រាជធានីភ្នំពេញ ៖ យុវជន២នាក់ឆក់ទូរស័ព្ទដៃតាមផ្លូវសាធារណៈ ត្រូវសាលាដំបូងរាជធានីភ្នំពេញសម្រេចឃុំខ្លួនដាក់ពន្ធនាគារជាបណ្តោះអាសន្ន កាលពីថ្ងៃទី៨ មីនា ២០១៤ រង់ចាំបើកសវនាការផ្តន្ទាទោសតាមច្បាប់។
រាជធានីភ្នំពេញ ៖ យុវជន២នាក់ឆក់ទូរស័ព្ទដៃតាមផ្លូវសាធារណៈ ត្រូវសាលាដំបូងរាជធានីភ្នំពេញសម្រេចឃុំខ្លួនដាក់ពន្ធនាគារជាបណ្តោះអាសន្ន កាលពីថ្ងៃទី៨ មីនា ២០១៤ រង់ចាំបើកសវនាការផ្តន្ទាទោសតាមច្បាប់។
ជនសង្ស័យទាំង២នាក់ ម្នាក់ឈ្មោះរ៉ា សុផានិត ភេទប្រុស អាយុ១៨ឆ្នាំ ជាសិស្ស ស្នាក់នៅភូមិបែកចាន ឃុំបែកចាន ស្រុកអង្គស្នួល ខេត្តកណ្តាល និងម្នាក់ទៀតឈ្មោះលន់ រដ្ឋា ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅផ្ទះជួល សង្កាត់មិត្តភាព ខណ្ឌ៧មករា ។
លោកអនុសេនីយ៍ទោ រស់ ស៊ីណា ប្រធានផ្នែកនគរបាលព្រហ្មទណ្ឌបានឱ្យដឹងថា ជនសង្ស័យទាំង២នាក់ត្រូវសមត្ថកិច្ចចាប់ខ្លួនកាលពីវេលាម៉ោង១០ និង៥០នាទីព្រឹក ថ្ងៃទី៥ មីនា ២០១៤ នៅមុខផ្ទះសំណាក់បូរីរីករាយ ស្ថិតក្នុងសង្កាត់វាលវង់ ខណ្ឌ៧មករា បន្ទាប់ពីពួកគេធ្វើសកម្មភាពឆក់ទូរស័ព្ទដៃយុវជនម្នាក់ឈ្មោះលាភ សូយទ្រី អាយុ២២ឆ្នាំ ជានិស្សិតវិទ្យាស្ថានភាសាបរទេស ស្នាក់នៅផ្ទះលេខ១៦០Eo ផ្លូវ១៦១ សង្កាត់វាល់វង់ ខណ្ឌ៧មករា ខណៈពេលយុវជនរូបនេះជិះម៉ូតូចេញពីផ្ទះទៅសាលារៀនដើម្បីមើលវិញ្ញាសាប្រឡង ហើយលើកទូរស័ព្ទនិយាយតាមផ្លូវ។
ក្រោយពីឃាត់ខ្លួនជនសង្ស័យ សមត្ថកិច្ចបានដកហូតទូរស័ព្ទដៃប្រគល់ជូនជនរងគ្រោះវិញភ្លាមៗដែរ៕
ចែករំលែកព័តមាននេះ