រាជធានីភ្នំពេញ ៖ បុរសម្នាក់ទើបនឹងចេញពីផឹកស៊ីស្រវឹងខ្លាំងពេកបើករថយន្តទៅមុខលែងរួចឈប់រថយន្តអែបចិញ្ចើមផ្លូវដេកភ្លេចចាក់សោទ្វាររថយន្តត្រូវខ្ទើយ២នាក់ចូលទៅរើកកាយលួចយកកាបូបលុយ និងទូរស័ព្ទអស់ពីខ្លួន។
រាជធានីភ្នំពេញ ៖ បុរសម្នាក់ទើបនឹងចេញពីផឹកស៊ីស្រវឹងខ្លាំងពេកបើករថយន្តទៅមុខលែងរួចឈប់រថយន្តអែបចិញ្ចើមផ្លូវដេកភ្លេចចាក់សោទ្វាររថយន្តត្រូវខ្ទើយ២នាក់ចូលទៅរើកកាយលួចយកកាបូបលុយ និងទូរស័ព្ទអស់ពីខ្លួន។ ហេតុការណ៍នេះបានកើតឡើងកាលពីវេលាម៉ោង៨ និង៣០នាទីយប់ ថ្ងៃទី១៥ មីនា នៅចំណុចមុខចំណតរថយន្តផារ៉ាម៉ោន តាមមហាវិថីម៉ៅសេទុង សង្កាត់បឹងសាឡាង ខណ្ឌទួលគោក។
សាក្សីឃើញហេតុការណ៍បានឱ្យដឹងថា មុនពេលកើតហេតុគេឃើញបុរសម្នាក់បើករថយន្តម៉ុងតេរ៉ូល ពណ៌ស្លែ ពាក់ស្លាកលេខកណ្តាល២A៣៨៥៣ បើកបរក្នុងស្ថានភាពស្រវឹងជោកជាំ ខណៈមកដល់ចំណុចខាងលើបើកទៅមុខលែងរួចបានឈប់រថយន្តអែបចិញ្ចើមផ្លូវដេកលង់លក់ភ្លេចចាក់សោទ្វាររថយន្ត ស្រាប់តែមានខ្ទើយ២នាក់ជិះម៉ូតូម៉ាកអាយខនពណ៌ស មកដល់ឈប់អែបរថយន្ត ហើយចូលទៅក្នុងរថយន្តចាប់ប្រែខ្លួនបុរសជាអ្នកបើករថយន្តលូកយកកាបូបលុយពីក្នុងហោប៉ៅ និងលួចទូរស័ព្ទអស់ហើយបាននាំគ្នាជិះម៉ូតូចេញទៅបាត់អស់ទើបដឹងថា ចោរចូលលួចរបស់របរក្នុងរថយន្ត។
ក្រោយពេលពួកខ្ទើយទាំងនោះចេញបាត់អស់ អ្នកឃើញហេតុការណ៍បានប្តឹងសមត្ថកិច្ចចុះទៅជួយអន្តរាគមន៍ តែត្រូវខ្ទើយលួចរបស់របរអស់ទៅហើយ។ ចំណែកអ្នកបើកបររថយន្តរហូតដល់ម៉ោង១១ និង៣០នាទីយប់ ទើបភ្ញាក់ដឹងខ្លួនបានបើករថយន្តត្រឡប់ទៅផ្ទះវិញ ៕
ចែករំលែកព័តមាននេះ