ខេត្តបាត់ដំបង ៖ ដោយសារតូចចិត្តនឹងជំងឺប្រចាំកាយ នាងក្រមុំម្នាក់បានចុះមុជទឹកសម្លាប់ខ្លួនរហូតបានសម្រេចនៅលើកទី៤ កាលពីល្ងាចថ្ងៃទី១៣ មីនា នៅក្នុងស្ទឹងសង្កែ ក្នុងភូមិវត្តលៀប សង្កាត់ចំការសំរោង ក្រុងបាត់ដំបង បន្ទាប់ពីព្យាយាមប៉ងសម្លាប់ខ្លួន៣លើកកន្លងមកមិនបានដូចបំណង។
ខេត្តបាត់ដំបង ៖ ដោយសារតូចចិត្តនឹងជំងឺប្រចាំកាយ នាងក្រមុំម្នាក់បានចុះមុជទឹកសម្លាប់ខ្លួនរហូតបានសម្រេចនៅលើកទី៤ កាលពីល្ងាចថ្ងៃទី១៣ មីនា នៅក្នុងស្ទឹងសង្កែ ក្នុងភូមិវត្តលៀប សង្កាត់ចំការសំរោង ក្រុងបាត់ដំបង បន្ទាប់ពីព្យាយាមប៉ងសម្លាប់ខ្លួន៣លើកកន្លងមកមិនបានដូចបំណង។
សមត្ថកិច្ចនិយាយថា នាងក្រមុំនោះឈ្មោះធា ជូពីន អាយុ១៨ឆ្នាំ រស់នៅក្នុងភូមិសង្កាត់ខាងលើ។ នាងបានធ្វើអត្តឃាតសម្លាប់ខ្លួន ដោយប្រើវិធីចុះមុជទៅក្នុងទឹកជ្រៅ ក្នុងស្ទឹងសង្កែ ដែលសាច់ញាតិមិនបានដឹងមុន។ សមត្ថកិច្ចបន្តថា អ្នកភូមិបានប្រទះឃើញសកម្មភាពរបស់នាង ពេលដើរចុះទៅក្នុងស្ទឹង តែគ្មានអ្នកណាបានដឹងថា នាងប្រើវិធីនេះដើម្បីធ្វើអត្តឃាតនោះទេ លុះពេលបាត់នាងយូរមិនឃើញឡើងពីក្នុងស្ទឹង ទើបដឹងថា នាងមុជទឹកសម្លាប់ខ្លួន និងភ្ញាក់ផ្អើលដល់សាច់ញាតិតែម្ដង។
នៅកន្លែងកើតហេតុក្រុមគ្រួសារជនរងគ្រោះបាននិយាយថា នាងធា ជូពីន មានជំងឺប្រចាំកាយ ពិសេសនាងកើតរោគសរសៃប្រសាទផង។ ពីសាច់ញាតិដដែលបញ្ជាក់ថា នាងបានព្យាយាមធ្វើអត្តឃាតចំនួន៣លើកកន្លងមកហើយតែមិនបានសម្រេច ដោយសារតែបងប្អូនជួយសង្រ្គោះទាន់។ ក្រោយមកបងប្អូនតែងតាមឃ្លាំមើលសកម្មភាពនាងជាប្រចាំ ក្រែងនាងធ្វើអត្តឃាត តែលើកនេះគ្រាដែលបងប្អូនភ្លេចខ្លួនមួយភ្លែត នាងចុះមុជទឹករហូតដល់ស្លាប់។ សាច់ញាតិរបស់នាងបានបន្ថែមថា ក្រោយពីដឹងថា នាងពីន ចុះមុជទឹកបាត់មិនឃើញងើប ពួកគេ រួមទាំងអ្នកភូមិជាច្រើននាក់ផងបានចុះមុជទឹករាវរកនាង ហើយក៏ប្រទះឃើញនាងភ្លាមៗដែរ តែនាងបានដាច់ខ្យល់ស្លាប់ទៅហើយ បើទោះជាមនុស្សជាច្រើនបានព្យាយាមជួយសង្រ្គោះយ៉ាងក្ដី ៕
ចែករំលែកព័តមាននេះ