រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ នៅរសៀលថ្ងៃទី២៥ មីនា ២០១៤ បានសម្រេចធ្វើការឃុំខ្លួនថៅកៃស្រីម្នាក់ ដែលជាប់ពាក់ពន្ធនឹងពាក្យបណ្តឹងថា បានធ្វើទារុណកម្មលើក្មេងស្រីជាអ្នកបម្រើ ដាក់ពន្ធនាគារជាបណ្តោះអាសន្ន ក្រោមបទចោទហិង្សាដោយចេតនា តាមមា ត្រា២១៧ នៃក្រមពហ្មទណ្ឌ។
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ នៅរសៀលថ្ងៃទី២៥ មីនា ២០១៤ បានសម្រេចធ្វើការឃុំខ្លួនថៅកៃស្រីម្នាក់ ដែលជាប់ពាក់ពន្ធនឹងពាក្យបណ្តឹងថា បានធ្វើទារុណកម្មលើក្មេងស្រីជាអ្នកបម្រើ ដាក់ពន្ធនាគារជាបណ្តោះអាសន្ន ក្រោមបទចោទហិង្សាដោយចេតនា តាមមា ត្រា២១៧ នៃក្រមពហ្មទណ្ឌ។
ថៅកែស្រីរូបនោះឈ្មោះគង់ ស៊ីណា ហៅណែត អាយុ៣១ឆ្នាំ មុខរបរលក់គ្រឿងបន្លាស់រថយន្តនៅផ្សារលិច ស្ថិតក្នុងភូមិផ្សារលិច សង្កាត់ព្រែកព្នៅ ខណ្ឌសែនសុខ ។
ការឃុំខ្លួនថៅកែស្រីខាងលើ យោងតាមពាក្យបណ្តឹងរបស់នារីដែលអះអាងថាជាជនរងគ្រោះឈ្មោះផល លក្ខិណា អាយុ១៧ឆ្នាំ ជាអ្នកបម្រើ និងមានស្រុកកំណើតនៅភូមិសេដា ឃុំវិហារសួគ៍ ស្រុកខ្សាច់កណ្តាល ខេត្តកណ្តាល ។
តាមពាក្យបណ្តឹងនារីរងគ្រោះបានបញ្ជាក់ថា ចាប់តាំងពីអំឡុងថ្ងៃទី១៩ មេសា ២០១៣ កន្លងមក ខណៈដែលនាងបានទៅធ្វើការជាអ្នកបម្រើផ្ទះឲ្យអ្នកស្រីគង់ ស៊ីណា ត្រូវបានរងនូវការវាយដំធ្វើបាបជាបន្តបន្ទាប់ រហូតនាងឈឺធ្លាក់ក្អួត ស្រីជាថៅកែបានវាយបង្ខំឲ្យនាងលេបកម្អួតនោះវិញទៀតផង ។ ទ្រាំនឹងការធ្វើទារុណកម្មនោះមិនបាន ទើបនៅថ្ងៃទី១៧ មីនា ២០១៤ នាងនិងក្រុមគ្រួសារបានទៅពឹងពាក់អង្គការមួយឲ្យជួយការពារ និងដាក់ពាក្យបណ្តឹងទៅសមត្ថកិច្ចដើម្បីឲ្យចាត់ការស្រីថៅកែលក់គ្រឿងបន្លាស់រថយន្តនោះ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ