ខេត្តបន្ទាយមានជ័យ ៖ តំបន់ប្រាសាទបន្ទាយឆ្មាតុបតែងខ្លួនស្អាតត្រៀមស្វាគមន៍ភ្ញៀវទេសចរ នាពេលខាងមុខ។ បច្ចុប្បន្នប្រាសាទបន្ទាយឆ្មា ដែលជាប្រាសាទបុរាណដ៏ធំជាងគេនៅក្នុងខេត្តបន្ទាយមានជ័យបានផ្លាស់ប្ដូរមុខមាត់ហើយ ក្រោយបានរងគ្រោះដោយការបាក់បែក និងមានព្រៃដុះជុំជិតពីក្នុងសម័យសង្គ្រាម។ ក្រុមប្រាសាទនេះ ត្រូវបានបំផ្លិចបំផ្លាញស្ទើរតែទាំងស្រុងគួរឱ្យសង្វេគជាពន់ពេកណាស់…
ខេត្តបន្ទាយមានជ័យ ៖ តំបន់ប្រាសាទបន្ទាយឆ្មាតុបតែងខ្លួនស្អាតត្រៀមស្វាគមន៍ភ្ញៀវទេសចរ នាពេលខាងមុខ។ បច្ចុប្បន្នប្រាសាទបន្ទាយឆ្មា ដែលជាប្រាសាទបុរាណដ៏ធំជាងគេនៅក្នុងខេត្តបន្ទាយមានជ័យ
បានផ្លាស់ប្ដូរមុខមាត់ហើយ ក្រោយបានរងគ្រោះដោយការបាក់បែក និងមានព្រៃដុះជុំជិតពីក្នុងសម័យសង្គ្រាម។
ក្រុមប្រាសាទនេះ ត្រូវបានបំផ្លិចបំផ្លាញស្ទើរតែទាំងស្រុងគួរឱ្យសង្វេគជាពន់ពេកណាស់ តែនៅមួយរយៈចុងក្រោយនេះ ក្រុមប្រាសាទនៅតំបន់បន្ទាយឆ្មារ បានទទួលការជួសជុល សម្រួលថ្ម សម្អាតព្រៃ បរិស្ថាន អនាម័យ ធ្វើផ្លូវចូល ស្តារពើក ក្នុងកស្សិណ ដាក់ភ្លើងបំភ្លឺ ។ល។
នៅក្នុងឆ្ន២០១៧ ដោយទទួលបានថវិកា ពីលោកជំទាវឧកញ៉ា ម៉ៅ ម៉ាល័យ កែ គឹមយ៉ាន និងក្រុមការងារថ្នាក់ខេត្តបានបង្កើតព្រឹត្តការណ៍នានាជាច្រើន ដែលដែលជាសកម្មភាពនៃការស្រោចស្រង់ ជួសជុល និង
កែលំអប្រាសាទបុរាណទាំងឡាយ ដែលនៅក្នុងតំបន់ប្រាសាទបន្ទាយឆ្មា ឲ្យមានជីវិតរស់ឡើងវិញ ។
តាំងពីឆ្នាំ២០១៧មក សកម្មភាពនៃការសម្អាតពើក ត្រឹប នៅក្នុងកស្សិណប្រាសាទ កាប់ឆ្ការព្រៃ ស្មៅ បន្លា កសាងផ្លូវខាងក្នុងប្រាសាទ និងផ្លូវព័ទ្ធជុំវិញកស្សិណខាងក្រៅ ទំហំរាប់ម៉ឺនម៉ែត្រក្រឡា បានរៀបសម្រួលដុំថ្ម ជាផ្លូវជូនភ្ញៀវ នៅត្រង់កន្លែងឡើង មើលចម្លាក់ ឬ ថ្មប្រាសាទ បានជួយដាំ បង្គោលបំភ្លឺភ្លើងសូឡាចំនួន ១១១ដើមផងដែរ។
បន្ទាប់មក ដោយទទួលបានថវិកា ពីលោកជំទាវឧកញ៉ា ម៉ៅ ម៉ាល័យ កែ គឹមយ៉ានក្រុមការងារបានជួសជុលផ្លូវចូលក្នុង ប្រាសាទហើយនិង បានសម្រួលថ្ម ជួសជុល និងអភិរក្ស ត្រង់រូបអវតារលោកិស្វរ:ដោយ បានសហការជាមួយក្រុមការងារនៃនាយកដ្ឋានគាំពារ និងអភិរក្សសំណង់បូរាណនៃក្រសួងវប្បធម៍និងវិចិត្រសិល្ប:បានជួសជុលរោងទងខាងត្បូង ឈៀងខាងលិច ជាប់នឹងជញ្ជាំងមានរូបចម្លាក់អវតាលោកិស្វរៈ និងបានទិញថ្មបាយក្រៀមថ្មី ជាច្រើនដុំ សម្រាប់បម្រើឱ្យ ការងារជួសជុលនេះផងដែរ ដោយជួយកសាងបន្ទប់ទឹក និងបង្គន់ស្តង់ដារ ចំនួន៨បន្ទប់ថែមទៀត ។
ក្រៅពីនោះ ជំទាវឧកញ៉ាម៉ៅ ម៉ាល័យ កែ គឹមយ៉ាន ក៏ផ្តល់ថវិកាដល់ក្រុមការងារ សម្រាប់ជួសជុល កសាងថ្មីនូវ ផ្លូវក្រាលដី និងក្រាលគ្រួស ចូលប្រាសាទរណប ជុំវិញប្រាសាទបន្ទាយឆ្មារបន្ថែមទៀតគឺ ១-ប្រាសាទសំណាងតាសុខ, ប្រាសាទចិញ្ចឹមត្រី ប្រាសាទយាយជូ ប្រាសាទយាយគុំ ប្រាសាទតាណែម ប្រាសាទតាប្លាំង ប្រាសាទតាអឹម ប្រាសាទតាព្រហ្ម ដែលពីមុនផ្លូវចូលប្រាសាទទាំងនោះ ជាផ្លូវរទេះ ផ្លូវថ្មើរជើងក្នុងព្រៃ ហើយជាទូទៅ មិនអាចធ្វើដំណើរបានឡើយ នៅរដូវវស្សា ដោយមានក្រុមការងារសហភាពសហព័ន្ធកម្ពុជា(សសយក) ខេត្តបន្ទាយមានជ័យ ក៏ជួយរៀបបណ្តាញ ភ្លើងអគ្គិសនី ជុំវិញផ្លូវនៃប្រាសាទផងដែរ។ (សម្រួលដោយ៖ ស្រីណា)
ចែករំលែកព័តមាននេះ