ខេត្តក្រចេះ ៖ បុរសវ័យចំណាស់ម្នាក់បានលង់ទឹកស្លាប់ភ្លាមៗ ខណៈបុរសរូបនេះលោតចុះពីលើសាឡាង.ដចម្លង ដែលបានចេញឆ្ងាយពីច្រាំងទន្លេដើម្បីហែលទឹកត្រឡប់មកកាន់កន្លែងដើមវិញ កាលពីវេលាម៉ោង១១ថ្ងៃត្រង់ ថ្ងៃទី៨ មីនា ២០១៤ នៅភូមិកំពង់គរ ស្រុកព្រែកប្រសព្វ ។
ខេត្តក្រចេះ ៖ បុរសវ័យចំណាស់ម្នាក់បានលង់ទឹកស្លាប់ភ្លាមៗ ខណៈបុរសរូបនេះលោតចុះពីលើសាឡាង.ដចម្លង ដែលបានចេញឆ្ងាយពីច្រាំងទន្លេដើម្បីហែលទឹកត្រឡប់មកកាន់កន្លែងដើមវិញ កាលពីវេលាម៉ោង១១ថ្ងៃត្រង់ ថ្ងៃទី៨ មីនា ២០១៤ នៅភូមិកំពង់គរ ស្រុកព្រែកប្រសព្វ ។
បើតាមប្រភពព័ត៌មានពីកន្លែងកើតហេតុបានឱ្យដឹងថា ជនរងគ្រោះឈ្មោះលី គង់ ភេទប្រុស អាយុ៦១ឆ្នាំ ជាអ្នកធ្វើម្ហូបការ មានទីលំនៅភូមិកើតហេតុខាងលើ ។ មុនពេលកើតហេតុជនរងគ្រោះបានឆ្លងដមួយកន្លែងឆ្ពោះទៅកាន់ស្រុកឆ្លូង ដើម្បីយកសាច់ទៅធ្វើម្ហូបការ។ ខណៈពេលជនរងគ្រោះកំពុងតែឆ្លងសាឡាងចេញផុតពីច្រាំងបន្តិច ស្រាប់តែមានគេប្រាប់ថា សាច់គោដែលជនរងគ្រោះត្រូវយកទៅនោះគេបានផ្ញើតាមទូកដមកហើយ។ ភ្លាមៗនោះជនរងគ្រោះក៏បានស្រែកឱ្យម្ចាស់ដចូលខាងវិញ តែអ្នកបើកសាឡាងមិនព្រមចូល ជនរងគ្រោះបានសម្រេចដោះស្បែកជើងលោតពីលើសាឡាងដើម្បីហែលទឹកឆ្លងក៏ត្រូវលង់ស្លាប់តែម្តង។
នគរបាលបាននិយាយថា ក្រោយកើតហេតុរួច កម្លាំងជំនាញបានចុះទៅដល់ទីតាំងកើតហេតុ ហើយបានពិនិត្យសពជនរងគ្រោះពិតជាស្លាប់ដោយសារលង់ទឹក។ ប្រភពព័ត៌មានមួយបានឱ្យដឹងថា ក្នុងហេតុការណ៍នេះម្ចាស់ដចម្លងបានសម្រេចចេញសំណង៤លានរៀលដល់បុរសរងគ្រោះ៕
ចែករំលែកព័តមាននេះ