រាជធានីភ្នំពេញ ៖ អ្នកចម្រៀងប្រចាំផលិតកម្ម Diamond ម្នាក់ កាលពីព្រឹកថ្ងៃទី០៦ មីនា ត្រូវបានចៅក្រមស៊ើបសួរសាលាដំបូងរាជធានីភ្នំពេញ សម្រេចចេញដីកា ឃុំខ្លួនដាក់ពន្ធនាគារជាបណ្តោះអាសន្ន ក្រោមបទចោទប្រកាន់ថាបាន រួមភេទជាមួយអនីតិជនក្រោមអាយុ១៥ឆ្នាំ ។
រាជធានីភ្នំពេញ ៖ អ្នកចម្រៀងប្រចាំផលិតកម្ម Diamond ម្នាក់ កាលពីព្រឹកថ្ងៃទី០៦ មីនា ត្រូវបានចៅក្រមស៊ើបសួរសាលាដំបូងរាជធានីភ្នំពេញ សម្រេចចេញដីកា ឃុំខ្លួនដាក់ពន្ធនាគារជាបណ្តោះអាសន្ន ក្រោមបទចោទប្រកាន់ថាបាន រួមភេទជាមួយអនីតិជនក្រោមអាយុ១៥ឆ្នាំ ។
អ្នកចម្រៀងរូបនេះឈ្មោះ ជុំ សម្ពស ហៅ ចេស្តា ភេទប្រុស អាយុ៣០ឆ្នាំ ស្នាក់នៅភូមិដើមស្លែង សង្កាត់ច្បារអំពៅ២ ខណ្ឌមានជយ័ ចំណែកជនរងគ្រោះអាយុ១៤ឆ្នាំ មានទីលំនៅក្នុងបុរីមួយ តាមបណ្តោយផ្លូវវេងស្រេង សង្កាត់ចោមចៅ ខណ្ឌពោធិ៍សែនជយ័ ។
អង្គហេតុ បណ្តាលឲ្យចៅក្រមស៊ើបសួរសាលាដំបូងរាជធានីភ្នំពេញ ឃុំខ្លួនអ្នកចម្រៀងខាងលើនេះគឺ កាលពីថ្ងៃទី២១ មករា ២០១៤ នាយកដ្ឋាននគរបាលប្រឆាំងការជួញដូរមនុស្ស និងការពារអនីតិជន ក្រសួងមហាផ្ទៃបានទទួលពាក្យបណ្តឹងពីស្រ្តីម្នាក់ដែលជាម្តាយជនរងគ្រោះ តាមរយៈអង្គការសម្ពន្ធ័ចាប់ដៃសំរាប់ជួយអនីតិជននៅកម្ពុជា បានប្តឹងឈ្មោះជុំ សម្ពស ហៅ ចេស្តា ជាអ្នកចម្រៀងប្រចាំផលិតកម្មDiamond និងច្រៀងម្តងម្កាលនៅក្លឹបកំសាន្តថោន ។
ប្រភពព័ត៌មានបានឲ្យដឹងថា ពាក្យបណ្តឹងរបស់ម្តាយជនរងគ្រោះ បានចោទប្រកាន់អ្នកចម្រៀងរូបនោះថា កាលពីយប់ថ្ងៃទី០១ មករា ២០១៤ ឈ្មោះ ចេស្តា បានទៅនាំកូនស្រីគាត់ចេញពីផ្ទះបាត់១យប់ ។ លុះស្អែកឡើងកូនមកដល់ផ្ទះវិញម្តាយសួរនាំទៅថាឈ្មោះ ចេស្តា យកនាងទៅរួមភេទនៅផ្ទះសំណាក់ ។
ជាងនេះទៀតនាងបានសារភាពទទួលកំហុសជាមួយនឹងម្តាយថា មិនមែនតែម្តងនេះទេដែលឈ្មោះជុំ សម្ពស ហៅ ចេស្តា លួងលោមនាងទៅរួមភេទនៅផ្ទះសំណាក់នោះ គឺសរុបទៅ៤លើកមកហើយ ។ នាងរងគ្រោះបានប្រាប់ម្តាយថា នាងចាញ់បោកអស់ព្រហ្មចារីជាមួយអ្នកចម្រៀងម្នាក់នោះ ព្រោះនាងចង់ក្លាយជាតារាចម្រៀង ដើម្បីឲ្យបានធ្វើជាតារានាងសុខចិត្តលះបង់អ្វីៗដែលគេត្រូវការ ទីបំផុតបានត្រឹមខកខ្លួនជាមួយអ្នកចម្រៀងរូបនេះបោកយកព្រហ្មចារីអស់រលីង ៕
ចែករំលែកព័តមាននេះ