ខេត្តព្រះវិហារ ៖ ប្រភពពីមន្ត្រីរាជការនៃមន្ទីរហិរញ្ញវត្ថុខេត្តព្រះវិហារ បានឱ្យកោះសន្តិភាពដឹងថា លោក មាស រដ្ឋាវុឌ្ឍ ប្រធានមន្ទីរហិរញ្ញវត្ថុខេត្តព្រះវិហារ កាលពីថ្ងៃទី១២ មីនា ២០១៤ ម្សិលមិញនេះ បានប្រកាសចូលនិវត្តន៍មុនកាលកំណត់ ដែលតាមគម្រោងគឺលោកចូលនិវត្តន៍នៅខែកញ្ញា ២០១៤ ខាងមុខនេះ ។
ខេត្តព្រះវិហារ ៖ ប្រភពពីមន្ត្រីរាជការនៃមន្ទីរហិរញ្ញវត្ថុខេត្តព្រះវិហារ បានឱ្យកោះសន្តិភាពដឹងថា លោក មាស រដ្ឋាវុឌ្ឍ ប្រធានមន្ទីរហិរញ្ញវត្ថុខេត្តព្រះវិហារ កាលពីថ្ងៃទី១២ មីនា ២០១៤ ម្សិលមិញនេះ បានប្រកាសចូលនិវត្តន៍មុនកាលកំណត់ ដែលតាមគម្រោងគឺលោកចូលនិវត្តន៍នៅខែកញ្ញា ២០១៤ ខាងមុខនេះ ។
ប្រភពបានទម្លាយឱ្យដឹងទៀតថា ការណ៍ដែលលោកប្រធានមន្ទីរហិរញ្ញវត្ថុខេត្ត ប្រកាសចូលនិវត្តន៍មុនកាលកំណត់បែបនេះ គឺដើម្បីរត់ការឱ្យកូនប្រសាឈ្មោះ មុំ សុធារ៉ា ភេទប្រុស អាយុ៣៦ឆ្នាំ ដែលបច្ចុប្បន្នជាមន្ត្រីរាជការបម្រើការងារនៅរតនាគារជាតិឡើងជំនួស ។ ប្រភពបញ្ជាក់បន្ថែមថា ទង្វើដែលលោកប្រធានមន្ទីរហិរញ្ញវត្ថុខេត្តនេះ បានធ្វើឱ្យអនុប្រធានមន្ទីរហិរញ្ញវត្ថុខេត្ត០៣នាក់ និងមន្ត្រីរាជការមួយចំនួនមិនសប្បាយចិត្ត ។
យ៉ាងណាក៏ដោយ នៅព្រឹកថ្ងៃទី១៣ មីនា ២០១៤ កោះសន្តិភាពមិនទាន់អាចទំនាក់ទំនង សុំការបំភ្លឺពីលោក មាស រដ្ឋាវុឌ្ឍ ប្រធានមន្ទីរហិរញ្ញវត្ថុខេត្តព្រះវិហារ ជុំវិញការចោទប្រកាន់ទាំងអំបាលម៉ានខាងលើ ៕
ចែករំលែកព័តមាននេះ