក ថ្ងៃទី១៦ ខែកញ្ញា បាននាំគ្នាមកដល់ភូមិលក ត្រង់ផ្លូវបំបែកជាប់ និងស្នាក់ការគយចល័តក្នុងឃុំឬស្សី ស្រុកខាងលិច ស្រុកកំពង់ត្រាច ខេត្តកំពត ។
ការលើកគ្នាមកកាន់ចំណុចកៀកកឹត និងគយចល័តនោះ គឺបំណងខឹង និងមន្ត្រីគយចាំស្ទាក់ចាប់រថយន្តរបស់ខ្លួនដឹកបង្គា ។ ប៉ុន្តែខឹងសម្បារបស់មន្ត្រីគយពួកគាត់បានយកម៉ូតូដាក់បិតផ្លូវរយៈពេលខ្លី ដើម្បីឲ្យមានការភ្ញាក់ផ្អើល ។ ភ្លាមៗនោះគេឃើញមានពលរដ្ឋប្រហែលជា១០នាក់ទេ ត្រូវបានមន្ត្រីខាងព្រំដែនច្រកទ្វារអន្តរជាតិព្រែកចាកហៅធ្វើការសាកសួរ ។ ក្នុងនោះមានលោក ង៉ែត សាវឿន ប្រធានស្នាក់ការត្រួតពិនិត្យច្រកទ្វារព្រំដែនអន្តរជាតិព្រែក-លោកង៉ែត សុផល អភិបាលរងស្រុក-លោកយីថុល ប្រធានការិយាល័យគយច្រកទ្វាព្រំដែនអន្តរជាតិព្រែកចាក់ និងមន្ត្រីពាក់ពន្ធ័មកពីអង្គភាពផ្សេងៗជាច្រើននាក់ទៀត ។
លោកង៉ែត សាវឿន ប្រធានស្នាក់ការបាននិយាយប្រាប់ប្រជាពលរដ្ឋអ្នកដឹកបង្គាថា លោកទើបតែមកកាន់ច្រកទ្វាព្រំដែនបានជាង១០ថ្ងៃទេ ។ លោកង៉ែត សាវឿន បានមានប្រសាសន៍ថា ការដឹកជញ្ជូនទំនិញឆ្លងដែនមកពីប្រទេសវៀតណាមជាការចាំបាច់ត្រូវតែបង់ពន្ធតាមរូបភាពជាក់ស្តែង ចាប់ពី១០០គីឡូឡើង គឺជាប់ពាក់ព័ន្ធហើយ តែបើរឿងមនោសញ្ចេតនាជាមួយប្រជាពលរដ្ឋជារឿងផ្សេង ។ លោកង៉ែត សាវឿន និយាយថា បើពលរដ្ឋគាត់ដឹកតិចតួចគេមិនអាចអោយបង់ពន្ធនោះទេ ។ លោកង៉ែត សាវឿន និយាយរឿងការបិតផ្លូវសាធារណជាការខុសឆ្គងទាំងស្រុង ។ លោកង៉ែត សាវឿន មានប្រសាសន៍ថា ក្នុងនាមលោកជាប្រធានស្នាក់ការ គឺមានការសម្របសម្រួលភាគីពាក់ព័ន្ធតែប៉ុណ្ណោះ ។
ដោយប្រជាពលរដ្ឋម្នាក់ឈ្មោះ សាយ កេត ភេទប្រុស អាយុ៣៨ឆ្នាំ នៅភូមិកោះត្រាច ឃុំស្វាយទង ខាងត្បូង និងជាតំណាងពលរដ្ឋដឹកបង្គាក្រៀមបាននិយាយហេតុផលដែលពួកគាត់នាំគ្នាយកម៉ូតូបិតផ្លូវនេះថា ពួកគាត់ពិតជាបានខឹងសម្បារគយចល័តចាំយកលុយពីម៉ូតូដឹកបង្គាក្នុងម៉ូតូមួយគ្រឿងត្រូវបង់លុយ១ម៉ឺនរៀល ឬ២ម៉ឺនរៀល ។ លោកបាននិយាយបន្តថា មន្ត្រីគយចល័តបានស្ទាក់រថយន្តរបស់គាត់ដឹកបង្គាយកទៅលក់តាមបណ្ដាខេត្តផ្សេងៗក្នុងប្រទេសកម្ពុជា ។ លោកនិយាយថា សុំអោយគយយកតម្លៃក្នុងម៉ូតូមួយគ្រឿងត្រឹមតែ៣ម៉ឺនរៀលបានហើយ ហើយកន្លែងផ្សេងទៀតមិនបាច់បង់លុយ ។
លោកសាយ កេត និយាយថា ប៉ុន្មានថ្ងៃនេះលោកមិនហានដឹកគ្រឿងសមុទ្រយកទៅលក់ទេ ដោយសារតែខ្លាចគយចល័តចាំចាប់យកលុយមួយឡានបង់១លានរៀល ។ ចំណែករឿងគយនៅចក្រទ្វារ និងមន្ត្រីនគរបាលមិនបានប៉ះពាល់ពួកគាត់អ្នករកស៊ីទេ ។
លោកយី ថុល ប្រធានការិយាល័យគយច្រកទ្វារមានប្រសាសន៍ថា រឿងពួកគាត់មកដឹកទំនិញឆ្លងដែន ហើយពួកគាត់អោយបន្ធូបន្ថយពន្ធ គឺគាត់មិនអាចធ្វើតាមពួកគាត់បានទេទាល់តែថ្នាក់លើទើបសម្រេច ។
លោកង៉ែត សុផល អភិបាលរងស្រុកមានប្រសាសន៍ថា ការដឹកជញ្ជូនទំនិញឆ្លងដែន បើតិចតួចជាលក្ខណគ្រួសារវាពិតជាមានការយោគយល់ច្រើនដល់ពលរដ្ឋនៅតាមព្រំដែន តែបើដឹកទំនិញច្រើនជាប់ពន្ធហើយ ព្រោះយើងផ្អែកតាមគោលការរបស់រដ្ឋ ។ លោក ង៉ែតសុផល បានឯកភាពតាមការអនុគ្រោះអោយពលរដ្ឋដឹកគ្រឿងសមុទ្រចាស់ៗយកចេញអោយអស់រយៈពេល៣ថ្ងៃជាកំណត់ ។
មន្ត្រីគយចល័តនិយាយថា ប្រជាពលរដ្ឋប្រមាណ១០ម៉ូតូទេ ក្នុងមួយថ្ងៃៗពួកគាត់ជញ្ជូនគ្រឿងសមុទ្រចេញពីវៀតណាមដឹកតាមម៉ូតូដូចកណ្ដៀរក្នុងមួយថ្ងៃៗ ។ យើងបានមើលឃើញពិតជា តិចតួចណាស់តែមានអ្នកចាំប្រមូលដឹកឡានរាប់តោនត្រង់នេះ ហើយទើបគយចាំស្ទាក់ចាប់អោយចូលទៅបង់ពន្ធទើបមានរឿងហេតុបែបនេះ៕ កែសម្រួលដោយ ៖សុឃាក់
ចែករំលែកព័តមាននេះ