បុរសដែលស្លាប់ហើយរស់ឡើងវិញ ស្លាប់ម្តងទៀតហើយ
ខេត្តស្វាយរៀង ៖ បើតាមសេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាព បានឱ្យដឹងថា បុរសដែលស្លាប់ហើយរស់ឡើងវិញ បានស្លាប់ម្តងទៀតហើយ នៅវេលាម៉ោង១រសៀលថ្ងៃទី១២ មីនា ២០១៤នេះ ។
ខេត្តស្វាយរៀង ៖ បើតាមសេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាព បានឱ្យដឹងថា បុរសដែលស្លាប់ហើយរស់ឡើងវិញ បានស្លាប់ម្តងទៀតហើយ នៅវេលាម៉ោង១រសៀលថ្ងៃទី១២ មីនា ២០១៤នេះ ។
គួររំលឹកថា កាលពីវេលាម៉ោង៨ព្រឹកថ្ងៃទី១៥ កុម្ភៈ កន្លងមក នៅភូមិទួលអង្គប់ ឃុំសំបួរ ស្រុកស្វាយទាបមានការភ្ញាក់ផ្អើលមួយយ៉ាងខ្លាំង ទាំងលោកអាចារ្យ និងអ្នកភូមិបណ្តាលមកពីបុរសម្នាក់ដែលស្លាប់រយៈពេល២យប់៣ថ្ងៃ ទៅហើយ លុះរៀបលើកដាក់ក្នុងក្តារមឈូស ស្រាប់តែបើកភ្នែកលើកដៃសំពះធ្វើឱ្យលោកអាចារ្យ ក្រុមគ្រួសារ និងអ្នកភូមិដែលមកចូលរួមបុណ្យសពភ័យខ្លាចផ្អើលរត់ចេញប្រសាច ព្រោះស្មានថាខ្មោចលង តាមពិតមនុស្សស្លាប់ហើយរស់ឡើងវិញ ។
បើតាមស្ត្រីឈ្មោះអឹម ធីតា អាយុ៣៧ឆ្នាំ ជាប្រពន្ធបុរសដែលស្លាប់ ហើយរស់ឡើងវិញ នេះ បានរៀបរាប់ទាំងទឹកភ្នែកថា ប្តីរបស់គាត់ឈ្មោះងួន សៅ អាយុ៣៧ឆ្នាំ ជាកម្មកររោងចក្រ នៅក្រុងបាវិត បានចាប់ដៃគ្នាជាប្តីប្រពន្ធជាង១០ឆ្នាំ មកហើយ និងមានកូន៣នាក់ (ស្រីម្នាក់) ជាចំណងដៃ ហើយដោយជីវភាពក្រីក្រ ក៏ចូលធ្វើការនៅរោងចក្រទាំងពីរនាក់ប្តីប្រពន្ធ ។ មកដល់ពាក់កណ្តាលខែមករា ឆ្នាំ២០១៤ ប្តីគាត់មានជំងឺនៅប្រដាប់ភេទ ឡើងកន្ទួលក្រហមពងដូចជាបូស ប៉ុន្តែពុំហ៊ានឈប់សម្រាកទេ នៅតែខំប្រឹងទៅធ្វើការរហូតដល់មានសភាពធ្ងន់ធ្ងរ ទើបសុំឈប់សម្រាកដើម្បីព្យាបាល ក៏ប៉ុន្តែដោយគ្មានប្រាក់ ព្រោះពុំទាន់បើកប្រាក់ខែ ក៏ទ្រាំព្យាបាលនៅផ្ទះ ។ ការព្យាបាលនៅផ្ទះអស់រយៈពេល៣ថ្ងៃពុំបានធូរស្រាលសោះ ដោយជំងឺកាន់តែធ្ងន់ធ្ងរ ក៏បញ្ជូនទៅមន្ទីរពេទ្យ ក៏ប៉ុន្តែពេលក្រុមគ្រូពេទ្យពិនិត្យហើយមិនហ៊ានទទួលព្យាបាល ក្រុមគ្រួសារក៏បញ្ជូនបន្តទៅព្យាបាលនៅមន្ទីរពេទ្យមិត្តភាព ខ្មែរ-សូវៀត នៅឯរាជធានីភ្នំពេញទៀត។
ចែករំលែកព័តមាននេះ