រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បន្ទប់អាសនៈរួមទាំងសម្ភារមួយចំនួននៅក្នុងផ្ទះបុរីសុភមង្គលត្រូវបានអគ្គិភ័យឆាប់ឆេះហ្មត់ ខណៈពេលដែលម្ចាស់ដុតធូបថ្ងៃសីលទុកចោល ករណីនេះបង្កឲ្យមានការភ្ញាក់ផ្អើលពីវេលាម៉ោងប្រមាណ១និង១០នាទីរសៀល ថ្ងៃទី១៣ ខែកញ្ញានេះ នៅចំណុចផ្ទះលេខ F២០…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បន្ទប់អាសនៈរួមទាំងសម្ភារមួយចំនួននៅក្នុងផ្ទះបុរីសុភមង្គលត្រូវបានអគ្គិភ័យឆាប់ឆេះហ្មត់ ខណៈពេលដែលម្ចាស់ដុតធូបថ្ងៃសីលទុកចោល ករណីនេះបង្កឲ្យមានការភ្ញាក់ផ្អើលពីវេលាម៉ោងប្រមាណ១និង១០នាទីរសៀល ថ្ងៃទី១៣ ខែកញ្ញានេះ នៅចំណុចផ្ទះលេខ F២០ ផ្លូវលេខ៥៩CW បុរីពិភពថ្មី ភូមិទី៣ សង្កាត់ជ្រោយចង្វារ ខណ្ឌជ្រោយចង្វារ ។
សេចក្តីរាយការណ៍បានបន្តថា ផ្ទះដែលត្រូវភ្លើងឆេះមានម្ចាស់ឈ្មោះ លន់ រស់ ភេទស្រី អាយុ ៣៥ឆ្នាំ មានលំនៅផ្ទះកើតហេតុខាងលើ ។
តាមព័ត៌មានអោយដឹងថា នៅមុនពេលកើតហេតុឃើញភ្លើងបានឆាបឆេះផ្សែងហុយទ្រលោម បង្កអោយមានការភ្ញាក់ផ្អើលដល់ប្រជាពលរដ្ឋនៅក្បែរខាងនាំគ្នាជួយពន្លត់ និងទាក់ទងហៅរថយន្តពន្លត់អគ្គិភ័យទៅអន្តរាគមន៍ ។ ដោយនៅក្នុងហេតុការណ៍នេះរថយន្តពន្លត់អគ្គិភ័យចំនួន ៥គ្រឿងទៅអន្តរាគមន៍ ហើយបាញ់អស់ទឹក១គ្រឿង ភ្លើងបានរលត់ទៅវិញ ។
ទោះបីជាយ៉ាងណាសម្ភាររួមមានពូក និងរបស់របរមួយចំនួនព្រមទាំងអាសនៈនៅជាន់ទី១ ត្រូវភ្លើងឆេះគ្មានសល់ ។
ទាក់ទិនការកើតមានអគ្គិភ័យនេះត្រូវបានស្ត្រីជាម្ចាស់អោយដឹងថា បណ្តាលមកពីដុតធូបសែនថ្ងៃសីលទុកចោល ជាហេតុឲ្យកម្ទេចធូបក្លាយជាអគ្កិភ័យតែម្តង ។ ម្ចាស់ផ្ទះរូបនោះបានអោយដឹងថា សម្ភារនៅក្នុងបន្ទប់បន្តិចបន្ទួចនោះទេ ដែលត្រូវភ្លើងឆាបឆេះរងការខូចខាត ៕ កែសម្រួលដោយ ៖ សុឃាក់
ចែករំលែកព័តមាននេះ