រូបភាពប្លែកៗគួរឱ្យចាប់អារម្មណ៍ពីទស្សនិកជន
១-បើករដូវកាលបាល់ឱបអាមេរិក
លោកជេរ៉េមី ម៉េនហ្គេន ឆ្លាក់ទឹកកកនៅខាងមុខទីលានប្រកួតបាល់ឱបអាមេរិក មុនពេលបើករដូវកាលថ្មី NFL លើកទី៤៨ កាលពីពេល ថ្មីៗកន្លងទៅ ។
១-បើករដូវកាលបាល់ឱបអាមេរិក
លោកជេរ៉េមី ម៉េនហ្គេន ឆ្លាក់ទឹកកកនៅខាងមុខទីលានប្រកួតបាល់ឱបអាមេរិក មុនពេលបើករដូវកាលថ្មី NFL លើកទី៤៨ កាលពីពេល ថ្មីៗកន្លងទៅ ។
២-កម្មករធ្វើការធ្ងន់នៅបង់ក្លាដែស
កម្មករក្នុងរោងចក្រកែច្នៃស្បែក ក្នុងទីក្រុងដាកា ប្រទេសបង់ក្លាដែស បាននៅត្រាំទឹកថ្នាំលាងស្បែកសត្វជិតត្រឹមជង្គង់ស្ទើរពេញមួយថ្ងៃ ជាថ្នូរនឹងប្រាក់បៀវត្សប្រហែល៥០ដុល្លារក្នុងមួយខែ ។
៣-តោ.សក្នុងឧទ្យានសត្វប៉ូឡូញ
មេតោភឿក ឬតោ.ស នៅក្នុងឧទ្យានសត្វប៊័ររីស្យូ ភាគកណ្ដាលប្រទេសប៉ូឡូញ បានលិទ្ធកូន១ក្នុងចំណោមកូនតោភឿក៣ក្បាលរបស់វាដែលកើតកាលពីពេល ថ្មីៗកន្លងទៅ ។
៤-បញ្ជីមុខម្ហូបនៅលើកុំព្យូទ័រ Tablet
ម្ចាស់ហាងប៊ើហ្គើ «Bolt burger» ក្នុងទីក្រុងវ៉ាស៊ីនតោន បានបង្ហាញថេបឡេតបង្ហាញមុខម្ហូប និងភេសជ្ជៈដែលបើកបម្រើអតិថិជនចាប់ពីខែកុម្ភៈ ២០១៤ តទៅ ។
៥-ថ្លឹងទម្ងន់ខ្លាឃ្មុំកូអាឡា
កូនខ្លាឃ្មុំកូអាឡា អាយុជាង៦ខែ បានឈោងដៃទៅរកមេ(ខាងស្ដាំ)បន្ទាប់ពីបុគ្គលិកឧទ្យានសត្វឌុយស៊្បើកភាគខាងលិចប្រទេសអាល្លឺម៉ង់យកទៅថ្លឹងទម្ងន់កំណត់ពីការរីកធំធាត់។ កូនខ្លាឃ្មុំនេះមានទម្ងន់៣៥០ក្រាម ប៉ុន្ដែបើធំពេញវ័យមានទម្ងន់១០គីឡូក្រាម ។
៦-ថ្នាំព្យាបាលមហារីកខួរក្បាល
បុគ្គលិកក្នុងមន្ទីរពិសោធន៍ផ្នែកជីវសាស្រ្ដសហរដ្ឋអាមេរិកមួយកាន់អំពូលថ្នាំព្យាបាលជំងឺមហារីកខួរក្បាល ខណៈពេលក្រុមហ៊ុនបញ្ជាក់ថា នឹងព្យាយាមពិសោធន៍ឱ្យរួចរាល់ក្នុងពេល ឆាប់ៗខាងមុខ ។
៧-សេះស្ករតាំងម៉ែ
រូបចម្លាក់សេះចម្បាំងច្នៃពីស្ករតាំងម៉ែ កើតចេញពីការច្នៃប្រឌិតរបស់អ្នកលក់ស្ករតាំងម៉ែ នៅវត្ដ«ទីថាន» ក្នុងក្រុងប៉េកាំង ប្រទេសចិន ដើម្បីស្វាគមន៍ឆ្នាំថ្មី ឆ្នាំសេះ ។
៨-វាស់កម្រិតទឹកនៅលើលំហអវកាស
ជប៉ុនបានបញ្ជូនផ្កាយរណបទំនើបទៅវាស់បរិមាណទឹកលើដែនអាកាស ឬបរិមាណទឹកដែលនឹងបង្អុរចុះមកលើផែនដី ។ បច្ចេកវិទ្យានេះបានអភិវឌ្ឍន៍រួមជាមួយអាមេរិក ក្នុងការព្យាករផ្នែកឧតុនិយមវិទ្យា ។
៩-ឆ្កែជាប់ក្បាលនៅក្នុងកាបូបក្នុងពេលមុជទឹកទៅរកស៊ីចំណី
ឆ្កែមួយក្បាលធុំក្លិននំនៅក្នុងកាបូបក៏មុជចូលទៅរកចំណី ស្រាប់តែជាប់ក្បាលក្នុងកាបូបនោះ។
១០-ស្វាព្រិលនាំគ្នាត្រាំទឹកក្ដៅ
ស្វា«ម៉េកឃេក» ឬស្វាព្រិល បានត្រាំទឹកក្ដៅ ឧណ្ហៗនៅទីក្រុងនូស៊ី ប្រទេសជប៉ុន ។ នៅទីនោះមានស្វាព្រិលរស់នៅជាង១៦០ក្បាល និងជាប្រភពទាក់ទាញអ្នកទេសចរច្រើនទៅទស្សនា ៕
ចែករំលែកព័តមាននេះ