វិធីដ៏វៃឆ្លាតក្នុងការប្រើសារទូរស័ព្ទសម្រាប់អាជីវកម្មរបស់អ្នក

ថ្ងៃទី ១១ ខែ កញ្ញា ឆ្នាំ ២០១៩
ម៉ោង ១៦:៣៨
ណៃ ដាលីន

ការផ្សព្វផ្សាយផលិតផល ឬសេវាកម្មតាមទូរស័ព្ទដៃនៅតែមានប្រសិទ្ធិភាពក្នុងសម័យកាលថ្មីនេះ ហើយការផ្ញើសារតាមទូរស័ព្ទ គឺជាមធ្យោបាយដ៏ល្អមួយ ។ យ៉ាងណាក្តីអាជីកម្មជាច្រើនបានមើលរំលងយុទ្ធសាស្ត្រនេះ ។

ដូច្នេះ ប្រសិនបើអ្នកមិនចង់ខកឱកាសក្នុងការទាក់ទាញអតិថិជនឲ្យបន្តគាំទ្រអាជីវកម្មរបស់អ្នកទេនោះអ្នកគួរតែចាប់ផ្តើមប្រមូលលេខទូរស័ព្ទភ្ញៀវរបស់អ្នក និងសាកល្បងការផ្សព្វផ្សាយអាជីវកម្មតាមសារទូរស័ព្ទដូចខាងក្រោមនេះ ៖

១. ការរំឭកពីការណាត់ជួប ៖ ប្រសិនបើអ្នកប្រកបអាជីវកម្មផ្តល់សេវាកម្មអ្វីមួយ ការប្រើសារ ដើម្បីបញ្ជាក់ការណាត់ជួប ឬជាការរំលឹក គឺជាកត្តាសំខាន់មួយ។ មិនត្រឹមតែវាផ្តល់ភាពងាយស្រួលដល់អ្នកទេ តែវាបង្ហាញថា អ្នកយកចិត្តទុកដាក់នឹងភ្ញៀវថែមទៀត ។

២. ការផ្តល់គូប៉ុងបញ្ចុះតម្លៃ ៖ មនុស្សម្នាក់ៗតែងតែមានទូរស័ព្ទដៃជាប់ខ្លួន ហើយពួកគេឆែកវាមើលជាញឹកញាប់ផងដែរ ។ ដោយហេតុដូច្នេះការចែកគូប៉ុងតាមសារទូរស័ព្ទផ្តល់ឱកាសជោគជ័យច្រើនក្នុងការទាក់ទាញអតិថិជនឲ្យត្រឡប់ទៅកាន់អាជីវកម្មរបស់អ្នកវិញ ។

៣. ផ្តល់ដំណឹង ៖ សារទូរស័ព្ទក៏មានប្រសិទ្ធិភាពដែរ ពេលដែលអ្នកប្រើវា ដើម្បីផ្តល់ដំណឹងផ្សេងៗដល់អតិថិជនដូចជា ការលក់បញ្ចុះតម្លៃ ឬពេលដែលអ្នកមានឥវ៉ាន់ថ្មីចូលស្តុកជាដើម ។ វាមានប្រសិទ្ធិភាព និងមានល្បឿនលឿនជាងមធ្យោបាយផ្សេងៗដូចជា ការផូសលើប្រព័ន្ធសង្គមផងដែរ ។

៤. ផ្តល់សេវាផ្សេងៗ ៖ អ្នកអាចផ្ញើសាររំឭកដល់អតិថិជនជាប្រចាំថា ពួកគេអាចទាក់ទងទៅអ្នកវិញប្រសិនបើមានសំណួរ ឬចម្ងល់ណាមួយ ។ លើសពីនេះទៅទៀត ការផ្ញើសារអាចផ្តល់ឱកាសឲ្យអ្នកប្រមូលមតិពីអតិថិជនផងដែរដូចជា ផ្ញើការស្ទង់មតិផ្សេងៗដើម្បីឲ្យអតិថិជនឆ្លើយតប ៕ កែសម្រួលដោយ ៖ សុឃាក់