រាជធានីភ្នំពេញ ៖ បុរសម្នាក់បានឆបោកម៉ូតូមួយគ្រឿងម៉ាកគប់ព៌ណទឹកប្រាក់ពីមិត្តភក្តិរបស់ខ្លួនយកទៅលក់បាត់ ហើយត្រូវជនរងគ្រោះទូរស័ព្ទណាត់ជួប ក៏ធ្វើការឃាត់ខ្លួនបាន កាលពីវេលាម៉ោង១០ និង១៥នាទីព្រឹកថ្ងៃទី១២ មីនា ២០១៤ នេះ ស្ថិតក្នុងសង្កាត់អអូឡាំពិក ខណ្ឌចំការមន។
រាជធានីភ្នំពេញ ៖ បុរសម្នាក់បានឆបោកម៉ូតូមួយគ្រឿងម៉ាកគប់ព៌ណទឹកប្រាក់ពីមិត្តភក្តិរបស់ខ្លួនយកទៅលក់បាត់ ហើយត្រូវជនរងគ្រោះទូរស័ព្ទណាត់ជួប ក៏ធ្វើការឃាត់ខ្លួនបាន កាលពីវេលាម៉ោង១០ និង១៥នាទីព្រឹកថ្ងៃទី១២ មីនា ២០១៤ នេះ ស្ថិតក្នុងសង្កាត់អអូឡាំពិក ខណ្ឌចំការមន។
ប្រភពបានឱ្យដឹងថា បុរសដែលជាជនសង្ស័យឈ្មោះប៉េង វុត្ថា អាយុ២៦ឆ្នាំ មានទីលំនៅក្នុងភូមិសាមគ្គីទី៣ ក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ ។ ចំណែកជនរងគ្រោះឈ្មោះគង់ តុលា អាយុ២៤ឆ្នាំ មានទីលំនៅក្នុងភូមិដំបូល សង្កាត់កំបូល ខណ្ឌពោធិ៍សែនជ័យ ។
បើតាមសម្តីរបស់ស្រ្តីម្នាក់ឈ្មោះគង់ សុជាតិ អាយុ២៣ឆ្នាំ ជាប្អូនស្រី របស់ជនរងគ្រោះបានឱ្យដឹងថា កាលព្រឹកថ្ងៃទី១២នេះ ខ្លួនបានព្យាយាមតាមរក និងទូរស័ព្ទទៅឈ្មោះប៉េង វុត្ថា ដើម្បីសួររកម៉ូតូ ហើយក៏ត្រូវបានជនសង្ស័យរូបនេះប្រាប់ថា រូបគេកំពុងតែស្នាក់នៅភ្នំពេញ ។ ប្រភពបន្តទៀតថា លុះមកដល់ភ្នំពេញ រូបគេនិងបងប្រុសក៏បានធ្វើការណាត់ជួបនៅខាងមុខវត្តមហាមន្រ្តី លុះបន្តិចក្រោយមក ក៏បានឃើញជនសង្ស័យរូបនេះ ដើរចេញមកពីក្នុងវត្ត រួមទាំងស្រ្តីម្នាក់ផង ។
ការសួរនាំទៅជនសង្ស័យរកម៉ូតូ ក៏ត្រូវគេឆ្លើយប្រាប់ថា បានលក់បាត់ហើយ ហើយក៏បានឃាត់ខ្លួនជននោះយកទៅប្រគល់នគរបាលតែម្តង ដោយបងប្រុសរបស់គេបានដាក់ពាក្យបណ្តឹងនៅឯប៉ុស្តិ៍កំបូលរួចហើយ។
ចែករំលែកព័តមាននេះ