ក្រុងប៉ូវ៉េន ស្ថិតនៅភាគខាងជើង ប្រទេសអូស្ត្រាលី ត្រូវចោរលួចរូបសំណាកស្វាយយក្សទម្ងង់៧តោន ដែលជានិមិត្តរូប និងជាប្រភពទាក់ទាញទេសចរដ៏សំខាន់របស់ទីក្រុង ។ អ្នកលួចស្វាយយក្សនោះ គឺភោជនីយដ្ឋានមួយ ។ សារព័ត៌មានបរទេសកាលពីថ្ងៃទី២៥ កុម្ភៈ ឆ្នាំ២០១៤ ផ្សាយថា «ណាដូ» ជាភោជនីយដ្ឋានដ៏ល្បីនៅអូស្ត្រាលី បានជាប់ពាក់ព័ន្ធនឹងការបាត់រូបសំណាកស្វាយយក្សទម្ងន់៧តោន និងកម្ពស់១០ម៉ែត្រ របស់ទីក្រុងប៉ូវ៉េន ភាគខាងជើងប្រទេសអូស្ត្រាលី ។
កាលពីវេលារំលងអធ្រាត្រថ្ងៃទី២៤ កុម្ភៈ ស្វាយយក្សរបស់ទីក្រុង ដែលបង្កើតទ្បើងតាំងពីឆ្នាំ២០០២មកនោះ ត្រូវចោរលួចបាត់ ធ្វើឱ្យអាជ្ញាធរភ្ញាក់ផ្អើលយ៉ាងខ្លាំង ។ ស្វាយយក្សនោះ គឺជានិមិត្តរូបរបស់ក្រុងប៉ូវ៉េន ព្រោះជាក្រុងប្រភពដំណាំស្វាយរបស់អូស្ត្រាលី ។
ភោជនីយដ្ឋានណាដូ សារភាពថា ការលាក់រូបសំណាកស្វាយយក្សនោះពិបាកបំផុត ព្រោះវាមានទំហំធំ ។
ពួកគេបានលាក់នៅក្បែរកន្លែងដើម និងប្រើសម្បកកង់ត្រាក់ទ័រ ធំៗចំនួន២ ដើម្បីទ្រទម្ងន់ ព្រមទាំងគ្របក្រណាត់ ។ ទោះជាយ៉ាងណាក្តី ភោជនីយដ្ឋាននឹងយកស្វាយយក្សនោះ ដាក់នៅកន្លែងដើមវិញក្នុងពេលឆាប់ៗខាងមុខ ៕
ចែករំលែកព័តមាននេះ