ខេត្តកំពង់ធំ ៖ មិនខុសពីពាក្យចាស់លោកពោលថា ត្រីងៀតឆ្លៀតពងនោះទេ រថយន្តយីឌុបម៉ាកហ៊ីយ៉ាន់ដាយ(ភ្លៅ៥)ក្បាលពណ៌សរ ទ្រុងពណ៌ត្រួយចេក ពាក់ផ្លាកលេខ កំពង់ចាម 3A-3330ដឹកស្រូវ លួចដាក់បង្កប់ឈើគ្រញូង១គ្រឿង ព្រះមិនជួយជាប់អន្ទាក់សមត្ថកិច្ច កាលពីវេលាម៉ោង៨និង៤៥នាទីយប់ ថ្ងៃទី១២ ខែមីនា ឆ្នាំ២០១៤ នៅចំណុចភូមិស្រយ៉ូវ សង្កាត់ស្រយ៉ូវ
ខេត្តកំពង់ធំ ៖ មិនខុសពីពាក្យចាស់លោកពោលថា ត្រីងៀតឆ្លៀតពងនោះទេ រថយន្តយីឌុបម៉ាកហ៊ីយ៉ាន់ដាយ(ភ្លៅ៥)ក្បាលពណ៌សរ ទ្រុងពណ៌ត្រួយចេក ពាក់ផ្លាកលេខ កំពង់ចាម 3A-3330ដឹកស្រូវ លួចដាក់បង្កប់ឈើគ្រញូង១គ្រឿង ព្រះមិនជួយជាប់អន្ទាក់សមត្ថកិច្ច កាលពីវេលាម៉ោង៨និង៤៥នាទីយប់ ថ្ងៃទី១២ ខែមីនា ឆ្នាំ២០១៤ នៅចំណុចភូមិស្រយ៉ូវ សង្កាត់ស្រយ៉ូវ ក្រុងស្ទឹងសែន ។
យោងតាមពត៌មានពីសមត្ថកិច្ចជំនាញបានឲ្យដឹងថា បន្ទាប់ពីបានទទួលព័ត៌មានសម្ងាត់ ពីបណ្តាញរាយការណ៏មកថាមានរថយន្តម៉ាកហ៊ីយ៉ាន់ដាយ យីឌុប(ភ្លៅ៥) ដឹកស្រូវ១គ្រឿងខាងលើ លួចដាក់បង្កប់ឈើគ្រញូងនោះ កំពុងតែធ្វើចរាចរណ៏ដឹកជញ្ជូនឈើក្រញូង ចេញមកពីខេត្តសៀមរាប ឆ្លងកាត់ខេត្តកំពង់ធំ ឆ្ពោះទៅកាន់ខេត្តកំពង់ចាម ដោយមានការអនុញ្ញាតិពីលោក ប៉ែន សារ៉ាត ព្រះរាជអាជ្ញាអមសាលាតំបូងខេត្ត កំលាំងមន្រ្តីផ្នែករដ្ឋបាលព្រៃឈើស្ទោង និង សង្កាត់រដ្ឋបាលព្រៃឈើកំពង់ស្វាយរួមសហការគ្នា ជាមួយកងកម្លាំងទាំងបី មាននគរបាល កងរាជអាវុធហត្ថ សឹករងកំពង់ធំ ចុះបង្ក្រាបបទល្មើសឈើក្រញូងនេះបាននៅចំនុច ភូមិឃុំកើហេតុខាងលើ។
អ្នកបើកបរចុះរត់គេចខ្លួនបាត់ស្រមោលព្រលឹងចុងសក់ទាំងយប់កម្លាំងយើងក៏បាននាំយករថយន្តខាងលើមកកាន់ ផ្នែករដ្ឋបាលព្រៃឈើស្ទោង លុះដល់ព្រឹកថ្ងៃទី១៣ ខែមីនាឆ្នាំ២០១៤ ដោយមានការចូលរួមពីលោកព្រះរាជអាជ្ញាទើបធ្វើការរើស្រូវចេញ យកឈើក្រញូងមកវាស់វែងមាន ចំនួន១៨៧ដុំ ទម្ងន់ ១២៧៥គីឡូក្រាម ស្មើនឹង ១,០៦២ ម៉ែត្រគូប យកមករក្សាទុក ដើម្បីចាត់ការទៅតាមផ្លូវច្បាប់ ។
ចែករំលែកព័តមាននេះ