ខេត្តសៀមរាប៖​ មន្រ្តីសាលាខេត្តសៀមរាប​មួយចំនួនបានធ្វើការរិះគន់​ការយករូបសំណាក​អ្នកតាចិនមកដាក់ពី​មុខសាលប្រជុំរបស់សាលាខេត្ត ​ដែលមិនមែនជា​លក្ខណៈព្រះពុទ្ឋសាសនា ។

បើតាមអ្នកឆ្លើយឆ្លង​ព័ត៌មាន​កោះសន្តិភាព​បានស្រង់សម្តីមន្រ្តីរាជការ​បញ្ជាក់ឲ្យដឹងទៀតថា ​រូបសំណាកអ្នកតាចិននេះ​ បានត្រូវគេលើកយកមកដាក់​ប្រមាណ៤ទៅ៥ខែមកហើយ​ ចាប់តំាងពី​ការផ្លាស់ប្តូរ​ទីតំាងសាលា​ខេត្តមកនោះ ។

មន្រ្តីរាជការបានបន្តថា ​នេះជាលើកដំបូងហើយ​ដែលឃើញ​មានការដាក់រូបសំណាកអ្នកតាចិន​នៅក្នុងបរិវេណសាលាខេត្ត ​ជាពិសេសនៅចំពីមុខសាលប្រជុំតែម្តង ដែលពីមុនៗថ្នាក់ដឹកនំា​ខេត្តមិនដែលយក​រូប​សំណាក​អ្នកតាចិន​មកដាក់តំាងនោះទេ ​មានតែដាក់រូបសំណាក​ព្រះបាទជ័យវរ្ម័នទី៧​ជាដើម ។

យ៉ាងណាក៏ដោយ​ទាក់ទៅនឹងការរិះគន់នេះ​ លោក ឃឹម ប៊ុនសុង​ អភិបាលនៃ​គណៈអភិបាលខេត្តសៀមរាបបានថ្លែងថា​ លោកមិនបានដឹង​ និង មិនបានចាប់អារម្មណ៏ថា​មានការដាក់រូបសំណាក​​អ្នកតា​ចិន​នោះទេ ​លោកនឹងពិនិត្យមើល​រឿងនេះឡើងវិញ ៕