ខេត្តកំពង់ឆ្នាំង ៖ ស្ត្រីវៀតណាមម្នាក់ ត្រូវកម្លាំងនគរបាលក្រុងកំពង់ឆ្នាំង ធ្វើការឃាត់ខ្លួនយកមកសាកសួរ បន្ទាប់ពីបានយកប្លាទីនក្លែងក្លាយទៅលក់ ហើយត្រូវបានអ្នកទិញដឹងទាន់ កាលពីវេលាម៉ោង៨ និង៣០នាទីព្រឹកថ្ងៃទី៧ មីនា ២០១៤ នេះ នៅមុខផ្សារឆ្នាំង សង្កាត់កំពង់ឆ្នាំង និងក្រុងកំពង់ឆ្នាំង ។
ខេត្តកំពង់ឆ្នាំង ៖ ស្ត្រីវៀតណាមម្នាក់ ត្រូវកម្លាំងនគរបាលក្រុងកំពង់ឆ្នាំង ធ្វើការឃាត់ខ្លួនយកមកសាកសួរ បន្ទាប់ពីបានយកប្លាទីនក្លែងក្លាយទៅលក់ ហើយត្រូវបានអ្នកទិញដឹងទាន់ កាលពីវេលាម៉ោង៨ និង៣០នាទីព្រឹកថ្ងៃទី៧ មីនា ២០១៤ នេះ នៅមុខផ្សារឆ្នាំង សង្កាត់កំពង់ឆ្នាំង និងក្រុងកំពង់ឆ្នាំង ។
ប្រភពបានឱ្យដឹងថា ស្រី្តវៀតណាមម្នាក់នោះឈ្មោះចាន់ ធូ អាយុ៤៨ឆ្នាំ ស្នាក់នៅភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ។ ចំណែកស្ត្រីជាអ្នកទិញឈ្មោះវ៉ាន់ ចាន់ អាយុ៥២ឆ្នាំ និងជាងមាសឈ្មោះសែម សំ អាយុ៤៩ឆ្នាំ ។
ប្រភពបានបន្តថា នៅមុនពេលកើតហេតុ ស្ត្រីវៀតណាមម្នាក់នោះបានយកខ្សែដៃប្លាទីនមួយខ្សែទៅលក់ឱ្យស្ត្រីឈ្មោះវ៉ាន់ ចាន់ នៅក្នុងផ្សារឆ្នាំង ពេលនោះស្ត្រីអ្នកទិញបានឱ្យជាងឈ្មោះសែម សំ ដុសមើល ហើយជាងក៏ប្រាប់វិញថា ប្លាទីនទឹក៦ ពេលនោះស្ត្រីអ្នកទិញបានឱ្យតម្លៃ៣១ម៉ឺនរៀល ក្នុង១ជី លុះពេលថ្លឹងឃើញមានទម្ងន់៤ជី ៩ហ៊ុន ៧លី ហើយស្ត្រីអ្នកទិញបានប្រគល់ប្រាក់ចំនួនជាង១លាន៥០ម៉ឺនរៀល ទៅឱ្យស្ត្រីវៀតណាមនោះ ។
ប្រភពដដែលបានបន្តថា លុះពេលស្ត្រីវៀតណាមដើរចេញផុតបានបន្តិច ស្ត្រីអ្នកទិញមិនទុកចិត្តបានយកខ្សែដៃនោះ ទៅឱ្យជាង ឈ្មោះសែម សំ ដុតរំលាយមើលម្តងទៀត ស្រាប់តែចេញមកស្ពាន់ និងទង់ដែង ឃើញដូច្នេះ អ្នកទិញបានរត់ទៅចាប់អ្នកលក់ ដែលកំពុងដើរចេញបានប្រហែល៣០ម៉ែត្រយកលុយវិញ និងបានហៅប៉ូលិសឱ្យចាប់ខ្លួនស្ត្រីវៀតណាមរូបនោះ ។
ទោះជាយ៉ាងណា ករណីនេះស្ត្រីវៀតណាមរូបនោះ បានប្រកែកមិនព្រមទទួលស្គាល់ប្លាទីនក្លែងក្លែងនេះជារបស់គាត់ឡើយ ព្រោះអ្នកទិញបានយកខ្សែដៃប្លាទីននោះទៅដុត មិនឱ្យគាត់មើលផង ស្រាប់តែមកវិញចេញដុំស្ពាន់មួយដុំទៅវិញ ដែលករណីនេះ មន្ត្រីប៉ូលិសវាយតម្លៃថា គឺបណ្តាលមកពីអ្នកទិញមិនបានប្រុងប្រយ័ត្ន ។ នៅពេលប៉ូលីសចាប់ស្ត្រីវៀតណាមរូបនោះ គាត់ឆ្លើយបដិសេធថា របស់គាត់ជាខ្សែដៃប្លាទីន ហេតុអីពេលនេះ ក្លាយជាដុំស្ពាន់ទៅវិញ គាត់មិនទទួលស្គាល់ឡើយ ។
ចែករំលែកព័តមាននេះ