ខេត្តស្វាយរៀង ៖ នារីម្នាក់ដែលមានផ្ទៃពោះ៧ខែទៅហើយ ត្រូវបុរសតណ្ហាក្រាស់ជាឪពុកមាសាច់ថ្លៃឈ្មោះ ជា សារ៉ាន គំនិតថោក ចាប់រំលោភរហូតបានសម្រេច និងធ្វើឱ្យសាច់ញាតិនារីរងគ្រោះមានការក្តៅក្រហាយ និងរងភាពអាម៉ាសដែលមិនគួរកើតរឿងអាស្រូវគួរឱ្យស្អប់ខ្ពើមនេះ ។ រឿងរ៉ាវនេះ បានកើតឡើងកាលពីថ្ងៃទី១០ មីនា វេលាម៉ោង៧និង៣០នាទីព្រឹក ខណៈនារីរងគ្រោះនៅក្នុងផ្ទះរបស់នាងតែម្នាក់ឯងក្នុងឃុំពពែត ស្រុកស្វាយទាប ។
ម្តាយស្ត្រីរងគ្រោះ បានឱ្យដឹងថា កូនស្រីគាត់អាយុ២៣ឆ្នាំ មានផ្ទៃពោះ៧ខែហើយ ខណៈនៅផ្ទះម្នាក់ឯង ក៏ត្រូវឪពុកមាសាច់ថ្លៃឈ្មោះ ជា សារ៉ាន អាយុ៣៥ឆ្នាំ ដែលមានប្រពន្ធ និងកូន៤នាក់ ចាប់រំលោភ ។ ដោយសារតែការប្រព្រឹត្តអំពើដ៏គម្រក់នេះ ប្តីនាងក៏បានប្តឹងទៅនគរបាលប៉ុស្តិ៍រដ្ឋបាលឃុំពពែត ឱ្យចាប់ខ្លួន ។ នារីរងគ្រោះនិយាយទាំងទឹកភ្នែកថា ដោយមានជីវភាពក្រីក្រ ប្តីរបស់នាងនិងឪពុកម្តាយបានទៅស៊ីឈ្នួលកាប់អំពៅឱ្យគេនៅព្រំដែនវៀតណាមជារៀងរាល់ថ្ងៃ ហើយនៅថ្ងៃទី១០ មីនា នោះ វេលាម៉ោង៦និង៣០នាទីព្រឹកនាងនៅចាំផ្ទះម្នាក់ឯង ពេលនោះជនល្មោភកាមកិលេសជាឪពុកមាសាច់ថ្លៃដែលមានផ្ទះនៅជិតគ្នា ឃើញឱកាសល្អក៏ចូលទៅចាប់នាងរំលោភរហូតបានសម្រេច ហើយគំរាមថា បើនាងហ៊ាននិយាយប្រាប់ឪពុកម្តាយនិងប្តី គេនឹងសម្លាប់ចោល ។
ស្ត្រីជាម្តាយបន្តទៀតថា នៅម៉ោង៧និង៣០នាទីយប់ ថ្ងៃទី១០ មីនា ទើបប្តីនិងឪពុកម្តាយត្រឡប់មកដល់ផ្ទះឃើញប្រពន្ធ-កូនស្រី អង្គុយយំ ក៏សួរនាំទើបនាងប្រាប់ពីការចាប់រំលោភ នេះ ។ ពេលនោះរូបគាត់ជាឪពុកម្តាយនិងកូនប្រសាស្រឡាំងកាំង ហួសចិត្ត ក៏ទៅប្តឹងនគរបាលប៉ុស្តិ៍រដ្ឋបាលឃុំពពែតឱ្យចាប់ខ្លួននៅវេលាម៉ោង៨និង៣០នាទីយប់ ថ្ងៃដដែល ។ នៅចំពោះមុខនគរបាល ជនគំរក់នេះបានសារភាពថា ខ្លួនពិតជាបានចាប់រំលោភប្រាកដមែន ព្រោះគេចង់រួមភេទពេញបន្ទុក តែមិនអាចទៅរួចដោយសារប្រពន្ធមានជំងឺជាយូរខែមកហើយ ពុំអាចរួមភេទបាន ។
ពេលកំពុងពុះកញ្ជ្រោលខ្លាំង ស្រាប់តែឃើញក្មួយអង្គុយនៅមុខផ្ទះម្នាក់ឯង ក៏ចូលទៅចាប់អូសចូលក្នុងផ្ទះរំលោភតែម្តង ។ នៅថ្ងៃទី១២ មីនា វេលាម៉ោង១២ថ្ងៃត្រង់ សាលាដំបូងខេត្តបានចេញដីកាឃុំខ្លួនជនឈ្មោះ ជា សារ៉ាន នេះ ជាបណ្តោះអាសន្ននៅពន្ធនាគារខេត្ត ៕
ចែករំលែកព័តមាននេះ