រាជធានីភ្នំពេញ ៖ លោកសាស្ត្រាចារ្យ ឈាង រ៉ា អគ្គនាយកនៃមន្ទីរពេទ្យកាល់ម៉ែត បានចូលរួមជាគណៈអធិបតីក្នុងពិធីប្រារព្ធខួបលើកទី១០៣នៃទិវាអន្តរជាតិនារី០៨ មីនា ២០១៤ ក្រោមប្រធានបទ «សមភាពនៃការអប់រំមានសារសំខាន់ក្នុងកិច្ចអភិវឌ្ឍន៍សង្គម» ដែលរៀបចំឡើងនៅសាលប្រជុំមន្ទីរពេទ្យកាល់ម៉ែត កាលពីព្រឹកថ្ងៃទី០៧ មីនា ឆ្នាំ២០១៤។
រាជធានីភ្នំពេញ ៖ លោកសាស្ត្រាចារ្យ ឈាង រ៉ា អគ្គនាយកនៃមន្ទីរពេទ្យកាល់ម៉ែត បានចូលរួមជាគណៈអធិបតីក្នុងពិធីប្រារព្ធខួបលើកទី១០៣នៃទិវាអន្តរជាតិនារី០៨ មីនា ២០១៤ ក្រោមប្រធានបទ «សមភាពនៃការអប់រំមានសារសំខាន់ក្នុងកិច្ចអភិវឌ្ឍន៍សង្គម» ដែលរៀបចំឡើងនៅសាលប្រជុំមន្ទីរពេទ្យកាល់ម៉ែត កាលពីព្រឹកថ្ងៃទី០៧ មីនា ឆ្នាំ២០១៤។
នៅចំពោះមុខមន្ត្រីរាជការ បុគ្គលិក កម្មករ កម្មការនី ដែលចូលរួមអបអរសាទរខួបលើកទី១០៣ទិវាអន្តរជាតិនារី០៨ មីនានេះ លោកសាស្ត្រាចារ្យ ឈាង រ៉ា បានថ្លែងថា នៅទូទាំងសកលលោកក៏ដូចជាក្នុងព្រះរាជាណាចក្រកម្ពុជានៅថ្ងៃទី០៨ មីនា ជារៀងរាល់ឆ្នាំតែងតែប្រារព្ធទិវាអន្តរជាតិនារី០៨មីនានេះឡើង គឺដើម្បីរំលឹកដល់ខួបលើកទី១០៣នៃការតស៊ូរបស់បងប្អូនជានារីលើសកលលោក ដែលការតស៊ូនេះធ្វើឡើងដើម្បីទាមទារនូវសិទ្ធិរបស់បងប្អូននារី រហូតទទួលបានជោគជ័យនូវសិទ្ធិជាមូលដ្ឋានក្នុងការចូលរួមដ៏សំខាន់ក្នុងការដឹកនាំប្រទេស ក្រសួង មន្ទីរ ស្ថាប័ន និងអង្គការនានាក៏ដូចជាជួយការងារក្នុងសង្គមជាតិទាំងមូល។
នៅប្រទេសកម្ពុជារាជរដ្ឋាភិបាលតែងតែបានយកចិត្តទុកដាក់ជានិច្ចពិនិត្យ លើការជ្រើសរើស និងតែងតាំងស្ត្រីដែលមានសមត្ថភាពចូលរួមការងារនៅក្នុងក្រសួង មន្ទីរ ស្ថាប័ន និងអង្គការសង្គមនានាស្មើភាពហើយតែងតែផ្តល់តម្លៃឲ្យស្ត្រីព្រមទាំងចាត់ទុកថា ស្ត្រីជាឆ្អឹងខ្នងក្នុងការអភិឌ្ឍសេដ្ឋកិច្ច និងសង្គមកម្ពុជាឲ្យមានភាពជឿនលឿន ដូចបណ្តាប្រទសមួយចំនួននៅលើសកលលោក៕
ចែករំលែកព័តមាននេះ