ខេត្តបន្ទាយមានជ័យ៖​ សមត្ថកិច្ចចម្រុះ​ក្រុងប៉ោយប៉ែត ​បានសហការគ្នា​ឆ្មក់ចូលលំនៅដ្ឋានមួយកន្លែង​ ស្ថិតក្នុងភូមិប្រជាធម្មលិច​ សង្កាត់ផ្សារកណ្តាល ​ក្រុងប៉ោយប៉ែត ​ដោយឃាត់ខ្លួន​មនុស្ស០៣នាក់ សង្ស័យ​ពាក់ព័ន្ឋ​គ្រឿងញៀន ។

បើតាមអ្នកឆ្លើយឆ្លង​ព័ត៌មាន​កោះសន្តិភាព​បានបញ្ជាក់ឲ្យដឹងដែរថា ​ការឆ្មក់ចូលបង្រ្កាប​និងឃាត់ខ្លួនមនុស្សទំាង០៣នាក់ ​នៅម៉ោង១០និង៤៥នាទី​ថ្ងៃត្រង់ថ្ងៃទី២៥ ​មីនា ​២០១៤ខាងលើនេះ ​បានធ្វើឡើង​បន្ទាប់ពីសមត្ថកិច្ច​បានចាប់ខ្លួន​មនុស្ស២នាក់​កាលពីថ្ងៃទី២៤មីនា​ម្សិលមិញ​​ពាក់ព័ន្ឋនឹងការជួញដូរគ្រឿងញៀន ។ មកដល់ម៉ោង​១១និង០៣នាទី​ថ្ងៃអង្គារនេះដែរ ​សមត្ថកិច្ចកំពុង​តែរុករកវត្ថុតាង និង ​មិនទាន់​ដឹងថា​ មានអ្វីខ្លះ​នៅឡើយទេ ។ ​

ព័ត៌មានលម្អិត​នឹងមានផ្សាយជូន​នៅលើសារព័ត៌មាន​កោះសន្តិភាព ៕