រូបភាពប្លែកៗមួយចំនួនគួរឱ្យចាប់អារម្មណ៍
១-រូបសំណាកមឹកយក្សរៀបផ្គុំពីផ្លែក្រូច
កម្មកររៀបផ្គុំត្រីមឹកយក្សត្រៀមសម្រាប់ប្រារព្ធពិធីផ្លែក្រូចឆ្នាំទី៨១ នៅក្រុងមេនតុន ភាគអាគ្នេយ៍ ប្រទេសបារាំង ។
១-រូបសំណាកមឹកយក្សរៀបផ្គុំពីផ្លែក្រូច
កម្មកររៀបផ្គុំត្រីមឹកយក្សត្រៀមសម្រាប់ប្រារព្ធពិធីផ្លែក្រូចឆ្នាំទី៨១ នៅក្រុងមេនតុន ភាគអាគ្នេយ៍ ប្រទេសបារាំង ។
២-ក្រពើឡើងដើមឈើ
អ្នកស្រាវជ្រាវមហាវិទ្យាល័យថេនណេស៊ី សហរដ្ឋអាមេរិក បានឃ្លាំមើលការរស់នៅរបស់ក្រពើ ហើយបានបង្ហាញរូបភាពក្រពើនៅហ្វ៊ីលីពីនឡើងដើមឈើដេកសំដិលថ្ងៃ ។ របាយការណ៍បញ្ជាក់ថា ក្រពើអាចឡើងដើមឈើកម្ពស់១,៨ម៉ែត្របាន ប៉ុន្ដែតាមសម្ដីរបស់អ្នកស្រុកខ្លះថា ធ្លាប់ឃើញវាវារឡើងដើមឈើខ្ពស់ដល់ទៅ៨ម៉ែត្រ ។
៣-ត្រីមឹក
មហាវិទ្យាល័យអ៊ុបសាឡា របស់ស៊ុយអែតបង្ហាញរូបគ្រោងត្រីមឹកក្នុងយុគសម័យបុរាណកាលពី៤១៥លានឆ្នាំមុន ដែលជីកប្រទះឃើញក្នុងដីនៅតំបន់អាកទិក ប្រទេសកាណាដា ។
៤-កូនផេនដា
កូនខ្លាឃ្មុំផេនដា អាយុ៦ខែ លេងនៅក្នុងឧទ្យានសាហ្វារីផាក ឈីម៉េលឡុង ក្រុងគ័ងចូវ ។ ខ្លាឃ្មុំផេនដាពូជយក្ស ជាពូជសត្វមានកូនច្រើន ខណៈពេលបច្ចុប្បន្នមានផេនដារស់នៅក្នុងព្រៃជាធម្មជាតិ ក្នុងខេត្ដស៊ីឈួន ចំនួន១.៦០០ក្បាល និងនៅតាមឧទ្យានសត្វនៅលើពិភពលោកចំនួន៣០០ក្បាល ។
៥-ទូរស័ព្ទវាស់ស្ទង់ចង្វាក់បេះដូង
តាមធម្មតាទូរស័ព្ទប្រើសម្រាប់ទាក់ទង លេងហ្គេម និងបញ្ជូនសារ ប៉ុន្ដែបច្ចុប្បន្នបានបង្កើតតួនាទីម៉្យាងទៀតជាឧបករណ៍វាស់ស្ទង់ចង្វាក់បេះដូង បញ្ជូនឱ្យគ្រូពេទ្យពិនិត្យវិនិច្ឆ័យ ។
៦-រថយន្ដ Peugeot សញ្ជាតិចិន
រថយន្ដ Peugeot ស៊េរី២០០៨ បង្ហាញក្នុងពិព័រណ៍រថយន្ដគ័ងចូវ២០១៣ ជាផលិតផលរបស់ក្រុមហ៊ុនដុងហ្វេង (Dong Feng) ប្រទេសចិន ដែលបានវិនិយោគទុនក្នុងក្រុមហ៊ុន Peugeot ប្រទេសបារាំងចំនួន១ពាន់លានដុល្លារ ដើម្បីពង្រីកទីផ្សាររថយន្ដក្នុងប្រទេសចិនដែលកំពុងរីកដុះដាលយ៉ាងឆាប់រហ័ស ។
៧-ប្រជុំផ្កាយទើបចាប់កំណើត
អង្គការអវកាសសហរដ្ឋអាមេរិក បានបង្ហាញរូបភាពប្រជុំផ្កាយចម្រុះពណ៌ «អេប៊ែ២៧៤៤» ដោយស្ថិតនៅឆ្ងាយពីផែនដីក្នុងរយៈចម្ងាយ៣,៥ពាន់លានឆ្នាំពន្លឺ ។
៨-ទំនប់វារីអគ្គិសនីឡាវគំរាមដល់ត្រីផ្សោតកម្ពុជា
មូលនិធិសត្វព្រៃពិភពលោក (WWF) ប្រកាសអាសន្នថា ការបង្កើតទំនប់ដុនសាហោង ក្នុងទន្លេមេគង្គភាគខាងត្បូងឡាវ នឹងបង្កគ្រោះថ្នាក់ដល់ត្រីផ្សោតជាប្រភេទសត្វកម្រ និងប្រឈមមុខលើការផុតពូជនៅ កម្ពុជា ។ បច្ចុប្បន្នមានផ្សោតប្រហែល៨៥ក្បាល ស្ថិតនៅក្រោមការអភិរក្សរបស់កម្ពុជា កាលពីឆ្នាំ២០១២ ព្រោះវាមានសារសំខាន់ក្នុងការទាក់ទាញអ្នកទេសចរ ។
៩-ម៉ាឡេស៊ីរកឃើញផូស៊ីលដាយណូស៊័រ
ក្រុមបុរាណវិទ្យានៃមហាវិទ្យាល័យម៉ាឡេស៊ីសហការជាមួយអ្នកស្រាវជ្រាវពីមហាវិទ្យាល័យវ៉ាសេដា និងកាម៉ាម៉ូតុរបស់ជប៉ុន បានរកឃើញផូស៊ីលដាយណូស៊័រដំបូង ជាបំណែកធ្មេញដាយណូស៊័រស៊ីត្រីជាអាហារ មានអាយុកាលជាង៧៥លានឆ្នាំ ក្រោយពីចំណាយពេលដើររុករកនៅបរិវេណរដ្ឋប៉ាហាំង ភាគកណ្ដាលប្រទេសអស់រយៈពេលជិត២ឆ្នាំ កន្លងមក និងជាតឹកតាងបញ្ជាក់ថា កាលពីបុរាណកាលធ្លាប់មានដាយណូស៊័រនៅក្នុងរដ្ឋប៉ាហាំង ប្រទេសម៉ាឡេស៊ី ៕
ចែករំលែកព័តមាននេះ