រាជធានីភ្នំពេញ ៖ យោងតាមលិខិតចុងក្រោយមួយដែលចេញផ្សព្វផ្សាយដោយ ខុទ្ទកាល័យរបស់គណបក្សសម រង្ស៊ី កាលពីថ្ងៃទី២៩ មិថុនា ឆ្នាំ២០១០ បានឱ្យដឹងថា គណបក្សសម រង្ស៊ី សំរេចតាមគោលជំហរ របស់លោកស្រីមូរ សុខហួរ ដែលថា មិនព្រម បង់ប្រាក់ពិន័យចំនួន៨,៥លានរៀល ទៅឱ្យ រតនាគាររាជធានីភ្នំពេញទេ ។
រាជធានីភ្នំពេញ ៖ យោងតាមលិខិតចុងក្រោយមួយដែលចេញផ្សព្វផ្សាយដោយ ខុទ្ទកាល័យរបស់គណបក្សសម រង្ស៊ី កាលពីថ្ងៃទី២៩ មិថុនា ឆ្នាំ២០១០ បានឱ្យដឹងថា គណបក្សសម រង្ស៊ី សំរេចតាមគោលជំហរ របស់លោកស្រីមូរ សុខហួរ ដែលថា មិនព្រម បង់ប្រាក់ពិន័យចំនួន៨,៥លានរៀល ទៅឱ្យ រតនាគាររាជធានីភ្នំពេញទេ ។
ការប្រកាសរបស់គណបក្សសម រង្ស៊ី បាន ធ្វើឡើងបន្ទាប់ពីការពិភាក្សាគ្នារបស់ថ្នាក់ដឹកនាំគណបក្សនេះថា លោកស្រីមូរ សុខហួរ នៅ តែប្រកាន់ជំហរមិនព្រមបង់ប្រាក់ពិន័យទៅឱ្យរតនាគារតាមជំហររបស់លោកស្រីដដែល។កាលពីពេលថ្មីៗនេះ អ្នកនាំពាក្យស្ដីទី លោកគឹម សួរភីរិទ្ធ បានប្រាប់អ្នកកាសែតថា គណបក្សបានពិចារណានឹងបង់ប្រាក់ពិន័យ នេះក្នុងគោលបំណងសំរួលផ្នែកនយោបាយ តែវាក៏អាស្រ័យលើលោកស្រីមូរសុខហួរ ដែរ។ លោកគឹម សួរភីរិទ្ធ បានថ្លែងថា ពេល នេះគណបក្សបានសំរេចថា មិនបង់ប្រាក់នោះ ទេ ។ ការសំរេចនេះវាអាស្រ័យលើឆន្ទៈរបស់ បុគ្គលលោកស្រីមូរ សុខហួរ ខ្លួនគាត់ ព្រោះ គាត់នៅតែប្រកាន់ជំហរប្រឈមនឹងសាល ដីការបស់តុលាការដដែល ដូចអ្វីដែលគាត់ បានសំរេចពីមុន ។ កាលពីពេលថ្មីៗនេះ គណបក្សចង់ជួយបង់ប្រាក់ពិន័យនេះ តែ ដោយមានការប្រជុំផ្ទៃក្នុងរបស់បក្ស គឺគណ បក្សបានសំរេចតាមគោលបំណងរបស់លោកស្រីមូរ សុខហួរ ។
លោកកែ ប៊ុនឡេង ប្រធានរតនាគាររាជ ធានីភ្នំពេញ បានប្រាប់កោះសន្ដិភាពតាមទូរ ស័ព្ទថា បើដល់ពេលកំណត់ហើយ លោកស្រី មូរ សុខហួរ នៅតែមិនព្រមបង់ប្រាក់ពិន័យ ទេ រតនាគារនឹងជូនដំណឹងទៅតុលាការវិញ តាមនីតិវិធីនៃច្បាប់ព្រហ្មទណ្ឌថ្មី ។ កាលពីថ្ងៃ ទី១៧ មិថុនា ឆ្នាំ២០១០ រតនាគាររាជធានី ភ្នំពេញបានចេញលិខិតជូនដំណឹងឱ្យលោក ស្រីមូរ សុខហួរ បង់ប្រាក់ពិន័យចំនួន៨,៥ លានរៀល ចូលថវិការដ្ឋ ក្នុងសំណុំរឿងក្ដីបទ បរិហារកេរ្ដិ៍សម្ដេចហ៊ុន សែន នាយករដ្ឋមន្ដ្រី តាមសាលដីកាតុលាការកំពូល ។
តុលាការកំពូលបានសំរេចឱ្យលោកស្រីមូរ សុខហួរ បង់ប្រាក់ពិន័យចំនួន៨,៥លានរៀល ឱ្យទៅរតនាគារជាតិ និង៨លានរៀលជា សំណងជំងឺចិត្ដដល់ភាគីដើមបណ្ដឹងសម្ដេច ហ៊ុន សែន នាយករដ្ឋមន្ដ្រី ក្នុងសំណុំរឿងបទ បរិហារកេរ្ដិ៍សម្ដេចនាយករដ្ឋមន្ដ្រី ។យោងតាមច្បាប់ លោកស្រីមូរ សុខហួរ អាចប្រឈមនឹងការបង្ខំឱ្យបង់ប្រាក់ពិន័យ និងប្រាក់សំណងជំងឺចិត្ដ ឬចាប់ខ្លួនដាក់ពន្ធនា គារអាចមានរយៈពេល៦ខែ ។ យោងតាម ច្បាប់ព្រហ្មទណ្ឌ តុលាការអាចរឹបអូសទ្រព្យ សម្បត្ដិអចលនវត្ថុរបស់លោកស្រីទៅតាម ការកំណត់នៃច្បាប់៕
ចែករំលែកព័តមាននេះ