ប្រភពពីបរទេសនាពេលថ្មីៗនេះបានបង្ហាញនូវរឿងរ៉ាវដែលសឹងតែមិនគួរឱ្យជឿ ខណៈនារីម្នាក់ឈ្មោះ Suzាanne Heintz រស់នៅក្នុងរដ្ឋ Colorado នៃសហរដ្ឋអាមេរិក បានសម្រេចចិត្តរស់នៅជាមួយនឹងតុក្កតា ពោលគឺគាត់ចាត់ទុកតុក្កតាជាស្វាមី និងកូនរបស់គាត់ ។ នៅក្នុងគ្រួសារចម្លែកនេះ គេសង្កេតឃើញមានសមាជិតតែបីនាក់ប៉ុណ្ណោះ គឺមានអ្នកស្រី Suzanne ព្រមទាំងស្វាមី និងកូន
ប្រភពពីបរទេសនាពេលថ្មីៗនេះបានបង្ហាញនូវរឿងរ៉ាវដែលសឹងតែមិនគួរឱ្យជឿ ខណៈនារីម្នាក់ឈ្មោះ Suzាanne Heintz រស់នៅក្នុងរដ្ឋ Colorado នៃសហរដ្ឋអាមេរិក បានសម្រេចចិត្តរស់នៅជាមួយនឹងតុក្កតា ពោលគឺគាត់ចាត់ទុកតុក្កតាជាស្វាមី និងកូនរបស់គាត់ ។ នៅក្នុងគ្រួសារចម្លែកនេះ គេសង្កេតឃើញមានសមាជិតតែបីនាក់ប៉ុណ្ណោះ គឺមានអ្នកស្រី Suzanne ព្រមទាំងស្វាមី និងកូនស្រីម្នាក់ដែលជារូបតុក្កតានោះ ។ ក្រុមគ្រួសារអ្នកស្រី Suzanne ដែលមានសមាជិកខុសពីគ្រួសារដទៃបានទទួលបានការចាប់អារម្មណ៍យ៉ាងខ្លាំងពីសំណាក់មហាជន តែក៏មានអ្នកមួយចំនួនធ្វើការរិះគន់ផងដែរ ព្រោះគេគិតថា នេះជារឿងមួយដែលគួរឱ្យអស់សំណើចបំផុត ។
អ្នកស្រី Suzanne បាននិយាយប្រាប់អ្នកសារព័ត៌មានថា «គាត់ពិតជាបានយកតុក្កតាមកធ្វើជាស្វាមី និងកូនស្រីមែន ព្រមទាំងពួកយើងបានរស់នៅជាមួយគ្នាអស់រយៈពេល១៤ឆ្នាំមកហើយ។ គាត់បានដាក់ឈ្មោះស្វាមី Chauncey និងកូនស្រីឈ្មោះ Mary Margaret ។ ការរស់នៅជាមួយនឹងស្វាមី និងកូនស្រីដែលជារូបតុក្កតានេះ ពិតជាបានធ្វើឱ្យគាត់ទទួលសុភមង្គល ជាពិសេសពេលត្រឡប់មកពីធ្វើការភ្លាមឃើញមុខប្តី និងកូនអង្គុយនៅមួយកន្លែង ធ្វើឱ្យគាត់បាត់អស់ភាពនឿយណាយ និងមានអារម្មណ៍សប្បាយរីករាយណាស់។ ទោះបីជាពួកគេឥតវិញ្ញាណក្តី តែគាត់គិតថា វាជាការល្អប្រសើរម្យ៉ាងដែរ ព្រោះតែងតែមានអ្នកនៅរង់ចាំទទួល គាត់នៅផ្ទះជារៀងរាល់ថ្ងៃ» ។
អ្នកស្រី Suzanne បាននិយាយបន្ថែមទៀតថា «ថ្វីដ្បិតតែ គាត់សម្រេចចិត្តរស់នៅជាមួយតុក្កតាខុសពីគ្រួសារដទៃក៏ពិតមែន តែឥឡូវនេះសតវត្សទី២១ហើយ ។ ដូច្នេះគាត់មានសិទ្ធិសម្រេចជីវិតរបស់ខ្លួន ទោះបីជាត្រូវគេសើចចំអក និងមើលងាយយ៉ាងណាក្តី ក៏មិនសំខាន់ដែរ ឱ្យតែគាត់ទទួលបានសេចក្តីសុខនៅក្នុងគ្រួសារ ។ គាត់តែងតែចំណាយពេលទំនេររបស់គាត់ដើរលេងជាមួយនឹងគ្រួសារតុក្កតានេះជាច្រើនកន្លែងនៅសហរដ្ឋអាមេរិក និងមានគំរោងនាំគ្នាទៅលេងក្រៅប្រទេសទៀតផង ដើម្បីផ្លាស់ប្តូរបរិយាកាស ។ អ្នកស្រី Suzanne បានបញ្ជាក់ទៀតថា តាមពិតទៅគាត់ក៏មានមិត្តប្រុសទាក់ទងគ្នាអស់រយៈពេល៧ឆ្នាំមកហើយ តែពុំមានគំរោងរៀបការជាមួយគ្នាឡើយ ។ ផ្ទុយទៅវិញ គាត់មានគំរោងរៀបការជាមួយនឹងស្វាមីតុក្កតានៅដើមខែមិថុនា នាពេលខាងមុខនេះ ដើម្បីឱ្យមិត្តភក្តិ សាច់ញាតិទទួលស្គាល់ដឹងឮនូវក្រុមគ្រួសារដែលមានសមាជិកខុសពីអ្នកដទៃបែបនេះ» ៕
ចែករំលែកព័តមាននេះ