ប្រភពពីបរទេសនាពេលថ្មីៗនេះ បានបង្ហាញនូវរឿងរ៉ាវមួយដែលសឹងតែមិនគួរឱ្យជឿ ខណៈដែលនារីម្នាក់ឈ្មោះ Ryan Edwards ជាអ្នករស់នៅក្នុងទីក្រុងឡុងដ៍ នៃប្រទេសអង់គ្លេស បានឱ្យគេច្នៃរ៉ូបរៀបការរបស់ខ្លួនខុសប្លែកពីឈុតរបស់កូនក្រមុំដទៃទៀត ពោលគឺបានប្រមូលយកសក់ពីហាងកាត់សក់នានា ដើម្បីយកមកធ្វើជាឈុតរៀបការ ។ នេះ គឺជាឈុតរៀបការដ៏អស្ចារ្យ និងសំខាន់បំផុត
ប្រភពពីបរទេសនាពេលថ្មីៗនេះ បានបង្ហាញនូវរឿងរ៉ាវមួយដែលសឹងតែមិនគួរឱ្យជឿ ខណៈដែលនារីម្នាក់ឈ្មោះ Ryan Edwards ជាអ្នករស់នៅក្នុងទីក្រុងឡុងដ៍ នៃប្រទេសអង់គ្លេស បានឱ្យគេច្នៃរ៉ូបរៀបការរបស់ខ្លួនខុសប្លែកពីឈុតរបស់កូនក្រមុំដទៃទៀត ពោលគឺបានប្រមូលយកសក់ពីហាងកាត់សក់នានា ដើម្បីយកមកធ្វើជាឈុតរៀបការ ។ នេះ គឺជាឈុតរៀបការដ៏អស្ចារ្យ និងសំខាន់បំផុតរបស់នាង Ryan Edwards ។ ស្របពេលជាមួយគ្នានោះ នាង Ryan Edwards បានថតបង្ហោះនូវរ៉ូបរៀបការនៅក្នុងបណ្តាញអិុនធើរណេត ធ្វើឱ្យមានអ្នកពេញចិត្ត និងគាំទ្រយ៉ាងខ្លាំងនូវរ៉ូបរៀបការដែលកម្រនឹងបានជួបប្រទះ នាពេលកន្លងមកនេះ ។
នាង Ryan Edwards បាននិយាយរៀបរាប់ឱ្យដឹងថា «ចំពោះរ៉ូបរៀបការដែលច្នៃឡើងពីសក់នេះ នាងបានពឹងមិត្តរបស់នាងឱ្យជួយរក និងច្នៃម៉ូដយ៉ាងណា ដើម្បីធ្វើឱ្យនាងក្លាយជាកូនក្រមុំដ៏ពិសេសជាងនរណាៗទាំងអស់ ។ ចំណាយពេលគិតមួយរយៈ មិត្តខ្ញុំបានផ្តល់គំនិតថា គួរតែប្រមូលនូវសក់ដែលមានពណ៌ខុសប្លែកពីគ្នា ដើម្បីយកមកដេរភ្ជាប់ជាមួយនឹងក្រណាត់ទៅអាចបង្កើតរ៉ូបមួយដែលមានលក្ខណៈអស្ចារ្យ និងជាទីចាប់អារម្មណ៍ជាក់ជាមិនខាននោះទេ ។ ឮមិត្តភក្តិនិយាយបែបនេះ នាងស្រមៃថារ៉ូបមានសោភ័ណភាពខ្លាំងណាស់ ។ ដូច្នេះនាងក៏បានយល់ស្របទៅតាមគំនិតរបស់មិត្តនាង បន្ទាប់មកមិត្តនាងបានប្រមូលយកសក់ពីហាងកាត់សក់នានា ព្រមទាំងឱ្យមនុស្សចំនួន៨នាក់ជួយច្នៃរ៉ូប ។ អ្នកច្នៃម៉ូដទាំង៨នាក់ បានខិតខំធ្វើការទាំងថ្ងៃទាំងយប់ស្ទើរគ្មានពេលសម្រាក លុះចំណាយពេលតែ១២ថ្ងៃប៉ុណ្ណោះ ក៏បានលេចរូបរាងរ៉ូបរៀបការ» ។
នាង Ryan Edwards បាននិយាយបង្ហាញពីអារម្មណ៍របស់នាងថា «នៅថ្ងៃរៀបការរបស់នាង កាលពីថ្ងៃទី១៧ មីនា ពិតជាបានធ្វើឱ្យនាងក្លាយជាកូនក្រមុំម្នាក់ដ៏មានសម្រស់ស្រស់ស្អាតជាទីបំផុត ពោលគឺប្រៀបបានដូចជាម្ចាស់ក្សត្រីអីុចឹង ។ ជាពិសេស នាថ្ងៃរៀបការនោះនាងមានអារម្មណ៍ទទួលបានសុភមង្គលជាទីបំផុត ព្រោះបណ្តាភ្ញៀវកិត្តិយសទាំងអស់បានសរសើរនាងមិនដាច់ពីមាត់ឡើយ ថា នាងចេះនឹកគិតរកនូវរ៉ូបរៀបការមានម៉ូដស្រស់ស្អាត» ៕
ចែករំលែកព័តមាននេះ