ខេត្តព្រះវិហារ ៖ កាលពីរសៀលថ្ងៃទី១៥ មីនា ២០១៤ នេះ ក្នុងឱកាសបិទវគ្គសិក្ខាសាលាស្តីពីកម្មវិធីគ្រប់គ្រងប្រព័ន្ធទិន្នន័យភូមិសាស្រ្តតំបន់ត្រីកោណមរកតអនុទន្លេមេគង្គ ដែលមានរយៈពេល៤ថ្ងៃនោះ លោកអ៊ិត ភូម្រា នាយខណ្ឌរដ្ឋបាលព្រៃឈើខេត្តព្រះវិហារជាគ្រូបង្គោល បានផ្តាំផ្ញើដល់ សិក្ខាកាមទាំង៣ប្រទេស ដែលជាប្រទេសជាប់ព្រំដែនគ្នា ត្រូវយកចំណេះដឹងទាំងអស់ទៅអនុវត្តឱ្យបាន និងធ្វើយ៉ាងណាសហប្រតិបត្តិការគ្នាល្អ ក្នុងការគ្រប់គ្រងព្រៃឈើក្នុងតំបន់ត្រីកោណមរកតនៃអនុតំបន់មេគង្គ ដែលជាព្រំប្រទល់ជាប់គ្នា៣ប្រទេសខាងលើ ។
ក្នុងពិធីសិក្ខាសាលាខាងលើនេះ ក៏បានចែកសញ្ញាបត្រដល់សិក្ខាកាមជាង៥០នាក់ នឹងដាំកូនឈើក្នុងបរិវេណខណ្ឌរដ្ឋបាលព្រៃឈើព្រះវិហារថ្មីទុកជាអនុស្សាវរីយ៍ផងដែរ ។
គួរបញ្ជាក់ថា ប្រទេសក្នុងអាស៊ាន៣ គឺកម្ពុជា-ឡាវ-ថៃ បានបើកសិក្ខាសិលាមួយស្តីពីកម្មវិធីគ្រប់គ្រងប្រព័ន្ធទិន្នន័យភូមិសាស្រ្តរយៈពេល៤ថ្ងៃ លើតំបន់ត្រីកោណមរកតអនុទន្លេមេគង្គ ដែលពុំធ្លាប់មាន ចាប់ពីថ្ងៃទី១១-១៥ មីនា ២០១៤ ដោយវគ្គសិក្ខាសាលានេះធ្វើឡើងក្រោមការឧបត្ថម្ភរបស់ម្ចាស់ជំនួយអង្គការ ITTO, អង្គការ JICA និងម្ចាស់គម្រោងអន្តរជាតិនានាជាច្រើនទៀត ស្តីពីការរៀបចំបង្កើតគំរូទិន្នន័យតាមប្រព័ន្ធព័ត៌មានភូមិសាស្រ្ត សម្រាប់ព្យាករណ៍ និងវាយតម្លៃការប្រើប្រាស់ដីព្រៃឈើក្នុងតំបន់អនុមេគង្គ ត្រូវបានបញ្ចប់ ក្នុងនោះដោយសិក្ខាកាម បានក្រេបជញ្ជក់នូវចំណេះដឹងជាច្រើន និងបទពិសោធន៍ ដើម្បីយកទៅអនុវត្តដែលមានប្រទេសជាសមាជិកអាស៊ាន កម្ពុជា ថៃ និងឡាវ ដែលជាប្រទេសជាប់ព្រំដែនគ្នា ។
ចែករំលែកព័តមាននេះ