ខេត្តកំពង់ធំ ៖ មានករណីក្មេងស្រីអាយុ១២ឆ្នាំម្នាក់បានលង់ទឹកស្រះបណ្តាលឱ្យស្លាប់ ដែលហេតុការណ៍នេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៩និង១០នាទីព្រឹកថ្ងៃទី១០ ខែកញ្ញា ឆ្នាំ២០១៩ ស្ថិតនៅចំណុចស្រះទឹកមួយកន្លែងរបស់ឈ្មោះ ខួង រ៉ែន ភេទប្រុស…
ខេត្តកំពង់ធំ ៖ មានករណីក្មេងស្រីអាយុ១២ឆ្នាំម្នាក់បានលង់ទឹកស្រះបណ្តាលឱ្យស្លាប់ ដែលហេតុការណ៍នេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៩និង១០នាទីព្រឹកថ្ងៃទី១០ ខែកញ្ញា ឆ្នាំ២០១៩ ស្ថិតនៅចំណុចស្រះទឹកមួយកន្លែងរបស់ឈ្មោះ ខួង រ៉ែន ភេទប្រុស អាយុ៤០ឆ្នាំ នៅភូមិរ៉ូង ឃុំក្រវ៉ា ស្រុកបារាយណ៍ ខេត្តកំពង់ធំ ។
ក្មេងស្រីរងគ្រោះដែលស្លាប់ឈ្មោះ លាក់ ភក្ត្រា អាយុ១២ឆ្នាំ រស់នៅភូមិស្លាកែត ឃុំក្រវ៉ា ស្រុកបារាយណ៍ ។
បន្ទាប់ពីទទួលបានព័ត៌មានខាងលើភ្លាម កំលាំងជំនាញស្រុកបារាយណ៍សហការជាមួយប៉ុស្តិ៍នគរបាលរដ្ឋបាលក្រវ៉ា និងអាជ្ញាធរមូលដ្ឋានចុះមកពិនិត្យកន្លែងកើតហេតុ និងធ្វើកោសល្យវិច្ច័យសពក្មេងស្រីរងគ្រោះ ជាលទ្ធផលរកមិនឃើញមានស្លាកស្នាមអ្វីគួរឱ្យកត់សម្គាល់នោះទេ ។
តាមការសន្ឋិដ្ឋានរបស់សមត្ថកិច្ចបានឱ្យដឹងថា ក្មេងស្រីរងគ្រោះពិតជាស្លាប់ដោយលង់ទឹក ស្រះប្រាកដមែន ហើយក៏បានប្រគល់សពអោយក្រុមគ្រួសារយកទៅធ្វើបុណ្យតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ